Maak 11:23 - EBƆRƐ BE KAWƆL

²³ menyeeŋ tiŋ ŋ kaŋɛ kebee ere: ‘Pulgi n ta fo kumu n ya lɛ teku to.’ Nɛ men maa wora shikashika menyi be ŋgbene to nseŋ yirda fanɛ kusɔ nɛ menyi kaŋɛ na beeŋ wora a, k beeŋ wora n sa menyi.

Maak 11:23 ပူးပေါင်းရင်းမြစ်များ

Nshɛ 37:4

Shin nɛ fo kagbene e baa fuli fo ga; ŋkpal fo ka bee wora Enyɛnpe Ebɔrɛ na be aparsheŋ so. Mo alɛ beeŋ baa wora kusɔ nɛ fee sha a sa fo.

Matiu 14:13

Yesu ka nu baru na nɛ e luri ekuloŋ to n yɔ kakpa nɛ basa maŋ wɔtɔ mo nawule. Ama basa daŋ nu kumo be asheŋ nseŋ lar bumo be ndeana to n nite aya so m bɛ mo so.

Matiu 17:20

Nɛ Yesu kaŋɛ bumo: “Men be yirda ka maŋ shi so nɛ men maŋ tiŋ na. Ma e kaŋɛ menyi kashenteŋto na fanɛ nɛ men be yirda baa du fimbi fanɛ kakilia be kebi gba, menyeeŋ tiŋ ŋ kaŋɛ kebee ere le: ‘Pulgi fo kumu nfe n yɔ ndoŋ ere!’ Nɛ k pulgi. Shɛŋ shɛŋ maaŋ baa du menyi so kpakpa.

Matiu 21:21

Nɛ Yesu kaŋɛ bumo: “Ma e kaŋɛ menyi kashenteŋto na fanɛ nɛ men baa kɔ yirda a maa wora shikashika, mannɛ kusɔ nɛ k wora figi be kedibi na nawule nɛ menyeeŋ tiŋ n wora, ama menyeeŋ tiŋ ŋ kaŋɛ kebee ere le: ‘Pulgi n ta fo kumu n ya lɛ teku to’, nɛ loŋ e wora.

Luuk 17:6

Nɛ Enyɛnpe na kaŋɛ bumo le: “Nɛ men be yirda baa du fimbi fanɛ kakilia be kebi gba, menyeeŋ tiŋ ŋ kaŋɛ sikamɔɔ be kedibigboŋ ere le: ‘Fo gbagba e tia n ta fo kumu n ya yuu teku to’, nɛ k nu n sa menyi.”

Baru lela nɛ Jɔn kute na 14:13

Kusɔ kama malɛ nɛ men ta ma ketre na ŋ kule, meeŋ wora kumo, saŋɛ na so ma, Ebinyɛn na beeŋ bar Etuto na kemaŋkura.

Baru lela nɛ Jɔn kute na 15:7

Nɛ men baa wɔ ma to nɛ ma mmalga gba wɔ menyi to, men kule kusɔ kama nɛ menyee sha nɛ men nya kumo.

1 Kɔrintebi 13:2

Hale nɛ m baa kɔ abɔrɛsheŋ be kewuŋkaŋɛ be kakɛ nsaa tiŋ a pin ewulosheŋ kikɛ nɛ kanyiasheŋ kikɛ to nsaa kɔ yirda kikɛ ma to a tiŋ a tia abee ŋkaa maa kɔ kasha bre, m maŋ la shɛŋ.