Maak 11:18 - EBƆRƐ BE KAWƆL

¹⁸ Bɔrɛmatapowuraana nɛ mbraŋinipoana ka nu le be demu na nɛ b fara a fin ekpa nɛ baaŋ bɔla so m mɔ Yesu. B daa ŋana mo nna, ŋkpal manɛ so, mbe keŋini daa chinchiŋ jimaŋ na kikɛ nna.

Maak 11:18 ပူးပေါင်းရင်းမြစ်များ

1 Bewura 21:20

Ewura Ahab ka wu Elaija nɛ e kaŋɛ le: “Ma doŋ, fo wu ma a?” Nɛ anebi Elaija malɛ kaŋɛ le: “Mm, n wu fo. Fo kebaawɔtɔ to kikɛ fee wora alubi nna a gbiti Enyɛnpe Ebɔrɛ na.

1 Bewura 22:18

Nɛ ewura Ahab kilgi ŋ kaŋɛ ewura Jehoshafat le: “N chɛr ŋ kaŋɛ fo fanɛ e maa wu asheŋ lela kikɛ a kaŋɛ ma kaplɛa so. Saŋkama asheŋ lubi nɛ e bee kaŋɛ a yɔ ma kaplɛa so!”

1 Bewura 22:8

Nɛ ewura Ahab kaŋɛ le: “Ekoŋwule ko kraa wɔtɔ nɛ anyeeŋ tiŋ n wu mo, mo e la Imla pibinyɛn Mikaya ama ŋ kishi mbe asheŋ ga ŋkpal manɛ so kusɔ kama nɛ e wu ŋ kaŋɛ ma maa walɛ.” Nɛ Jehoshafat kaŋɛ: “Sa maŋ kaŋ kaŋɛ loŋ!”

Aizaaya 49:7

Israɛl be basa, ma e la Enyɛnpe menyi be Ebɔrɛ cheembi na. Ma alɛ e la menyi be emɔlgapo! Men daa la anya nna n sa efuli pɔtɛana be bewura nɛ baa keni menyi jiga. Naniere kɔnɔ nɛ mee nase a sa menyi nde: “Bewurjipo nɛ kenimujiana beeŋ gbir m bunyaŋ menyi. Menyeeŋ tiŋ n yirda ma! Ŋkpal manɛ so, ma e la Enyɛnpe menyi be Ebɔrɛ nɛ menyi alɛ la ma basa laraso.”

Matiu 21:15

Ama bɔrɛmatapowuraana na nɛ mbraŋinipoana na ka wu emamachisheŋ nɛ e daŋ wora na nseŋ naŋ wu kananɛ mbia daa wɔ bɔrɛlambu na akpa a ponte a kaŋɛ: “Hosana e baa la ewura Deevid mo Nanabi peya!” Nɛ agbo pɛ bumo,

Matiu 7:28

Yesu ka malga asheŋ ere kikɛ n loge nɛ mbe keŋini na daa chinchiŋ jimaŋ na ga.

Maak 1:22

Mbe keŋini na daŋ chinchiŋ basa na ga. E daa maŋ du fanɛ mbraŋinipoana na, ŋkpal manɛ so, mo ere be keŋini na daa kɔ eleŋ nna kumo to.

Maak 11:32

Nɛ anyi alɛ naŋ kaŋɛ: ‘Enyiŋgbasa kutɔ nɛ a shi’ a?” B daa ŋana basa na nna, ŋkpal manɛ so, basa na kikɛ daŋ yirda fanɛ Jɔn daa la anebi nna kashenteŋto.

Maak 12:12

Ndoŋ nna nɛ Juwebi be benimuana na wora ania a fin kananɛ baaŋ wora m pɛ mo, ŋkpal manɛ so, b daŋ pin fanɛ bumo nɛ e daŋ bɔ keŋasa na, ama bumo alɛ daa ŋana jimaŋ na nna, amoso, b daŋ yige mo nna nseŋ yɔ.

Maak 3:6

Epul na to nɛ Efarisiana na lar nshɛr na to, nɛ bumo nɛ Hɛrɔdebi ya shɛr n to jina kananɛ baaŋ wora m mɔ Yesu.

Maak 6:20

Hɛrɔd daa nyi Jɔn ka daa la esa lela nɛ esa cheembi, amoso, e daa de mo so nna nɛnɛ. E daa sha kebaanu mbe mmalga, ama saŋkama nɛ e nu amo, a bee jija mbe kagbene to nna.

Luuk 19:47

Ade be kaman nɛ e wɔtɔ a yɔ bɔrɛlambu na to kachɛ kama n ya kaa ŋini basa abɔrɛsheŋ. Ndoŋ nna nɛ bɔrɛmatapowuraana na nɛ mbraŋinipoana na nɛ kade na to be benimuana fara a fin kananɛ baaŋ wora m mɔ mo.

Luuk 2:47

K daŋ chinchiŋ bekama nɛ b daŋ nu kananɛ e daŋ sa asheŋ bishiso na be afito kanyiashenso na ga.

Luuk 20:19

Mbraŋinipoana na nɛ bɔrɛmatapowuraana na ka pin fanɛ bumo nɛ Yesu bɔ keŋasa na nɛ b wora ania a fin kananɛ baaŋ wora m pɛ mo epul na kikɛ to.

Luuk 4:22

Mbe asheŋ daŋ bɔlɔ basa na be kenishi ga nɛ mbe kubɔya belbelso na be asheŋ chinchiŋ bumo ga nɛ b bishi abar: “Mannɛ mo e la Josɛf pibi na a?”

Baru lela nɛ Jɔn kute na 7:1

Ade be kaman nɛ Yesu shir a wɔ Galili be efuli so be nde nawule to a nite a maa sha kenite Judiya bre to, ŋkpal manɛ so, ndoŋ be Juwebi be benimuana na daa fin mo nna nɛ b mɔ.

Baru lela nɛ Jɔn kute na 7:19

Mannɛ anebi Mosis e daŋ sa menyi mbra na ŋko? Ama men be ekama maa bɛ mbra na so. Nɛ manɛ e ba nɛ menyee sha kemɔ ma?”

Baru lela nɛ Jɔn kute na 7:46

Nɛ bekumpo na kaŋɛ bumo le: “Kananɛ kanyɛn na bee malga na, esa kikɛ maŋ naŋ malga loŋ.”

Ashuŋ Shunso 24:25

Ama Pɔɔl ka ba kaa malga alela be kebaawora nɛ kamootiŋ nɛ Ebɔrɛ be demujiachɛ be asheŋ nɛ kufu pɛ Filiks nɛ e kaŋɛ: “Feeŋ tiŋ a yɔ naniere. N naŋ nya kachena meeŋ naŋ tre fo.”