Maak 12:10 - EBƆRƐ BE KAWƆL

¹⁰ Men maŋ naŋ kraŋ abɔrɛsibɛ nɛ a bee kaŋɛ le: ‘Kejembu mo nɛ bepɔrpo kini na e ba ki ebu na be kebonfu be gbaltɔlase lela na.

Maak 12:10 ပူးပေါင်းရင်းမြစ်များ

Aizaaya 28:16

To, kusɔ nɛ Enyɛnpetale Ebɔrɛ na bee kaŋɛ nde: “Mee tɔl gbaltɔlase nɛ k kɔ eleŋ a yil a maa gbuŋgbuŋ nna ashi Zayɔn to. Ma alɛ beeŋ ta kejembu nɛ bepɔrpo keni to n lara fanɛ kebonfu to be kejembu nɛ k kɔ eleŋ ga na nna n nase gbaltɔlase na, nɛ b sibɛ le n deŋi kumo so, ‘Yirda nɛ k yil to kpakpa kɔ kanyiti nna.’

Matiu 12:3

Nɛ Yesu bishi bumo: “Men maŋ naŋ kraŋ kusɔ nɛ Ewura Deevid daŋ wora saŋɛ nɛ akoŋ daŋ pɛ mo nɛ basa nɛ b daa wɔ mo kutɔ na nna a?

Matiu 19:4

Nɛ Yesu bishi bumo: “Men maŋ naŋ kraŋ ashi abɔrɛsibɛ na to fanɛ sososo na enyɛn nɛ eche nɛ Epɔrpo na pɔr

Matiu 21:16

nɛ b bishi Yesu le: “Fee nu kusɔ nɛ mbia ere bee kaŋɛ nna ere a?” Nɛ Yesu kaŋɛ bumo: “Mm, mee nu. Menyi ere maŋ naŋ kraŋ ashi Nshɛ be Kawɔl to fanɛ: ‘Fo shin nɛ mbigboŋibi nɛ bumo nɛ b kraa wɔ enɔ to kikɛ ba pin kedi Ebɔrɛ epaŋ nɛnɛ na a?’ ”

Matiu 21:42

Nɛ Yesu naŋ bishi bumo: “Men maŋ naŋ kraŋ abɔrɛsibɛ nɛ a bee kaŋɛ le na nna; a yɛ: ‘Kejembu mo nɛ bepɔrpo kini na e ba ki ebu na be kebonfu be gbaltɔlase lela na. Enyɛnpe e daŋ wora le be kesheŋ. Kumo alɛ be kananɛ k kɔ mamachi anyi to’ a?

Matiu 22:31

To, ketiŋi luwu to na malɛ be asheŋ, men maŋ naŋ kraŋ kusɔ nɛ Ebɔrɛ kaŋɛ menyi na nna a?

Maak 12:26

To, basa be ketiŋi luwu to na malɛ be asheŋ, men maŋ naŋ kraŋ kupumbi be kechɔɔ na be asheŋ ashi anebi Mosis be kawɔl na to a? Le nɛ Ebɔrɛ daŋ kaŋɛ Mosis ndoŋ: ‘Ma e la Eebraham be Ebɔrɛ nɛ Aizek be Ebɔrɛ nɛ Jeekɔb be Ebɔrɛ.’

Maak 12:9

Nɛ Yesu bishi basa na le: “To, manɛ nɛ kudɔ na wura beeŋ wora? E beeŋ ba mɔ paawuraana na nseŋ ta ndibi sɔrso be kudɔ na n sa paawuraana popɔr.

Maak 13:14

Men baŋ ya wu edɔsopogboŋ nɛ e bee shin nɛ kemur bee ba na ka yil kakpa nɛ k maŋ daga na, fo nɛ fee kraŋ fo pin kesheŋ ere be kifito! Men baŋ ya wu loŋ be asheŋ, men shin nɛ bumo nɛ b wɔ Judiya be efuli so na e shile n yɔ abee ase.

Maak 2:25

Nɛ Yesu bishi bumo: “Men maŋ naŋ kraŋ kusɔ nɛ Ewura Deevid wora saŋɛ nɛ e daa maŋ kɔ shɛŋ nɛ akoŋ daŋ pɛ mo nɛ basa nɛ b daa wɔ mo kutɔ na nna a?

Luuk 6:3

Nɛ Yesu bishi bumo: “Men maŋ naŋ kraŋ kusɔ nɛ Ewura Deevid daŋ wora saŋɛ nɛ akoŋ daŋ pɛ mo nɛ basa nɛ b daa wɔ mo kutɔ na nna a?

Romebi 9:33

Kumo be asheŋ nɛ abɔrɛsibɛ na bee kaŋɛ fanɛ Ebɔrɛ kaŋɛ le na: “Men keni, kejembu nɛ n ta n nase Zayɔn nɛ k bee shin nɛ basa bee fiti kumo na, kumo e la fanɛ kefalta nɛ baaŋ fiti n tɔr na. Ama ekama nɛ e yirda mo Yesu na bre maaŋ ji anishinyɔr kikɛ.”