Maak 10:1 - EBƆRƐ BE KAWƆL

¹ Ndoŋ nna nɛ Yesu lar kaboŋ na n yɔ Judiya be kasawule so ashi Jɔɔdan be lɔr be kaba ndoŋ nɛ jimaŋ naŋ chala m buu mo nɛ e yaŋ ŋini bumo kananɛ e chɛr a wora na.

Maak 10:1 ပူးပေါင်းရင်းမြစ်များ

Kaŋinichiŋgeliŋ 12:9

Ama ŋkpal eŋinipo na ka la enyiashempo so, e kraa ŋini basa asɔ nɛ mo ere nyi nna. E koya aŋasa nna nseŋ mige amo to nɛnɛ m pin amo be kashenteŋ kikɛ.

Jɛremaya 32:33

Ŋ ka wora ania fanɛ meeŋ ŋini bumo nɛ b baa wora ma kasonu na kikɛ be kaman, b maŋ nu nseŋ koya shɛŋ. B pal kaman nna n sa ma.

Matiu 26:55

Jemanɛ na so nɛ Yesu bishi jimaŋ na le: “Men ta etokobi nɛ mprɛ nna m ba nɛ men ba pɛ ma fanɛ eyu a? Ma nɛ menyi e daa la bɔrɛlambu na to kachɛ kama nɛ mee ŋini abɔrɛsheŋ na, ama men maŋ pɛ ma.

Matiu 4:23

Ade be kaman nɛ Yesu nite Galili be kasawule so kikɛ to a ŋini basa abɔrɛsheŋ ashi bumo be nshɛrbuana to nsaa bɔ Ebɔrɛ be kuwura na to be baru lela na a sa basa nseŋ chɛ basa na to be alɔ nɛ ebesa be yiri kikɛ.

Maak 1:21

Ndoŋ nna nɛ b yɔ Kapɛɛniam be kade to. Kumo be kewushiachɛ nɛ Yesu fara a ŋini bumo abɔrɛsheŋ ashi nshɛrbu na to.

Maak 10:2

Ndoŋ nna nɛ Efarisiana ko ba mo kutɔ nɛ b ba wora mo ŋ keni m ba bishi mo: “Mbra na bee shuli fanɛ enyɛn e kini mbe eche a?”

Maak 12:35

Kachako Yesu ka bee ŋini basa bɔrɛlambu na to nɛ e bishi bumo: “A ji nuso nna nɛ mbraŋinipoana bee kaŋɛ fanɛ Ebɔrɛ be esa laraso Kristo na la Ewura Deevid mo Nanabi nna?

Maak 14:49

Ama a daga fanɛ abɔrɛsibɛ na ka bɔla.”

Maak 2:13

Yesu naŋ beta n yɔ Galili be kepagboŋ na ase nɛ jimaŋ fara a ba nɛ e bee ŋini bumo.

Maak 4:2

Ndoŋ nna nɛ e ta aŋasa ŋ ŋini bumo asɔ damta ŋ kaŋɛ:

Maak 6:2

Kewushiachɛ ka fo nɛ e fara a ŋini basa abɔrɛsheŋ ashi nshɛrbu na to nɛ mbe keŋini na daŋ chinchiŋ basa damta nɛ b daa wɔ ndoŋ nseŋ nu kumo na ga nɛ b bishi abar: “Nnɛ nɛ kanyɛn ere nya ade kikɛ? Nnɛ nɛ e nya le be kanyiasheŋ ere? Nuso nɛ e bee wora a wora emamachisheŋ ere?

Maak 6:34

Yesu ka lar ekuloŋ na to nɛ e wu jimaŋ damta na nɛ bumo be asheŋ pɛ mo kuwɔr, ŋkpal manɛ so, b daa du fanɛ mbolpɔ nɛ b maŋ kɔ ekpapo nna. Nɛ e fara a ŋini bumo asɔ damta.

Maak 6:6

Nɛ Yesu kulti ndoŋ be ndewurbi na kikɛ to n ya kaa ŋini basa abɔrɛsheŋ.

Baru lela nɛ Jɔn kute na 10:40

Yesu ka lar ndoŋ nɛ e naŋ bɛta n yɔ Jɔɔdan be lɔr be kaba ndoŋ, kakpa nɛ Jɔn kabɔrɛbɛrpo daa bɛr basa kabɔrɛbɛr na. Ndoŋ nɛ e daŋ ya kaa wɔ.

Baru lela nɛ Jɔn kute na 11:7

“Men shin nɛ an naŋ yɔ Judiya.”

Baru lela nɛ Jɔn kute na 18:20

Nɛ Yesu kaŋɛ mo: “N daa bugi to a malga nna a sa ekama. Nshɛrbuana na to ŋko bɔrɛlambu na to, kakpa nɛ Juwebi kikɛ bee kaa shɛr na nɛ n daa malga saŋkikɛ, n daa maa malga shɛŋ wulo to kikɛ.