Maak 11:25 - EBƆRƐ BE KAWƆL

²⁵ Nɛ men ya kaa yil a kule Ebɔrɛ, men baa kɔ nfɛra niŋiso a sa esa kama nɛ e wora n da menyi so na nsaa ta a paŋ mo nɛ men Tuto nɛ e wɔ ebɔrɛso na e ta menyi alɛ gba be alubi m paŋ menyi.

Maak 11:25 ပူးပေါင်းရင်းမြစ်များ

Zakareya 3:1

Nɛ n naŋ ku bɔrɛdare n wu bɔrɛmatapo nimuso Joshuwa nɛ e yil Enyɛnpe Ebɔrɛ na be malaika kutɔ nɛ Setani malɛ yil Joshuwa be jisoso m mata mo e shin nɛ e ku asheŋ n deŋi mo.

Matiu 5:23

Amoso fo kama nɛ fo bar fo kakɛ Ebɔrɛ kutɔ nseŋ nyiŋi fanɛ fo barkasa kaŋɛ fo wora kusɔ ko n da mo so,

Matiu 6:12

nseŋ ta anyi be alubi m paŋ anyi fanɛ kananɛ anyi alɛ gba ta m paŋ bumo nɛ b wora n da anyi so na.

Matiu 6:5

Nɛ men baa kule Ebɔrɛ, men sa maa kule fanɛ kananɛ kebirkɔnshiwuraana bee kule na. Ŋkpal manɛ so, bumo ere bee kaa sha fanɛ b baa yil nshɛrbuana to nɛ ŋkpancheriana to nna a kule Ebɔrɛ nɛ basa e wu bumo. Kashenteŋ nɛ mee kaŋɛ menyi na, b teŋ nya bumo be kechɔrɔ kikɛ.

Luuk 18:11

Ndoŋ nna nɛ Farisinyɛn na ya yili ŋ kule Ebɔrɛ ŋ kaŋɛ: ‘Ebɔrɛ, mee chɔrɔ fo ga fanɛ ma ere maŋ du fanɛ m braana a suge basa ŋko a la esa lubi ŋko a la esa nɛ e wɔtɔ a kɔ eche nsaa di beche jijiga ŋko a du fanɛ lamposɔpo nɛ e yil ere gba.

Luuk 18:13

Ndoŋ nna nɛ lamposɔpo na malɛ ya yili kufɔ ŋ kur kumu n yuu kasawule nseŋ bri mbe kagbene so ŋ kaŋɛ: ‘Ebɔrɛ, n la alubiworapo nna, wu ma kuwɔr.’ ”

Luuk 6:37

Men sa maa wu abar be alubi nɛ Ebɔrɛ e sa maŋ ji menyi alɛ gba sheria. Men sa maŋ kaŋɛ fanɛ eko wora n jija n daga kasogberge nɛ Ebɔrɛ e sa maŋ kaŋɛ fanɛ men wora n da so n daga kasogberge. Men baa ta men braana be alubi a paŋ bumo nɛ Ebɔrɛ e ta men be alubi m paŋ menyi.

Ɛfesesebi 4:32

Kebaawɔtɔ nɛ k daga fanɛ men baa kɔ e la fanɛ men baa la basa a wu abar kuwɔr nsaa ta abar be alubi a paŋ abar fanɛ kananɛ Ebɔrɛ bɔla Kristo so n ta men be alubi m paŋ menyi na.

Kɔlɔsiebi 3:13

Men baa kɔ kanyiti a kɔ abar to a ta abar be asheŋ a paŋ abar. Kananɛ Enyɛnpe na ta m paŋ menyi na, menyi alɛ gba e baa ta a paŋ abar.

Jeems 2:13

Esa nɛ e maa wu mo braana kuwɔr, kachɛ nɛ Ebɔrɛ bee ji amodoŋwura demu e maaŋ wu mo alɛ gba kuwɔr. Ama esa nɛ e bee wu basa kuwɔr, Ebɔrɛ beeŋ wu amodoŋwura kuwɔr a chɔ loŋ.

Kelaraŋŋini 11:4

Eshɛdajipo anyɔ na e la Ɔlif be ndibi anyɔ nɛ kefitilatɔl anyɔ mo nɛ amo kikɛ yil Enyɛnpe mo nɛ e wɔ kasawule ere na be anishito na.