Luuk 9:50 - EBƆRƐ BE KAWƆL

⁵⁰ Nɛ Yesu kaŋɛ Jɔn: “Men sa maa fin keju mo, ŋkpal manɛ so, ekama nɛ e maŋ la men doŋ la men teri nna.”

Luuk 9:50 ပူးပေါင်းရင်းမြစ်များ

Matiu 12:30

Esa kama nɛ e maŋ la n teri la n doŋ nna nɛ ekama malɛ nɛ e maa chɛ ma to a chala, bee gboŋi asɔ nɛ mee chala nna.

Matiu 17:24

Yesu nɛ mbe bebɛsopo ka ba Kapɛɛniam nɛ ndoŋ be bɔrɛlambu be lamposɔpoana ba bishi Pita: “Men be Eŋinipo maa ka bɔrɛlambu be lampo na ŋko?”

Matiu 17:26

Nɛ Pita kaŋɛ: “Basa pɔtɛ nɛ baa sɔ.” Nɛ Yesu kaŋɛ mo: “Kumo ere bumo be mbia maŋ ti so nna na.

Maak 9:38

Kachako Jɔn kaŋɛ Yesu: “Eŋinipo, an wu kanyɛn ko ka kɔ fo ketre a ju mbuibi lubi nɛ an kaŋɛ mo e yige, ŋkpal manɛ so, mannɛ anyi to be eko e la mo.”

Maak 9:41

Ma e kaŋɛ menyi kashenteŋto na fanɛ abaanaaworasheŋ, ekama nɛ e sa menyi nchu nuuso ŋkpal men ka la Kristo peya na so so, e beeŋ nya kumo be tɔnɔ.”

Luuk 11:23

Ekama nɛ e maŋ la meya la n doŋ nna na, nɛ ekama malɛ nɛ e maa chɛ ma to a chala, bee gboŋi asɔ nɛ mee chala nna na. Kiyoyu lubi baŋ lar esa to, e na kiyi to nna a fin ewushikpa. E baŋ fin kakpa ŋ gben, le nɛ e bee kaŋɛ mbe kumu: ‘Meeŋ naŋ bɛta n yɔ ma kowu dra nɛ n lar na to.’

Luuk 16:13

Kenya koŋwule maaŋ tiŋ n shuŋ a sa benyɛnpe anyɔ. Nɛ e baa maŋ kishi bumo be eko nsaa sha eko, e beeŋ bugi kagbene a shuŋ eko nsaa wora eko malɛ emurpi. Fo maaŋ tiŋ n ta fo kagbene kikɛ a bɛ amansherbi so nseŋ tiŋ n ta kagbene koŋwule na a bɛ Ebɔrɛ so.”

1 Kɔrintebi 12:3

Amoso, mee sha fanɛ men pin fanɛ esa kikɛ nɛ e kɔ Ebɔrɛ be Kiyoyu na maaŋ tiŋ ŋ kaŋɛ le: “Kɔnɔso e baa wɔ Yesu so!” Esa kikɛ malɛ maaŋ tiŋ ŋ kaŋɛ: “Yesu e la Enyɛnpe” ama Kiyoyu Cheeŋ na e shin nɛ e kaŋɛ loŋ.

Joshuwa 9:14

Ndoŋ nna nɛ Israɛlebi na sɔ bumo be ajibi na be ako n ji ŋ keni, ama b daŋ maŋ bishi Enyɛnpe Ebɔrɛ kusɔ nɛ k daga fanɛ b wora pɔɛŋ.