Maak 11:33 - EBƆRƐ BE KAWƆL

³³ Amoso, le nɛ b daŋ kaŋɛ Yesu: “Anyi maŋ nyi.” Ndoŋ nna nɛ Yesu malɛ kaŋɛ bumo: “To, ma alɛ gba maaŋ kaŋɛ menyi kakpa nɛ eleŋ nɛ ŋ kɔ a wɔtɔ a wora asheŋ na shi.”

Maak 11:33 ပူးပေါင်းရင်းမြစ်များ

Aizaaya 1:3

Ana nɛ ekurma nyi basa nɛ b wɔ bumo nsaa bela bumo. Ama ma basa, Israɛlebi, bre maŋ nyi ma. B maa pin asheŋ to gba kuraa.”

Aizaaya 56:10

E yɛ: “Bejuŋkparpo nɛ b daga kekpele ma basa kusoe na kikɛ tan nna! B maŋ nyi shɛŋ. B du fanɛ njɔnɔ nɛ b maa gbu nna. Bumo peya e la kebaadese a di a ku edare. Baa sha edi nna ga!

Hoziya 4:6

Ma basa bee mur nna ŋkpal b ka kini ma so. Menyi bɔrɛmatapoana gba kini ma nseŋ kini ma keŋini gba n ti so. Ŋkpal loŋ so nɛ ma alɛ gba kini menyi na. M maaŋ naŋ wu menyi be mbinyɛnsobi gba fanɛ b la bɔrɛmatapoana.

Matiu 15:14

Men kplaŋ bumo so. B la betanpo nna a juŋkpar betanpo. Nɛ tanpo malɛ keta mo barkasa tanpo kekpabi, bumo benyɔ na kikɛ beeŋ tɔr kemaŋ to.”

Matiu 16:4

Ama mbreebi be alubi nɛ kabɔrɛkini shi bumo to bre. B yɛ fanɛ n wora mamachi be kesheŋ ko ŋ ŋini fanɛ Ebɔrɛ wɔ ma kaman, ama b maaŋ nya shɛŋ n wu she anebi Jona be mamachi be kesheŋ na nawule.” Kede be kaman nɛ e yige bumo nseŋ yɔ.

Matiu 21:27

Amoso le nɛ b daŋ kaŋɛ Yesu: “Anyi maŋ nyi.” Ndoŋ nna nɛ Yesu malɛ kaŋɛ bumo: “To, ma alɛ gba maaŋ kaŋɛ menyi kakpa nɛ eleŋ nɛ ŋ kɔ a wɔtɔ a wora asheŋ na shi.”

Maak 11:32

Nɛ anyi alɛ naŋ kaŋɛ: ‘Enyiŋgbasa kutɔ nɛ a shi’ a?” B daa ŋana basa na nna, ŋkpal manɛ so, basa na kikɛ daŋ yirda fanɛ Jɔn daa la anebi nna kashenteŋto.

Maak 12:1

Ade be kaman nɛ Yesu naŋ bɔ bumo aŋasa a kaŋɛ: “Kanyɛn ko e daŋ dɔ ndibi sɔrso be kudɔ n fɛa asɔ ŋ kulti kumo nseŋ kur asɔrso na be kemaŋ nɛ b baa nyaŋ amo ndoŋ. Kumo be kaman nɛ e yuu kejaŋ jeŋgreŋ ko malɛ. E ka loge ade kikɛ nɛ e ta kudɔ na m bɔɔ paawuraana enɔ fanɛ b baa keni so nseŋ yɔ efuli pɔtɛ ko so.

Baru lela nɛ Jɔn kute na 3:10

Nɛ Yesu bishi mo le: “Fo baa la Israɛlebi be eŋinipo ŋkaa maa pin le be asheŋ ere to a?

Baru lela nɛ Jɔn kute na 9:27

Ndoŋ nna nɛ kanyɛn na kaŋɛ bumo: “Kumo nɛ n daŋ kekaŋɛ menyi na, menyi alɛ maa nu. Manɛ e ba nɛ menyi naa sha fanɛ n naŋ kaŋɛ menyi, ŋko menyi alɛ gba naa sha keki mbe bebɛsopo nna?”

Romebi 1:28

Ade malɛ kikɛ be kaman Ebɔrɛ yige bumo be asheŋ nna n sa bumo ŋkpal b ka kini kenyiŋi kashenteŋ be abɔrɛsheŋ na so nɛ b baa wɔtɔ a wora asheŋ nɛ a maŋ daga kikɛ.

2 Kɔrintebi 3:15

Kashenteŋto, b baŋ kraŋ Mosis be mbraana na hale mbre, kusɔ kuŋso kraŋ buu bumo be ŋgbeneana so nna a shin nɛ baa pin amo to a gben.