Maak 10:52 - EBƆRƐ BE KAWƆL

⁵² Nɛ Yesu kaŋɛ mo: “Baa yɔ, fo yirda e chɛ fo.” Epul na to nɛ e nya mbe anishi a wu nseŋ bɛ Yesu so ekpa na to.

Maak 10:52 ပူးပေါင်းရင်းမြစ်များ

Nshɛ 146:8

Mo koŋwule na e naa bugi etanpo be anishi. Mo e naa pɛ bumo nɛ b tɔr to a niŋi to a yili nsaa sha basa nɛ bumo be kebaawɔtɔ niŋi.

Nshɛ 33:9

Mo e malga nɛ durnya fara. Mo e kaŋɛ nɛ kusɔ kama ba.

Aizaaya 35:5

Etanpo beeŋ naŋ nya anishi a wu, nɛ ekpawu e nya asoe a nu.

Matiu 11:5

Mee shin nɛ betanpo bee wu nɛ ebobi bee nite nɛ bebotipo bee nyalɛ so nɛ ekpawu bee nu nɛ bubuni bee tiŋi luwu to nɛ bebɔlpo malɛ bee nya a nu baru lela na be asheŋ.

Matiu 12:22

Kachako basa ko bar mbuibilubiwura ko Yesu kutɔ. E daa la tanponyɛn nna, mo alɛ nseŋ daŋ naa la neemu. Nɛ Yesu chɛ mo nɛ e fara a malga nseŋ naa wu.

Matiu 15:28

Ŋkpal e ka kaŋɛ loŋ na so nɛ Yesu kaŋɛ mo: “Fo la eche nɛ fo kɔ yirda nna paa. Feeŋ nya kusɔ nɛ fee sha ere.” Epul na to nɛ kache na pibi na nya alenfia.

Matiu 21:14

Ade be kaman nɛ betanpo nɛ ebobi ba mo kutɔ bɔrɛlambu na to nɛ e chɛ bumo kikɛ.

Matiu 8:3

Ndoŋ nna nɛ Yesu teŋi mbe enɔ to m beta mo nseŋ kaŋɛ mo: “Mm, k par ma. Keboti lar mo to!” Epul na to nɛ keboti na lar mo to nɛ e nyalɛ so.

Matiu 9:22

Ndoŋ nna nɛ Yesu kilgi n wu mo nseŋ kaŋɛ mo le: “M pibiche, baa kɔ kagbene, fo yirda e chɛ fo na.” Epul na malɛ to nɛ kache na nya alenfia.

Maak 1:31

Nɛ e yɔ mo kutɔ n ya pɛ mbe enɔ to n chɛ mo to nɛ e koso nɛ kayurbeldɛ na lar mo to nɛ e fara a keta bumo kufɔ.

Maak 5:34

Nɛ Yesu kaŋɛ mo: “M pibiche, fo yirda e chɛ fo. Baa yɔ nɛ kagbenewushi. Fo nya alenfia.”

Maak 8:25

Nɛ Yesu naŋ ta mbe enɔana n deŋi kanyɛn na be anishi so. Kede ere to nɛ kanyɛn na keni nɛnɛ nɛ mbe anishi bugi nɛ e fara a wu kusɔ kama nɛnɛ.

Luuk 7:50

Nɛ Yesu kaŋɛ kache na: “Baa yɔ nɛ kagbenewushi, fo yirda e mɔlga fo.”

Luuk 9:48

“Esa kama nɛ e sɔ le be kebia ere ŋkpal ma so, sɔ ma nna na, ekama malɛ nɛ e sɔ ma, sɔ emo nɛ e shuŋi ma na gba nna na. Amoso, ekama nɛ e la men kikɛ to be emantopo e la esa nɛ e chɔ ekama.”

Baru lela nɛ Jɔn kute na 9:32

Durnya ka fara kikɛ anyi maŋ naŋ nu esa ka bugi esa nɛ b kurge mo tanpo be anishi kikɛ.

Baru lela nɛ Jɔn kute na 9:39

Nɛ Yesu kaŋɛ: “M ba durnya ere to nna nɛ m ba ji basa demu nɛ betanpo e nya a wu nɛ bumo nɛ baa wu malɛ e tan.”

Ashuŋ Shunso 26:18

Ya bugi bumo be anishi n shin nɛ b lar bumo be tentembiri na to m ba kefulto to. Shin nɛ b lar Setani be eleŋ to m ba Ebɔrɛ peya to n shin nɛ b yirda ma nɛ n ta bumo be alubi m paŋ bumo nɛ b nya bumo be kakpa ashi Ebɔrɛ be basa laraso na to.’