Maak 10:24 - EBƆRƐ BE KAWƆL

²⁴ Nɛ mbe kamalga na chinchiŋ bebɛsopo na ga, ama Yesu naŋ kaŋɛ: “Ma mbia, Ebɔrɛ be kuwura na to be keluri du kpakpa ga.

Maak 10:24 ပူးပေါင်းရင်းမြစ်များ

Nshɛ 17:14

Enyɛnpe Ebɔrɛ ta fo enɔ lempo na m mɔlga ma ashi loŋ be basa be enɔ to. Basa nɛ durnya ere be kebaawɔtɔ nawule la bumo be tɔnɔ. Fo e naa sa basa nɛ fee sha ajibi; bumo be mbia beeŋ nya n ji kanaŋkama so, nɛ bumo nanabiana gba e nya n ji kanaŋkama so.

Nshɛ 52:7

“Men keni basa nɛ b kini keta bumo be yirda n deŋi Ebɔrɛ so, nseŋ ta bumo be yirda n deŋi bumo be kedamaya nɛ asheŋ lubi be kewora so na.”

Nshɛ 62:10

Sa maŋ ta fo tama n deŋi kapuni be asɔ so, ŋko a wu fo kumu ŋkpal kayu be asɔ so. Loŋ beeŋ tiŋ n sa fo asɔ damta, ama sa maŋ ta fo kagbene n deŋi amo so.

Aŋasa 11:28

Bekama nɛ b ta bumo be tama n deŋi bumo be kanya so beeŋ gbaŋgbaŋ n tɔr fanɛ ketarso be afantaŋ, ama basa cheembi bre beeŋ baa purge afantaŋ popɔr fanɛ kechaliso be ndibi nna saŋkama.

Aŋasa 18:11

Damawuraana bee fɛ nna fanɛ bumo be amansherbi e naa kuŋ bumo fanɛ kananɛ baa pɔr egbal a kulti kade a kuŋ kumo na.

Aŋasa 23:5

Ŋkpal manɛ so fo amansherbi beeŋ tiŋ n loge epul to, fanɛ kananɛ kusore beeŋ yili epul to n firgi n choŋ na.

Jɛremaya 9:23

Kumo be kaman nɛ Enyɛnpe Ebɔrɛ na naŋ kaŋɛ le: “Benyiashempo e sa maa puchi bumo be kanyiasheŋ so, ŋko belempo e sa maa puchi bumo be eleŋ so, ŋko damawuraana e sa maa puchi bumo be kedama so.

Habakuk 2:9

Asheŋ maaŋ nyalɛ n sa menyi ŋkpal men ka ta eleŋsheŋ n suge asɔ n shin nɛ menyi be nnaŋ to ebi dii dama nɛ tɔrɔ kikɛ maa ba menyi be elaŋ to ebi so so!

Zefanaiya 1:18

Kachɛ nɛ Enyɛnpe Ebɔrɛ na be agbogboŋ na beeŋ gbelge bumo so na, eshuwa nɛ egbiti nɛ b kɔ na kikɛ gba maaŋ tiŋ m mɔlga bumo. Mbe agbo na beeŋ koso fanɛ edɛ m mur kasawule kikɛ. Nɛ esa kama nɛ e wɔ durnya to be kebaawɔtɔ e ba ekar epul to.

Matiu 19:25

Bebɛsopo na ka nu loŋ nɛ k chinchiŋ bumo ga nɛ b bishi mo: “To, nɛ basa mo malɛ e naaŋ tiŋ n nya kumɔlga?”

Maak 1:27

K daŋ chinchiŋ basa na kikɛ ga nɛ b fara a bishi abar: “Manɛ malɛ nde? Keŋini pɔtɛ ko nna a? Kanyɛn ere bre kɔ eleŋ hale a tiŋ a ponte ayoyu lubi so fanɛ b lar esa to nɛ baa nu mbe kɔnɔ.”

Maak 10:23

Ndoŋ nna nɛ Yesu kilgi ŋ keni mbe bebɛsopo na nseŋ kaŋɛ bumo: “Kashenteŋto, a beeŋ nu damawuraana ga pɔɛŋ nɛ b luri Ebɔrɛ be kuwura na to.”

Luuk 16:14

Efarisiana na ka daa sha amansherbi ga so, b ka nu asheŋ na kikɛ nɛ b wora mo eyurto.

Baru lela nɛ Jɔn kute na 13:33

Ma mbia, m maaŋ baa wɔ menyi kutɔ n chɛr. Menyeeŋ fin ma, ama fanɛ kananɛ ŋ kaŋɛ Juwebi na nɛ mee kaŋɛ menyi alɛ gba na fanɛ kakpa nɛ mee yɔ na, men maaŋ tiŋ m ba ndoŋ.

Baru lela nɛ Jɔn kute na 21:5

Ndoŋ nna nɛ e tre bumo m bishi bumo: “Mbrantiɛ, men maŋ pɛ kɔrɔtɔ kama a?” Nɛ b kaŋɛ mo: “Ayai, anyi maŋ pɛ shɛŋ.”

Baru lela nɛ Jɔn kute na 6:60

Mbe bebɛsopo damta ko ka nu kesheŋ nɛ e malga na nɛ b kaŋɛ abar le: “Cha, keŋini ere bre la kesheŋ kpakpaso nna, wanɛ e naaŋ tiŋ n sɔ kumo?”

Galeeshaebi 4:19

Ma mbi shasoana, ebesa nɛ k wɔ ma to a sa menyi ere baa du fanɛ eche be kakurge be ebesa nna a wɔ ma to ama n ya wu fanɛ Kristo be kebaawɔtɔ na kikɛ ya luri nna m bɔlɔ menyi to.

1 Timoti 6:17

Ŋini bumo nɛ b kɔ dama durnya ere to na fanɛ b sa maa wu bumo be amu ŋko a ta bumo be yirda a deŋi bumo be asɔ so, ŋkpal manɛ so, esa kikɛ maaŋ tiŋ m pin kananɛ mbe asɔ beeŋ chɛr a wɔ mo kutɔ. Kusɔ nɛ k daga damawuraana ka wora e la b ka yirda Ebɔrɛ, ŋkpal manɛ so, mo e naa bugi kagbene a kɛ anyi asɔ yɛlyɛla so nɛ an baa ta a wushi an be ŋgbene.

1 Jɔn 2:1

Ma mbi shasoana, mee sibɛ kawɔl ere nna a sa menyi nɛ men sa maŋ wora alubi. Ama nɛ k ba fanɛ ekama nɛ e ba wora kulubi bre, an kɔ ematapo ashi anyi nɛ Ebɔrɛ Etuto na be nferinto. Mo e la Yesu Kristo, esa nɛ e la esa lela Ebɔrɛ be anishito na.

1 Jɔn 4:4

Ama menyi ere, ma mbi shasoana, men la Ebɔrɛ be basa nna m pɔɔ loŋ be anebi fɛpoana so, ŋkpal manɛ so, esa nɛ e wɔ menyi to na e chɔ emo nɛ e wɔ durnya ere to na.

1 Jɔn 5:21

Ma mbi shasoana, men baa gelge agbir.

Kelaraŋŋini 3:17

Men yɛ: An dii dama n nya kusɔ kama nyam nɛ anyee sha, anyi maŋ naa sha shɛŋ. Ama menyi alɛ maŋ nyi fanɛ men la awurfoŋwuraana nɛ basa nɛ bumo be asheŋ kɔ kuwɔr nɛ betirpo nɛ betanpo nɛ basa delgeso nna.