Maak 11:28 - EBƆRƐ BE KAWƆL

²⁸ “Manɛ be eleŋ nɛ fo kɔ a wɔtɔ a wora asheŋ ere ŋko wanɛ e sa fo asheŋ nɛ fee wora ere be eleŋ?”

Maak 11:28 ပူးပေါင်းရင်းမြစ်များ

Ɛksodɔs 2:14

Nɛ emo nɛ e daŋ fara kolu na bishi Mosis le: “Wanɛ e ta fo ŋ ki anyi be enimu nɛ anyi be demujipo? Ŋko, fee sha kemɔ ma alɛ gba nna fanɛ kananɛ fo daŋ mɔ Ijipt be esa na a?” Ndoŋ nna nɛ kufu pɛ Mosis nɛ e kaŋɛ mbe kumu: “To, k baŋ di efuli nna na fanɛ basa pin kusɔ nɛ n wora na.”

Nɔmbɛs 16:13

Men ka lara anyi ashi Ijipt be kasawule nɛ ajibi damta nɛ kedamaya wɔ na m ba lɛ keshishɛrsawule ere so nɛ men mɔ ere bre maŋ kukwe a? Nɛ men naa sha nɛ men ta anyi ŋ ki menyi be nyɛrbi a tɔrɔ a?

Nɔmbɛs 16:3

Bumo kikɛ daŋ shɛr Mosis nɛ Ɛɛrɔn kutɔ nna ŋ kaŋɛ bumo le: “Manɛ nna nɛ menyee fɛ fanɛ men bɔ esa kikɛ ere? An kikɛ la Enyɛnpe Ebɔrɛ be basa cheembi nna.”

Maak 11:27

B ka ba fo Jerusalɛm nɛ Yesu ya kaa nite bɔrɛlambu na to nɛ bɔrɛmatapowuraana na nɛ mbraŋinipoana na nɛ benimuana na ba mo kutɔ m ba bishi mo:

Maak 11:29

Nɛ Yesu kaŋɛ bumo: “Meeŋ bishi menyi kesheŋ bishiso ko. Nɛ men baŋ kaŋɛ ma kumo be kifito, ma alɛ gba beeŋ kaŋɛ menyi kakpa nɛ eleŋ nɛ ŋ kɔ a wora asheŋ na shi.

Ashuŋ Shunso 7:51

Men kɔ amu kpakpaso ga. Menyi be ŋgbene du fanɛ nnyamase peya nna, men maŋ kɔ Ebɔrɛ be kubɔya na be asoe. Menyi nɛ men nanaana baa la kukoŋwule nna. Menyi alɛ gba maa nu a sa Kiyoyu Cheeŋ na.