Maak 11:14 - EBƆRƐ BE KAWƆL

¹⁴ Nɛ Yesu kaŋɛ figi be kedibi na: “Ekama maaŋ naŋ ji efigi fo so kikɛ.” Nɛ mbe bebɛsopo na nu kusɔ nɛ e kaŋɛ na.

Maak 11:14 ပူးပေါင်းရင်းမြစ်များ

Matiu 21:19

Ndoŋ nna nɛ e wu figi be kedibi ko ka yil ekpakar nɛ e yɔ kumo ase, ama e maŋ ya nya shɛŋ kumo so, afantaŋ nawule nɛ e wu. Nɛ e kaŋɛ kumo le: “Fo maaŋ naŋ sɔr asɔrso kikɛ!” Epul na to nɛ kedibi na wɔl.

Matiu 21:33

Nɛ Yesu kaŋɛ basa na: “Men naŋ nu keŋasa ko: Kowurnyɛn ko e daa wɔtɔ n dɔ ndibi sɔrso be kudɔ n fɛa asɔ ŋ kulti kumo nseŋ kur asɔrso na be kemaŋ nɛ b baa nyaŋ amo ndoŋ. Kumo be kaman nɛ e yuu kejaŋ jeŋgreŋ ko malɛ. E ka loge ade kikɛ nɛ e ta kudɔ na m bɔɔ paawuraana enɔ fanɛ b baa keni so nseŋ yɔ efuli pɔtɛ ko so.

Matiu 21:44

[Esa kama nɛ e tɔr loŋ be kejembu so, e beeŋ buri to le burburbi nɛ ekama malɛ nɛ k tɔr mo so, e beeŋ bɛa to cheche.]”

Matiu 3:10

Men du fanɛ ndibi sɔrso nna. Kedibi kama nɛ k maa sɔr asɔrso lela, kekpanfu tea wɔtɔ epul na to nɛ b ta ŋ ku kumo be kaseto n lɛ nseŋ ta kumo n wɔtɔ edɛ to.

Matiu 7:19

Kedibi kama nɛ k maa sɔr asɔrso lela, baa ku kumo nna n lɛ n ta n wɔtɔ edɛ to.

Maak 11:13

Ndoŋ nna nɛ e wu figi be kedibi ka kɔ afantaŋ damta mbe anishito nɛ e yɔ kumo ase nɛ e ya keni ŋko e beeŋ nya asɔrso kumo so a. Ama e ka fo ndoŋ e maŋ nya shɛŋ, afantaŋ nawule nɛ e wu, ŋkpal manɛ so, efigi be kesɔr be jemanɛ daa maŋ naŋ fo.

Maak 11:15

B ka fo Jerusalɛm nɛ Yesu luri bɔrɛlambu na to n ya fara a ju bekama nɛ b daa tɔ nɛ bumo nɛ b daa fa asɔ bɔrɛlambu na be kelɔnɛ so na kikɛ. E daŋ melgi bumo nɛ b daa chɛr amansherbi na be eteebɔl nɛ alifapoana be mbɛ nna m buu.

Baru lela nɛ Jɔn kute na 15:6

Esa kama nɛ e maŋ wɔ ma to du fanɛ kedibi be keyabi nɛ b ku ashi kedibi gbagba so nna n lɛ nɛ k bee wɔl na nna. Ayabi mo nɛ a du loŋ malɛ, baa muu amo nna n wɔtɔ edɛ to nɛ a chɔɔ.

2 Pita 2:20

Bekama nɛ b daŋ pin an Nyɛnpe nɛ an be Emɔlgapo Yesu Kristo na pɔɛŋ ŋkeŋ nya n lar durnya ere to be kebaawɔtɔ bɛso ere be aworbi to, kumo be kaman nɛ loŋ be asheŋ na naŋ pɛ bumo m pɔɔ bumo so, loŋ be basa be kebaawɔtɔ naa lubi nna ga a chɔ bumo be faraŋko be kebaawɔtɔ na.

Kelaraŋŋini 22:11

Esa kama nɛ e bee wora alubi e baa kraa wora amo, ekama malɛ nɛ e kɔ eyurpi mo to e baa kraa du loŋ. Ekama nɛ e bee wora alela e baa kraa wora alela na nɛ ekama malɛ nɛ e du cheembi e baa kraa du cheembi loŋ.”