Luuk 9:48 - EBƆRƐ BE KAWƆL

⁴⁸ “Esa kama nɛ e sɔ le be kebia ere ŋkpal ma so, sɔ ma nna na, ekama malɛ nɛ e sɔ ma, sɔ emo nɛ e shuŋi ma na gba nna na. Amoso, ekama nɛ e la men kikɛ to be emantopo e la esa nɛ e chɔ ekama.”

Luuk 9:48 ပူးပေါင်းရင်းမြစ်များ

Aŋasa 18:12

Kamoowu bee yɛr esa kemur to nna; ama kamoobarase bre bee sa esa kemaŋkura nna.

Matiu 18:10

Nɛ Yesu kaŋɛ bumo: “Men baa da so n sa maa fɛl mbibi ere be ekama, ŋkpal manɛ so, ma e kaŋɛ menyi na fanɛ bumo be emalaika wɔ ebɔrɛso nna a wu n Tuto Ebɔrɛ nɛ e wɔ ebɔrɛso na.

Matiu 18:14

To, loŋ koŋwule na gbagba chap nɛ men Tuto nɛ e wɔ ebɔrɛso na gba maa sha fanɛ mbibi ere be ekama e foe ekpa.”

Matiu 19:28

Nɛ Yesu kaŋɛ bumo: “Ma e kaŋɛ menyi kashenteŋto na fanɛ durnya popɔr na to jemanɛ nɛ ma, Nyiŋgbasa Pibinyɛn beeŋ chena ma kemaŋkura be kuwurputi na so na, menyi nɛ men bɛ ma so na malɛ gba beeŋ chena nwurputi kuduanyɔ so a ji Israɛlebi be nnaŋ kuduanyɔ na demu.

Matiu 25:40

Nɛ ma, Ewura na e kaŋɛ le: ‘Ma e kaŋɛ menyi kashenteŋto na fanɛ, kusɔ kama nɛ men daŋ wora n sa ŋ kurgepobi ere be ekama, ma nɛ men daŋ wora n sa na.’

Matiu 25:45

Nɛ ŋ kaŋɛ bumo le: ‘Ma e kaŋɛ menyi kashenteŋto na fanɛ kusɔ kama nɛ men baŋ maŋ wora n sa bekarkarsobi ere be ekama, ma nɛ men maŋ wora kumo n sa na.’

Maak 9:37

“Esa kama nɛ e sɔ le be kebia ere ŋkpal ma so, sɔ ma nna na nɛ ekama nɛ e sɔ ma, e maŋ sɔ ma nawule, ama emo nɛ e shuŋi ma na gba nɛ e sɔ.”

Luuk 10:16

Kumo be kaman nɛ e kaŋɛ mbe bebɛsopo: “Esa kama nɛ e bee nu a sa menyi, bee nu a sa ma nna na. Ekama malɛ nɛ e bee kini menyi, bee kini ma nna na. Nɛ ekama malɛ nɛ e kini ma, kini emo nɛ e shuŋi ma na nna na.”

Luuk 14:11

Ekama nɛ e bee maŋ mbe kumu so, baaŋ bar mo kaseto nɛ ekama nɛ e bee bar mbe kumu kaseto, baaŋ maŋ mo so.”

Luuk 22:26

Ama menyi ere to, mannɛ aloŋ nɛ k du. Menyi ere e shin nɛ menyi kikɛ to be enimu e ki ekama be kebibi n shin nɛ menyi kikɛ to be ejuŋkparpo e ki ekama be emantopo a shuŋ ekama.

Luuk 22:30

n ji nseŋ nuu ashi ma kuwura to nseŋ naaŋ chena nwurputiana so n ji Israɛlebi be nnaŋ kuduanyɔ na demu.”

Luuk 7:28

Kede be kaman nɛ Yesu naŋ kaŋɛ: “Mee kaŋɛ menyi nna fanɛ Jɔn chɔ durnya to be bomin kikɛ, ama Ebɔrɛ be kuwura na to be ekekarso gba chɔ mo.”

Baru lela nɛ Jɔn kute na 13:20

Ma e kaŋɛ menyi kashenteŋto na fanɛ ekama nɛ e sɔ esa kama nɛ n shuŋi, sɔ ma nna na. Ekama malɛ nɛ e sɔ ma sɔ esa nɛ e shuŋi ma na nna na.”

Baru lela nɛ Jɔn kute na 14:21

“Esa kama nɛ e kɔ ma mmalga naseso nsaa wora asɔ nɛ a bee kaŋɛ na e la esa nɛ e bee sha ma. Esa kama malɛ nɛ e bee sha ma, n Tuto gba beeŋ sha mo nɛ ma alɛ gba e sha mo nseŋ lara ma kumu ŋ ŋini mo.”

1 Tɛsalɔnikaebi 4:8

Amoso, ekama nɛ e kini keŋini ere, mannɛ nyiŋgbasa nɛ e kini, ama Ebɔrɛ nɛ e bee sa menyi mbe Kiyoyu na nɛ e kini.

1 Pita 5:6

Amoso, men baa bar men be amu kaseto a wɔtɔ Ebɔrɛ be enɔgboŋana to nɛ e maŋ menyi so mo gbagba be saŋɛ.

Kelaraŋŋini 21:14

Kadegboŋ na be egbal daa kɔ egbaltɔlase kuduanyɔ nɛ gbaltɔlase kama malɛ daa kɔ Kpakpafɔlbi na be beshuŋipo kuduanyɔ na be ekoŋwule kama be ketre.

Kelaraŋŋini 3:21

Esa kama nɛ e kɔ m pɔɔ so, meeŋ sa mo ekpa nɛ e tu ma n chena ma kuwurputi so fanɛ kananɛ ŋ kɔ m pɔɔ so nseŋ chena n Tuto kutɔ ashi mbe kuwurputi so na.