Maak 1:15 - EBƆRƐ BE KAWƆL

¹⁵ “Jemanɛ na fo. Ebɔrɛ be kuwura na taga to. Men lar menyi be alubi to n yirda baru lela na.”

Maak 1:15 ပူးပေါင်းရင်းမြစ်များ

Danɛl 2:44

Kuwurgboŋ nasopo na be bewura be jemanɛ so, Ebɔrɛ nɛ e wɔ esoso na beeŋ shin nɛ kuwurgboŋ nɛ k maaŋ tɔr kikɛ na e yili nsaa wɔtɔ mbaanaayɔ. Shɛŋ shɛŋ maaŋ tiŋ ŋ kɔ m pɔ kumo so, ama kumo ere beeŋ pɔɔ bewurgboŋ ana na kikɛ so m mur bumo cheche.

Danɛl 9:25

A daga fo ka pin fanɛ yili saŋɛ nɛ ebɔl beeŋ ba kenishipereso fanɛ b naŋ lɔŋɛ Jerusalɛm m pɔr na, n ya fo saŋɛ nɛ ejuŋkparpo nɛ Ebɔrɛ lara na beeŋ ba na beeŋ baa la nfɛ adushunu be ntuŋ ashunu nna. Kumo be saŋɛ so baaŋ lɔŋɛ abɔrbi ashi Jerusalɛm to nseŋ kur kemaŋ ŋ kulti kumo a kuŋ kumo nɛ k yili n ya fo nfɛ shunu be ntuŋ adeshe nɛ anyɔ. Ama etɔrɔsheŋ damta beeŋ baa wɔ kumo to.

Matiu 10:7

Men yɔ n ya kaa bɔ kubɔya na a kaŋɛ fanɛ: ‘Ebɔrɛso be kuwura na taga to.’

Matiu 3:2

E yɛ: “Men lar menyi be alubi to, ŋkpal manɛ so, ebɔrɛso be kuwura na taga to.”

Matiu 4:17

Yili jemanɛ na so a yɔ nɛ Yesu fara a bɔ mbe kubɔya a kaŋɛ le: “Men lar menyi be alubi to, ŋkpal manɛ so, ebɔrɛso be kuwura na taga to.”

Luuk 10:11

‘Men be kade ere to be shishɛr nɛ a gbiti anyi be aya gba nɛ anyee kpata a lɛ menyi a wora menyi kusha na. Ama men baa nyiŋi fanɛ Ebɔrɛ be kuwura na taga to.’

Luuk 10:9

nseŋ chɛ kade na to be belɔpo nseŋ kaŋɛ ndoŋebi le: ‘Ebɔrɛ be kuwura na taga menyi to.’

Luuk 24:47

ama kumo be nchɛ asa to e beeŋ tiŋi luwu na to. Mbe ketre so nɛ baaŋ bɔla n yili Jerusalɛm m bɔ kelar alubi to nɛ Ebɔrɛ be keyige alubi m paŋ na be baru na n sa efuli kama so ebi.

Ashuŋ Shunso 20:21

Juwebi nɛ nnyamase kikɛ nɛ n daŋ fiɛ so kpakpa fanɛ b lar bumo be alubi to a bɛ Ebɔrɛ so nseŋ yirda an Nyɛnpe Yesu.

Romebi 16:26

Naniere bre, ŋkpal asɔ nɛ anebiana na sibɛ n nase na so so, kashenteŋ na dii efuli nna. Ŋkpal Ebɔrɛ nɛ e wɔ ŋkpa to na saŋkikɛ be kusɔ nɛ e yili na so, kusɔ kama bugi to nna n dese a sa efuli kama so ebi, saŋɛ na so, baaŋ yirda nseŋ nu n sa Ebɔrɛ.

Galeeshaebi 4:4

Ama jemanɛ nɛ k daga na ka ba fo nɛ Ebɔrɛ shuŋi mo Pibinyɛn nɛ e bɔla durnya be eche to n lar a wɔ mbra na to na

Ɛfesesebi 1:10

Ebɔrɛ be kusɔ nɛ e nase nɛ e wora amo jemanɛ na gbagba kaŋ fo na e la fanɛ e beeŋ bar kepɔrso kikɛ abar so, amo nɛ a wɔ esoso nɛ kasawule so kikɛ nyam nɛ Kristo e baa la amo kikɛ be kumu.

1 Timoti 2:6

Mo e ta mbe kumu n sɔ basa kikɛ n yige. Kumo e naa ŋini kumo be jemanɛ na gbagba chap fanɛ Ebɔrɛ bee sha basa kikɛ ka nya kumɔlga.

Taites 1:3

Jemanɛ nɛ mo ere Ebɔrɛ an be Emɔlgapo na gbagba bee sha na nɛ e bugi mbe kubɔya na to n sa basa nseŋ yili kumo fanɛ kubɔya na be kebɔ n sa basa be kushuŋ e baa la meya.