Maak 10:34 - EBƆRƐ BE KAWƆL

³⁴ nseŋ kilgi n ta ma m bɔɔ nnyamase enɔ. Nɛ bumo alɛ e wora ma eyurto n tuu echɔl n fea ma ŋ kuya ma so nseŋ mɔ ma. Ama kumo be nchɛ asa to meeŋ tiŋi luwu na to.”

Maak 10:34 ပူးပေါင်းရင်းမြစ်များ

Job be kawɔl 30:10

B ta ma fanɛ kejijɛ be esa nna, a fɛ fanɛ b walɛ so nna a chɔ ma. Baa kaa yili ma anishito a tu echɔl gba nna.

Nshɛ 16:10

Ŋkpal manɛ so, fee kuŋ ma ashi luwu to. Fo maaŋ shin nɛ fo kenya e luri nchaŋ to; ŋko n shin nɛ fo esa cheembi e wu m bɛ.

Nshɛ 22:13

N doŋana na du nna fanɛ ebuluŋ nɛ b ya bumo be nnɔ to a ponte to, nsaa kpɛa kusɔ kama nɛ b pɛ to na.

Aizaaya 50:6

Ŋ kilgi ma kaman nna n sa basa, nɛ baa beri, nseŋ kilgi ma ketaya n sa bumo, nɛ baa tia ma katɔl be afuibi. Ma alɛ maŋ kaŋɛ basa nɛ baa tege ma nsaa tu echɔl a wɔtɔ ma anishi to na fanɛ b yige.

Aizaaya 53:3

Ekama daŋ keni mo jiga nna nseŋ kini mo n lɛ. Kagbenejija nɛ ebesa damta e daŋ bɔlɔ mo to, nɛ mo alɛ ji kanyiti nseŋ sɔ amo kikɛ n deŋi mbe kumu so. Ekama daa maa sha kewu mo kenishiso gba. B daŋ wu mo nna fanɛ esa jiga.

Hoziya 6:2

Ta a yɔ nchɛnnyɔ ŋko nchɛnsa be kefɛato, e beeŋ ba chɛ anyi nseŋ naŋ sa anyi eleŋ saŋɛ na so anyi nɛ mo beeŋ baa wɔtɔ.

Matiu 16:21

Yili kumo be kamɔnchɛ na a yɔ nɛ Yesu fara a ŋini mbe bebɛsopo na le: “A daga ŋ ka yɔ Jerusalɛm n ya ji awurfoŋ ga benimuana nɛ bɔrɛmatapowuraana nɛ mbraŋinipoana na be enɔ to. Baaŋ mɔ ma nɛ n tiŋi luwu na to kumo be kachɛ sasopo to.”

Matiu 26:67

Ndoŋ nna nɛ b tuu echɔl n fea mbe anishito nsaa ŋmɛa a ŋmɛa mo

Matiu 27:63

“Ebunyampo, an nyiŋi saŋɛ nɛ efɛpo na daa wɔ ŋkpa to ka kaŋɛ le: ‘Ŋ kaŋ wu, meeŋ tiŋi luwu na to kumo be kachɛ sasopo to.’

Maak 14:63

Nɛ bɔrɛmatapo nimuso na kpɛa mbe asɔbuuso to nseŋ kaŋɛ le:

Maak 14:65

Nɛ bumo be beko fara a tuu echɔl a fea Yesu n wora mo kebuumbuuanishi nsaa ŋmɛa mo a kaŋɛ: “Pin esa nɛ e ŋmɛa fo ere.” Nɛ bekumpo na pɛ mo ŋ kpa mo etaŋ.

Maak 9:31

Ŋkpal manɛ so, e daa ŋini mbe bebɛsopo nna a kaŋɛ: “Baaŋ ta ma, Nyiŋgbasa Pibinyɛn m bɔɔ basa enɔ nɛ b mɔ ma, ama b kaŋ mɔ ma be nchɛ asa to meeŋ tiŋi luwu na to.”

Luuk 23:11

Nɛ Hɛrɔd nɛ mbe benapo wora mo nfɛlsheŋ nseŋ wora mo eyurto ga. Ade be kaman nɛ Hɛrɔd shin nɛ b ta asɔbuuso lela m buu Yesu shiaso nseŋ shin nɛ b naŋ bɛta mo n ya sa Pailat.

Baru lela nɛ Jɔn kute na 1:17

Ŋkpal manɛ so, anebi Mosis so nɛ Ebɔrɛ bɔla m bar mbra na, ama kuwɔr be kakɛ nɛ kashenteŋ bre shi Yesu Kristo so nna.

Baru lela nɛ Jɔn kute na 2:10

“Keni, yabra belbelso lela nɛ ekama yaa fara a bar nɛ basa bee nuu bumo be keparso pɔɛŋ nɛ baa bar amo nɛ a maŋ wɔ ebel fanɛ ade na kaman. Nɛ manɛ e ba nɛ fo ere yaŋ ta alela na n yili loŋ m ba kaa chige amo naniere?”

1 Kɔrintebi 15:4

b daŋ puli mo, ama e tiŋi ashi luwu na to kumo be kachɛ sasopo to fanɛ kananɛ abɔrɛsibɛ na bee kaŋɛ na.