Maak 10:5 - EBƆRƐ BE KAWƆL

⁵ Nɛ Yesu kaŋɛ bumo: “Mosis daŋ sibɛ loŋ be mbra nna n sa menyi ŋkpal menyi be ŋgbene ka du kpakpa so.

Maak 10:5 ပူးပေါင်းရင်းမြစ်များ

Nehemaya 9:26

Ade kikɛ be kaman b kraŋ lar fo kaman nseŋ kini kewora fo mbra kasonu. B daŋ mɔ fo anebiana nɛ b daŋ kpele bumo kusoe fanɛ b bɛta m ba fo kutɔ na nna. Kumo be kaman nɛ b shoduu fo ketre.

Matiu 19:8

Nɛ Yesu kaŋɛ bumo: “Anebi Mosis daŋ sa menyi loŋ be ekpa nna nɛ men kini menyi be beche ŋkpal menyi be ŋgbene ka du kpakpa so. Dafanɛ mannɛ loŋ e daa la sososo na.

Ashuŋ Shunso 7:51

Men kɔ amu kpakpaso ga. Menyi be ŋgbene du fanɛ nnyamase peya nna, men maŋ kɔ Ebɔrɛ be kubɔya na be asoe. Menyi nɛ men nanaana baa la kukoŋwule nna. Menyi alɛ gba maa nu a sa Kiyoyu Cheeŋ na.

Ditɛronɔmi 24:1

Nɛ fanɛ enyɛn ta eche nseŋ wu fanɛ eche na kɔ kebaawɔtɔ ko nɛ e maa sha nɛ e kpal loŋ so n sibɛ kakilgboŋi be kawɔl ŋ kini eche na fanɛ e baa yɔ.

Ditɛronɔmi 31:27

N nyi kananɛ bumo be amu nɛ ŋgbene du kpakpa. Jemanɛ nɛ n wɔ bumo to gba, b lar Enyɛnpe Ebɔrɛ na kaman. Ma luwu be kaman bre baaŋ wora kumo nɛ k chɔ loŋ.

Ditɛronɔmi 9:6

A daga men baa nyi fanɛ Enyɛnpe menyi be Ebɔrɛ na maa ta kasawule lela nɛ k bee wora adɔjibi ga na nna a sa menyi ŋkpal k ka daga menyi so. Mannɛ aloŋ nna, ŋkpal manɛ so, men kpeŋ nna.