Maak 10:43 - EBƆRƐ BE KAWƆL

⁴³ Ama menyi ere to mannɛ aloŋ nɛ k du. Nɛ men be ekama bee sha kenimu, a daga e ka ki bumo nɛ b ka na be kayɛrbi.

Maak 10:43 ပူးပေါင်းရင်းမြစ်များ

Maak 10:42

Nɛ Yesu tre bumo m ba shɛr ŋ kaŋɛ: “Men nyi fanɛ bumo nɛ baa tre basa be benimu na e wɔ basa na a ŋini bumo eleŋ nɛ bumo be bewuraana malɛ gba bee ŋini bumo eleŋ.

Maak 10:44

Nɛ ekama nɛ e bee sha kejuŋkpar, a daga e ka ki ekama be kenya.

Maak 9:35

Nɛ Yesu chena nseŋ tre bebɛsopo kuduanyɔ na m ba kaŋɛ bumo: “Ekama nɛ e bee sha kejuŋkpar, e yɛr mbe kumu ekama be kaman nseŋ ki ekama be kayɛrbi.”

Luuk 14:11

Ekama nɛ e bee maŋ mbe kumu so, baaŋ bar mo kaseto nɛ ekama nɛ e bee bar mbe kumu kaseto, baaŋ maŋ mo so.”

Luuk 18:14

Nɛ Yesu naŋ kaŋɛ: “Ma e kaŋɛ menyi na fanɛ Ebɔrɛ shin nɛ lamposɔpo na ki elelapo mbe anishito n yɔ epe. Ama Farisinyɛn na bre maŋ nya loŋ, ŋkpal manɛ so, esa kama nɛ e bee maŋ mbe kumu so, baaŋ bar mo kaseto, ama ekama nɛ e bee bar mbe kumu kaseto, baaŋ maŋ mo so.”

Luuk 22:26

Ama menyi ere to, mannɛ aloŋ nɛ k du. Menyi ere e shin nɛ menyi kikɛ to be enimu e ki ekama be kebibi n shin nɛ menyi kikɛ to be ejuŋkparpo e ki ekama be emantopo a shuŋ ekama.

Luuk 9:48

“Esa kama nɛ e sɔ le be kebia ere ŋkpal ma so, sɔ ma nna na, ekama malɛ nɛ e sɔ ma, sɔ emo nɛ e shuŋi ma na gba nna na. Amoso, ekama nɛ e la men kikɛ to be emantopo e la esa nɛ e chɔ ekama.”

Baru lela nɛ Jɔn kute na 18:36

Nɛ Yesu kaŋɛ mo le: “Ma kuwurji maŋ la durnya ere to peya. Nɛ k daa la durnya ere to peya nna, ma anya daa beeŋ kɔ n sɔ ma ashi Juwebi ere be enɔ to, ama ma kuwura na malɛ shi kaboŋ pɔtɛ nna.”

Romebi 12:2

Men sa maa ta menyi be ŋgbene a wɔtɔ durnya ere to ebi be asheŋ to, men shin nɛ Ebɔrɛ e chɛrga menyi be ŋgbene n sa menyi nɛ men nya nfɛra popɔr. Saŋɛ na so nɛ menyeeŋ tiŋ m pin kusɔ nɛ Ebɔrɛ bee sha, kumo e la fanɛ alelasheŋ, mbe aparsheŋ nɛ asɔ nɛ a daga.

Galeeshaebi 5:13

Ŋ kurgepoana, Ebɔrɛ tre menyi ere nna nɛ men ba kaa wɔ men be amu. Ama men sa maŋ kaŋ shin nɛ le be kamoowɔ ere e sa menyi ekpa nɛ men shin nɛ men be eyur to be ayɛlgasɔ e baa wɔ menyi. Ama men shin nɛ kasha e baa shin nɛ men baa shuŋ abar.