Maak 1:40 - EBƆRƐ BE KAWƆL

⁴⁰ Botipo ko daŋ ba Yesu kutɔ m ba gbir ŋ kule mo fanɛ e chɛ mo to ŋ kaŋɛ: “Nɛ k par fo, feeŋ tiŋ n shin nɛ n nyalɛ so.”

Maak 1:40 ပူးပေါင်းရင်းမြစ်များ

Jɛnesis 18:14

Kusɔ ko malɛ wɔtɔ nna a du kpakpa n sa Enyɛnpe na a? Kafɛ a ba saŋɛ ere so, meeŋ naŋ bɛta m ba fanɛ kananɛ ŋ kaŋɛ na nɛ Sɛɛra nya kebia na.”

2 Samuɛl 3:29

Ama kumo be kasogberge beeŋ ba Jɔab nɛ mbe kanaŋ kikɛ so! Kumo e la fanɛ echefoso, bumo be kanaŋ mo nɛ k beeŋ koso be enyɛn ko beeŋ lɔ babaso be kulɔ ŋko keboti, ŋko e beeŋ baa la esa nɛ e maaŋ tiŋ n shuŋ benyɛn be kushuŋ ama beche peya ŋko e beeŋ baa la esa nɛ e beeŋ wu kena to, ŋko esa nɛ e maaŋ ji m moɛ kikɛ!”

2 Bewura 15:5

Enyɛnpe Ebɔrɛ na daŋ shin nna nɛ keboti pɛ Uziya nɛ e keta kumo hale n ya wu. B daa maŋ naŋ sa mo ekpa nɛ e shuŋ kushuŋ kikɛ. E daa wɔ laŋ pɔtɛ to nna nɛ mo pibinyɛn Jotam sɔ mo so a wɔ ewura be laŋ to a ji efuli na so kuwura.

2 Bewura 7:3

Jemanɛ na so nɛ ebotiponyɛn ana ko daa wɔ Samɛria be egbal na be ekarso a mata kabunagboŋ na nseŋ kaŋɛ abar le: “Manɛ e ba nɛ anyeeŋ chena nfe hale n ya wu?

2 Kronikɛls 6:13

Sɔlɔmɔn daŋ wora danyaŋ be ketempreŋ nɛ kumo be nteŋ la ayadra ashunu nɛ bargato nɛ kumo be mparto gba la ayadra ashunu nɛ bargato nɛ kumo be jeŋgreŋ la ayadra anu nna n yili kelɔnɛ na be kowushina be nferinto. E daŋ yuu kusɔ jeŋgreŋ ere nna nseŋ gbir kumo so m maŋ mbe enɔana so esoso, kakpa nɛ ekama beeŋ baa wu mo,

Matiu 11:5

Mee shin nɛ betanpo bee wu nɛ ebobi bee nite nɛ bebotipo bee nyalɛ so nɛ ekpawu bee nu nɛ bubuni bee tiŋi luwu to nɛ bebɔlpo malɛ bee nya a nu baru lela na be asheŋ.

Matiu 17:14

B ka bɛta m ba jimaŋ na kutɔ nɛ kanyɛn ko ba Yesu kutɔ m ba gbir mbe anishito

Maak 1:41

Nɛ kuwɔr pɛ Yesu nɛ e teŋi enɔ m beta mo ŋ kaŋɛ: “Mm, k par ma. Keboti, lar mo to.”

Maak 10:17

Yesu ka baŋ fara nɛ e pɛ ekpa nɛ kanyɛn ko shile m ba gbir mbe anishito m bishi mo: “Eŋinipo lela, manɛ nɛ meeŋ wora n tiŋ n nya ŋkpa nɛ k maŋ kɔ ekar na?”

Luuk 22:41

Ndoŋ nɛ e yige bumo nseŋ yɔ anishito gbrɛ n ya gbir ŋ kule Ebɔrɛ ŋ kaŋɛ le:

Ashuŋ Shunso 7:60

Ndoŋ nna nɛ e gbir nseŋ kaŋɛ awɔrso: “Enyɛnpe, ta bumo be kulubi ere m paŋ bumo.” Kede be kaman nɛ e wu.

Ɛfesesebi 3:14

Amoso nɛ mee gbir Etuto