Luuk 9:60 - EBƆRƐ BE KAWƆL

⁶⁰ Nɛ Yesu kaŋɛ mo: “Shin nɛ basa nɛ b du fanɛ bubuni na e baa puli bumo braana bubuni. Ama fo ere baa yɔ n ya kaa bɔ Ebɔrɛ be kuwura na to be kubɔya na.”

Luuk 9:60 ပူးပေါင်းရင်းမြစ်များ

Matiu 4:23

Ade be kaman nɛ Yesu nite Galili be kasawule so kikɛ to a ŋini basa abɔrɛsheŋ ashi bumo be nshɛrbuana to nsaa bɔ Ebɔrɛ be kuwura na to be baru lela na a sa basa nseŋ chɛ basa na to be alɔ nɛ ebesa be yiri kikɛ.

Matiu 8:22

Nɛ Yesu kaŋɛ mo le: “Bɛ ma so nseŋ shin nɛ basa nɛ b du fanɛ bubuni na e baa puli bumo braana bubuni.”

Luuk 15:24

ŋkpal manɛ so, ma kebia ere daŋ wu nna, ama e naŋ ba ŋkpa to, e daŋ foe nna, ama e naŋ wu epe be ekpa m ba.’ Ndoŋ nna nɛ b fara a ji bumo be amu.

Luuk 15:32

Nɛ kananɛ fo sipo ere ba le ere, a daga fanɛ an ji anyi be amu kagbenefuliso, ŋkpal manɛ so, fo sipo ere daŋ wu nna nseŋ naŋ ba ŋkpa to, e daŋ foe nna, ama an naŋ wu mo.’ ”

1 Kɔrintebi 9:16

Ama m maŋ kɔ ekpa bre nɛ ŋ kpal ŋ ka bee bɔ Baru Lela na so m puchi, ŋkpal manɛ so, k la katiŋ nna fanɛ m bɔ Baru Lela na. Nɛ ma alɛ maŋ bɔ Baru Lela na, asheŋ maaŋ nyalɛ n sa ma kikɛ.

Ɛfesesebi 2:1

To, menyi alɛ gba du fanɛ basa nɛ b wu nna ŋkpal men ka daŋ foe ekpa a wɔtɔ a wora alubi na so.

Ɛfesesebi 2:5

e tiŋi anyi nɛ Kristo nna m bar anyi ŋkpa to saŋɛ nɛ an daa wɔ kasomaanu be luwu to na. Ebɔrɛ malɛ be kuwɔr be kakɛ so nɛ men nya kumɔlga.

1 Timoti 5:6

Ama ekulpoche nɛ e ta mbe nfɛra n wɔtɔ ebel be keji to wu nna nsaa wɔ basa to na.

2 Timoti 4:2

fo baa bɔ kubɔya na a sa basa. Kelela ŋko kulubi to kikɛ baa sha kebaabɔ kubɔya na a sa basa a shin nɛ b baa wu kananɛ kashenteŋ na baa dese geeŋ. Baa ta kubɔya na a fiɛ basa so ŋko a leŋ bumo to nsaa kɔ kanyiti a ŋini bumo abɔrɛsheŋ na.

2 Timoti 4:5

Fo ere, baa kɔ fo kumu to nɛnɛ kusɔ kama to. Baa ji tɔrɔ be kanyiti nsaa wora kushuŋ nɛ k daga fanɛ baru lela be emalgapo kaa bee wora. Baa shuŋ kushuŋ nɛ Ebɔrɛ ta m bɔɔ fo enɔ na kikɛ nyam.

Kelaraŋŋini 3:1

Nɛ e kaŋɛ: “Sibɛ kawɔl ere n sa Saadis be kade to be asɔri be malaika na ŋ kaŋɛ mo le: ‘Mmalga ere shi esa nɛ e kɔ Ebɔrɛ be ayoyu ashunu nɛ achɛkpabi ashunu na to na kutɔ nna. N nyi men be aworbi kikɛ, n nyi men ka kɔ ketre basa kutɔ fanɛ men wɔ ŋkpa to nna, ama men wu nna a wɔtɔ.