Maak 10:30 - EBƆRƐ BE KAWƆL

³⁰ E beeŋ nya ntuŋ kalfaso be nwu nɛ beda nɛ besipo nɛ besipoche nɛ benio nɛ mbia nɛ nsawule, amo nɛ etɔrɔ, nɛ jemanɛ nɛ k bee ba na to e naaŋ nya ŋkpa nɛ k maŋ kɔ ekar na.

Maak 10:30 ပူးပေါင်းရင်းမြစ်များ

2 Kronikɛls 25:9

Nɛ ewura Amaziya bishi anebi na le: “Nɛ gbiti nɛ n teŋ ta n sa bumo fanɛ bumo be kakɔka na malɛ a?” Nɛ anebi na malɛ kaŋɛ le: “Enyɛnpe Ebɔrɛ na beeŋ tiŋ n sa fo kusɔ nɛ k chɔ loŋ!”

Nshɛ 84:11

Ŋkpal manɛ so, Enyɛnpe Ebɔrɛ na du fanɛ epeŋi nɛ kebɛlso be kusɔ kuŋso nna. Mo e naa wu kuwɔr nsaa ta bunyaŋ a buu esa so, mo alɛ maa ta kusɔ lela a ŋana basa niŋiso so.

Aŋasa 16:16

Kanyiasheŋ nɛ kenyi bɔ shuwa nɛ gbiti.

Malakai 3:10

Men ta menyi be kudukudusopo kikɛ m ba Enyɛnpe Ebɔrɛ be lambu to, saŋɛ na so ajibi damta beeŋ baa wɔ ndoŋ. Men wora ma ŋ keni, nɛ m bugi Ebɔrɛso be etokuro n chulgi enɛfa be yiri yiri alegaiso n sa menyi nɛ menyi maaŋ nya kakpa gba n yili amo.

Matiu 12:32

Esa kama nɛ e malga ŋ gbiti ma, Nyiŋgbasa Pibinyɛn beeŋ tiŋ n nya kumo be keyigempaŋ, ama ekama nɛ e malga ŋ gbiti Kiyoyu Cheeŋ na maaŋ nya kumo be keyigempaŋ kikɛ, jemanɛ ere so ŋko jemanɛ nɛ k bee ba na.”

Matiu 13:8

Ama asɔ duuso na be ako malɛ tɔr eshishɛr lela to ŋ kɔr n daŋ n wora. Amo be ako wora bibi kalfa kalfa, ako adesheshe, ako malɛ adesasa.”

Matiu 6:33

Amoso men ta Ebɔrɛ be kuwura na nɛ mbe alelasheŋ be kasha n juŋkpar men be kebaawɔtɔ to nɛ e shin nɛ men nya asɔ na kikɛ n ti so.

Luuk 18:30

amodoŋwura beeŋ nya bumo nɛ e yige na be bedamta naniere n tal to nɛ b baa chɔ bumo nɛ e yige na nɛ jemanɛ nɛ k bee ba na to e naaŋ nya ŋkpa nɛ k maŋ kɔ ekar na.”

Baru lela nɛ Jɔn kute na 10:23

Nɛ Yesu wɔ bɔrɛlambu na akpa a na kakpa nɛ baa tre Ewura Sɔlɔmɔn be kedɛdɛ na.

Ashuŋ Shunso 14:22

Kumo be kaman nɛ b bɛta n yɔ Listra nɛ Ikoniam nɛ Pisidia be Antiɔk a wushi beyirdapoana na be ŋgbene nseŋ naa leŋ bumo to fanɛ b baa kɔ yirda nɛ kashenteŋto kpakpa. Le nɛ b daŋ naa kaŋɛ bumo: “An kikɛ beeŋ luri etɔrɔ damta to pɔɛŋ nseŋ luri Ebɔrɛ be kuwura na to.”

Ashuŋ Shunso 16:25

Kumo be kamɔnchɛ be kiidiso Pɔɔl nɛ Sailas ka bee kule Ebɔrɛ nsaa boŋ nshɛ a di Ebɔrɛ epaŋ nɛ bumo braana nɛ b wɔ kabuti na to na bee nu.

Ashuŋ Shunso 5:41

Nɛ beshuŋipo na lar nshɛrwuraana na kutɔ nɛ kagbenefuli ŋkpal Ebɔrɛ ka shin nɛ bumo alɛ tiŋ n ji awurfoŋ ŋkpal Yesu be ketre na so so.

Romebi 5:3

Mannɛ aloŋ gba nawule so, ama an ka wɔ tɔrɔ to so nɛ anyi be ŋgbene kraa naŋ fuli anyi n ti so, ŋkpal manɛ so, an nyi tɔrɔ ka bee bar kenya kagbene a kɔ to be kebaawɔtɔ

Romebi 6:23

Ŋkpal manɛ so, asheŋ lubi be kakɔka e la luwu, ama Ebɔrɛ be kagbene koŋwuleso be kakɛ e la ŋkpa nɛ k maŋ kɔ ekar na ashi an Nyɛnpe Yesu Kristo to.

2 Kɔrintebi 6:10

An wɔ kagbenejija to, ama an be ŋgbene malɛ baa fuli anyi nna saŋkikɛ. Betirpo e la anyi, ama saŋkikɛ anyi alɛ bee wɔtɔ basa dama to nna. Anyi maŋ kɔ shɛŋ, anyi alɛ nsaa kɔ asɔ kikɛ.

Filipaiebi 3:8

Kashenteŋto, naniere shɛŋ maŋ naa kɔ tɔnɔ ma anishito ŋkpal kebaanyi Kristo Yesu n Nyɛnpe na ka chɔ kusɔ kikɛ na so. Mo so nɛ m paŋ asɔ kikɛ nseŋ naa ta kusɔ kama fanɛ asɔ fuloŋ ŋkpal kananɛ meeŋ wora n nya Kristo na so nɛ n tiŋ n nya a wɔ mo to.

2 Tɛsalɔnikaebi 2:16

An Nyɛnpe Yesu Kristo gbagba nɛ Ebɔrɛ an Tuto nɛ e sha anyi nseŋ bɔla mbe kuwɔr be kakɛ so a leŋ anyi to mbaanaayɔ nsaa sa anyi tama lela na

1 Timoti 4:8

Ŋkpal manɛ so, esa be kebaakeni mbe eyur so la kusɔ lela nna, ama esa baa ŋini mbe kumu abɔrɛsheŋ be kebaawɔtɔ, loŋ e bɔ, ŋkpal manɛ so, k beeŋ tiŋ n chɛ mo to durnya ere to nfe nseŋ naŋ chɛ mo to saŋɛ nɛ e beeŋ yɔ ebɔrɛso na.

1 Timoti 6:6

Ama esa nɛ e wɔ abɔrɛsheŋ na be kebaawɔtɔ to nsaa shin nɛ asɔ nɛ e kɔ bee bɔlɔ mbe kenishi a kukwe mo na nawule e la damawura.

Jeems 1:12

Ekama nɛ e pɔɔ kechɔŋkeni so, kagbenefuli beeŋ baa wɔ mo to, ŋkpal manɛ so, Setani baŋ chɔ mo ŋ keni ŋ gben. Ebɔrɛ beeŋ sa mo mbe ŋkpa nɛ e nase kɔnɔ fanɛ e beeŋ sa bekama nɛ baa sha mo na.

Jeems 5:11

Basa nɛ b daŋ ji loŋ be kanyiti a yil to na nɛ anyee kaŋɛ fanɛ b wɔ nɛfa to. Job le, men nu kananɛ e daŋ ji kanyiti tɔrɔ to, nɛ amo be kaman kananɛ Ebɔrɛ daŋ shin nɛ e nu ebel na ŋko? Kashenteŋto, an Nyɛnpe bee shu anyi so ga nsaa wu anyi kuwɔr.

1 Jɔn 2:25

Kusɔ nɛ mo alɛ nase kɔnɔ fanɛ e beeŋ sa anyi e la ŋkpa nɛ k maŋ kɔ ekar na.

1 Jɔn 3:1

Men keni kananɛ Etuto na sha anyi loŋ n shin nɛ baa tre anyi mbe mbia, kumo alɛ maŋ kɔ emɔrɔ malɛ fanɛ an ka la mbe mbia. Amoso nɛ durnyaebi maa pin anyi to na. Ebɔrɛ nɛ b maŋ pin to pɔɛŋ.

Kelaraŋŋini 2:9

N nyi men be etɔrɔ nsaa nyi men be ketir be asheŋ, ama kashenteŋ bre, damawuraana e la menyi. Ma alɛ kraŋ naa nyi mmalga lubi mo nɛ basa nɛ baa tre bumo be amu Juwebi, bumo alɛ ŋkaa maŋ la na bee malga a gbiti menyi, ama bumo alɛ la Setani be katuŋ to be basa nna.

Kelaraŋŋini 3:18

Amoso, mee sa menyi nfɛra nna fanɛ men tɔ shuwa mo nɛ a maŋ kɔ saŋgre kikɛ amo to ŋ kutɔ, saŋɛ na so menyeeŋ dii dama. Men tɔ asɔbuuso fuful gba ashi ŋ kutɔ m buu men be anishinyɔr be eyurkpaŋ na so nseŋ tɔ kudur malɛ gba n fɔr men be anishiana so n tiŋ a wu.