Luuk 9:44 - EBƆRƐ BE KAWƆL

⁴⁴ Asheŋ nɛ Yesu daŋ wora na kikɛ daŋ kraa chinchiŋ basa na nna nɛ Yesu kaŋɛ mbe bebɛsopo: “Men sa maŋ kaŋ teŋ kusɔ nɛ mee shin nɛ ŋ kaŋɛ menyi ere so. Baaŋ ta ma, Nyiŋgbasa Pibinyɛn m bɔɔ basa enɔ.”

Luuk 9:44 ပူးပေါင်းရင်းမြစ်များ

2 Samuɛl 24:14

Nɛ Deevid kaŋɛ le: “Nuso be asheŋ nde? Asheŋ ere be kekama maŋ bɔ! Ama maa sha keji tɔrɔ dimɛdi be enɔ to. Amoso shin nɛ Enyɛnpe Ebɔrɛ gbagba e gberge ma kusoe, ŋkpal manɛ so e la kuwɔrwu be Ebɔrɛ nna.”

Matiu 16:21

Yili kumo be kamɔnchɛ na a yɔ nɛ Yesu fara a ŋini mbe bebɛsopo na le: “A daga ŋ ka yɔ Jerusalɛm n ya ji awurfoŋ ga benimuana nɛ bɔrɛmatapowuraana nɛ mbraŋinipoana na be enɔ to. Baaŋ mɔ ma nɛ n tiŋi luwu na to kumo be kachɛ sasopo to.”

Matiu 26:2

“Men nyi fanɛ a ka nchɛnnyɔ nɛ Kebansonchoŋ be kejigboŋ na e fo, kumo be saŋɛ na so baaŋ ta ma, Nyiŋgbasa Pibinyɛn m bɔɔ basa enɔ nɛ b gbir ma m mata kedibi largato so m mɔ.”

Maak 8:31

Nɛ Yesu naŋ fara a ŋini mbe bebɛsopo na a kaŋɛ: “A daga fanɛ ma, Nyiŋgbasa Pibinyɛn e ji awurfoŋ ga nɛ benimu nɛ bɔrɛmatapowuraana nɛ mbraŋinipoana e kini ma nseŋ mɔ ma nɛ n tiŋi luwu na to kumo be kachɛ sasopo.”

Maak 9:31

Ŋkpal manɛ so, e daa ŋini mbe bebɛsopo nna a kaŋɛ: “Baaŋ ta ma, Nyiŋgbasa Pibinyɛn m bɔɔ basa enɔ nɛ b mɔ ma, ama b kaŋ mɔ ma be nchɛ asa to meeŋ tiŋi luwu na to.”

Luuk 1:66

Ekama nɛ e nu kumo be asheŋ fɛ kumo be nfɛra nseŋ kaŋɛ: “Nuso be esa nɛ kebia ere yɛ e ba ki.” K daŋ baŋ fuli nna fanɛ Ebɔrɛ be eleŋ daa wɔ mo to.

Luuk 18:31

Saŋko Yesu keta mbe bebɛsopo na n lar ekarso ŋ kaŋɛ bumo le: “Men keni, anyee yɔ Jerusalɛm nna nɛ asɔ nɛ anebiana na wu ma, Nyiŋgbasa Pibinyɛn be asheŋ n sibɛ n nase na kikɛ e ya bɔla ekpa.

Luuk 2:19

Mɛɛri malɛ daŋ ta asheŋ ere kikɛ nna n wɔtɔ mbe kagbene to a fɛ amo be nfɛra.

Luuk 2:51

Amo be kaman nɛ mo nɛ bumo bɛta n yɔ Nazarɛt nɛ e ya kaa wɔtɔ a nu a sa bumo. Nɛ mo nio ta asheŋ ere kikɛ n wɔtɔ mbe kagbene to a wɔtɔ.

Luuk 24:44

Kumo be kaman nɛ e kaŋɛ bumo le: “Asheŋ ere kikɛ nɛ n daŋ kaŋɛ menyi saŋɛ nɛ ma nɛ menyi daŋ kraa wɔtɔ na fanɛ ma asheŋ nɛ a wɔ Mosis be abɔrɛsibɛ to nɛ anebiana na kikɛ peyaana to nɛ Nshɛ to na kikɛ daga kebɔla ekpa na.”

Luuk 9:22

“A daga fanɛ ma, Nyiŋgbasa Pibinyɛn e ji awurfoŋ ga nɛ benimuana nɛ bɔrɛmatapowuraana nɛ mbraŋinipoana e kini ma nseŋ mɔ ma nɛ n tiŋi luwu na to kumo be kachɛ sasopo to.”

Baru lela nɛ Jɔn kute na 16:31

Ndoŋ nna nɛ Yesu bishi bumo: “Naniere bre men yirda nna na ŋko?

Baru lela nɛ Jɔn kute na 16:4

Ŋ kaŋɛ menyi kesheŋ ere nna, saŋɛ na so, jemanɛ nɛ baaŋ wora asheŋ na kaŋ fo, menyeeŋ nyiŋi fanɛ n chɛr ŋ kaŋɛ menyi. Ŋ ka wɔ menyi kutɔ na so so nɛ n daa maŋ kaŋɛ menyi kesheŋ ere sososo na.”

Baru lela nɛ Jɔn kute na 19:11

Nɛ Yesu kaŋɛ mo le: “Nɛ Ebɔrɛ daa maŋ sa fo eleŋ ma so nna, fo daa maaŋ baa kɔ eleŋ ma so. Esa nɛ e ta ma m bɔɔ fo enɔ ere malɛ be kulubi e shi a chɔ feya.”

Ashuŋ Shunso 2:23

Ebɔrɛ gbagba be kasha nɛ kashennyi so nɛ e daŋ yili kumo saŋɛ na kikɛ fanɛ baaŋ ta Yesu m bɔɔ menyi enɔ. Menyi shin nɛ basa lubi gbir mo m mata kedibi largato so m mɔ.

Hibruwebi 2:1

Amoso, a daga fanɛ an ka bugi asoe to nɛnɛ n nu asɔ, nɛ an nu na, saŋɛ na so, an maaŋ firgi n foe ekpa n choŋ.