Maak 11:22 - EBƆRƐ BE KAWƆL

²² Nɛ Yesu kaŋɛ bumo: “Ma e kaŋɛ menyi kashenteŋto na fanɛ nɛ men baŋ yirda Ebɔrɛ,

Maak 11:22 ပူးပေါင်းရင်းမြစ်များ

2 Kronikɛls 20:20

Ŋklade kachipurdidi saŋɛ so nɛ ekama lar a yɔ keshishɛrsawule nɛ k mata Tekua na, nɛ ewura Jehoshafat niŋi to ŋ kaŋɛ jimaŋ na le: “Menyi Juda nɛ Jerusalɛm ebi! Men ta men be yirda n deŋi Enyɛnpe nɛ e la menyi be Ebɔrɛ na so nsaa yili to kpakpa. Men yirda kusɔ nɛ mbe anebiana na kaŋɛ menyi na saŋɛ na so asheŋ beeŋ nyalɛ n sa menyi.”

Nshɛ 62:8

Basa, men yirda Enyɛnpe Ebɔrɛ na nsaa kaŋɛ mo men be asheŋ tirso saŋkama. Ŋkpal manɛ so, Ebɔrɛ na nawule e la anyi be ekumpo.

Aizaaya 7:9

Israɛl be efuli na maŋ kɔ eleŋ a chɔ kumo be kadegboŋ nɛ baa tre Samɛria na, nɛ Samɛria malɛ maŋ kɔ eleŋ a chɔ ewura Pɛka. Nɛ Juda be ewura, Ahaz, nɛ mbe benimuana maŋ yirda ma bre, baaŋ kɔ n tɔr.”

Matiu 14:29

Nɛ Yesu kaŋɛ mo: “Baa ba.” Ndoŋ nna nɛ Pita lar ekuloŋ na to n fara a nite nchu na so a yɔ Yesu kutɔ.

Matiu 17:20

Nɛ Yesu kaŋɛ bumo: “Men be yirda ka maŋ shi so nɛ men maŋ tiŋ na. Ma e kaŋɛ menyi kashenteŋto na fanɛ nɛ men be yirda baa du fimbi fanɛ kakilia be kebi gba, menyeeŋ tiŋ ŋ kaŋɛ kebee ere le: ‘Pulgi fo kumu nfe n yɔ ndoŋ ere!’ Nɛ k pulgi. Shɛŋ shɛŋ maaŋ baa du menyi so kpakpa.

Matiu 21:21

Nɛ Yesu kaŋɛ bumo: “Ma e kaŋɛ menyi kashenteŋto na fanɛ nɛ men baa kɔ yirda a maa wora shikashika, mannɛ kusɔ nɛ k wora figi be kedibi na nawule nɛ menyeeŋ tiŋ n wora, ama menyeeŋ tiŋ ŋ kaŋɛ kebee ere le: ‘Pulgi n ta fo kumu n ya lɛ teku to’, nɛ loŋ e wora.

Maak 9:23

Nɛ Yesu kaŋɛ mo: “Fo yɛ meeŋ tiŋ? Shɛŋ shɛŋ maaŋ baa du kpakpa n sa esa nɛ e kɔ yirda!”

Baru lela nɛ Jɔn kute na 14:1

Yesu yɛ: “Men sa maŋ shin nɛ men be ŋgbene e baa jija menyi. Men yirda n Tuto Ebɔrɛ, men baa yirda ma alɛ gba.

Kɔlɔsiebi 2:12

B ka daŋ bɛr menyi kabɔrɛbɛr na, k du fanɛ b ka puli menyi nɛ Yesu Kristo nna. Menyi nɛ mo malɛ e naŋ tiŋi nɛ menyi nɛ mo naŋ tiŋ n nya Ebɔrɛ be ŋkpa ŋkpal men ka yirda Ebɔrɛ nɛ e tiŋi Yesu Kristo luwu to na be eleŋ to so.

Taites 1:1

Kawɔl ere shi ma Pɔɔl nɛ n la Ebɔrɛ be kenya nɛ Yesu Kristo be eshuŋipo na kutɔ nna. B shuŋi ma nna nɛ m ba shin nɛ Ebɔrɛ be basa laraso be yirda e wora keshi n ti so nɛ loŋ e shin nɛ b baa kɔ kabɔrɛŋana bumo to nseŋ naa pin kashenteŋ nɛ anyi be kabɔrɛbɛso ere bee ŋini