Maak 10:38 - EBƆRƐ BE KAWƆL

³⁸ Nɛ Yesu kaŋɛ bumo: “Men maŋ nyi kusɔ nɛ menyee kule ere. Menyeeŋ tiŋ n ji awurfoŋ nɛ mee ji ere a? Menyeeŋ tiŋ n sɔ tɔrɔ nɛ baa ta ma a wɔtɔ to fanɛ kananɛ baa muni esa nchu to a bɛr mo kabɔrɛbɛr na a?”

Maak 10:38 ပူးပေါင်းရင်းမြစ်များ

1 Bewura 2:22

Nɛ ewura Sɔlɔmɔn malɛ kaŋɛ mo le: “Manɛ nna nɛ fee sha ŋ ka ta Abishag n sa mo? Kumo ere kusɔ nɛ fee ŋini e la fanɛ n daŋ shin nɛ e ji kuwura ere gba k walɛ ŋkpal manɛ so e la n da nna nɛ bɔrɛmatapo Abiata nɛ Jɔab kikɛ yil mbe kaman!”

Nshɛ 75:8

K du fanɛ Enyɛnpe Ebɔrɛ na ka kɔ kawiebi mbe enɔ to nna, nɛ mbe agbo du fanɛ yabra kpakpaso a wɔ kawiebi na to. E bee duga mbe agbo na nna a sa durnya to be amukpakpasowuraana, nɛ baa chise amo kikɛ nyam a nuu.

Aizaaya 51:22

Enyɛnpe menyi be Ebɔrɛ nɛ e bee kuŋ menyi na e kaŋɛ le: “Mee lara kasogberge nɛ n nya agbo n shin nɛ k ba menyi so na nna na. M maaŋ naŋ gberge menyi kusoe n shin nɛ men baa nite a lente fanɛ basa nɛ b boo nsa na.

Jɛremaya 25:15

Ade be kaman nɛ Enyɛnpe, Israɛl be Ebɔrɛ na naŋ kaŋɛ ma le ashi bɔrɛdare to: “Kawiebi nɛ ma agbo bɔlɔ kumo nde. Sɔ kumo n yɔ efuliana nɛ meeŋ shuŋi fo amo so na so n ya shin nɛ b nuu kumo to.

Jɛremaya 45:5

Fo ere bee fin asheŋgboŋ nna a sa fo kumu a? Yige amo be kefin. Ŋkpal manɛ so, meeŋ shin nɛ edimɛdi kikɛ e ji jɛrbi, ama kaplɛkama nɛ fo ere yɔ, feeŋ nya n shile m mɔlga fo kumu n ji efute. Ma, Enyɛnpe Ebɔrɛ e kaŋɛ na.”

Matiu 26:39

Ndoŋ nna nɛ e yɔ anishito gbrɛbi n ya gbir n kur kumu n yuu nseŋ kule Ebɔrɛ ŋ kaŋɛ le: “N Tuto, nɛ ekpa wɔtɔ, fo ta awurfoŋ ere ashi ma so, ama mannɛ ma keparso, shin nɛ k baa la feya.”

Matiu 3:6

n ya bugi ŋgbene ŋ kaŋɛ mo bumo be alubiana pɔɛŋ nɛ e bɛr bumo kabɔrɛbɛr ashi Jɔɔdan be lɔr na to.

Maak 14:36

E yɛ: “Etuto, n Tuto, feeŋ tiŋ n wora kusɔ kama, ta awurfoŋ ere ashi ma so. Ama mannɛ ma keparso, shin nɛ k baa la feya.”

Luuk 12:50

A daga fanɛ b wɔtɔ ma tɔrɔ to fanɛ kananɛ baa muni esa nchu to a bɛr mo kabɔrɛbɛr na. Kumo alɛ maŋ loge, ma kagbene maaŋ dese ma kikɛ.

Luuk 22:42

“Etuto, nɛ k par fo, fo ta awurfoŋ ere ashi ma so, ama mannɛ ma keparso, shin nɛ k baa la feya.”

Baru lela nɛ Jɔn kute na 18:11

Ndoŋ nna nɛ Yesu kaŋɛ Pita: “Bɛta fo tokobi na n wɔtɔ kumo be efar to. Fee tama fanɛ m maa sha keji tɔrɔ nɛ n Tuto yili fanɛ n ji na ŋko nuso?”

Romebi 8:26

Loŋ koŋwule na malɛ nɛ Kiyoyu na bee ba m ba kaa chɛ anyi mo nɛ an maŋ kɔ eleŋ ashi yirda na to na to. Anyi maŋ nyi kananɛ k daga fanɛ an kule Ebɔrɛ gba, ama Kiyoyu na gbagba e naa bugi kagbene a kule kabɔrɛkule nɛ k bee mɔ kɔnɔ a sa anyi.

Jeems 4:3

Menyee kaa kule Ebɔrɛ asɔ saŋko malɛ ŋkaa maa nya amo, ŋkpal manɛ so, nfɛra lubi nɛ men kɔ a kule amo a sha fanɛ men ta amo n wora men gbagba be kejimuni be aparsheŋ.