Luuk 9:42 - EBƆRƐ BE KAWƆL

⁴² Kebia na ka bee ba nɛ kiyoyu lubi na da mo n lɛ kasawule n shin nɛ e bee sela aya to a kpa enɔana fanɛ kegbuŋgbuŋwura. Ndoŋ nna nɛ Yesu fiɛ kiyoyu lubi na so n chɛ kebia na nseŋ ta mo m bɔɔ mo tuto enɔ.

Luuk 9:42 ပူးပေါင်းရင်းမြစ်များ

1 Bewura 17:23

Nɛ anebi Elaija ta kebia na ŋ gbelge to m ba kuchoŋi na be kaseto m ba sa mo nio nseŋ kaŋɛ mo le: “Fo kebia na naŋ nya ŋkpa!”

2 Bewura 4:36

Ndoŋ nna nɛ Elaisha kaŋɛ Gehazi fanɛ e tre kebia na mo nio m ba. Kache na ka ba nɛ Elaisha kaŋɛ mo le: “Keta fo kebia a yɔ.”

Maak 9:20

Men bar kebia na ma kutɔ.” Nɛ b bar mo m ba sa Yesu. Kiyoyu lubi na ka baŋ wu Yesu nɛ e da kebia na n lɛ kasawule n shin nɛ e bee sela aya to a kpa enɔana nsaa gbelti nɛ apɔpɔ bee lar mbe kɔnɔ to.

Luuk 7:15

Nɛ ebuni na niŋi to n chena n fara a malga nɛ Yesu naŋ ta mo m bɔɔ mo nio enɔ.

Luuk 9:39

Kiyoyu lubi ko e naa kaa koso mo to a shin nɛ e bee koso epul to a wora awɔr nsaa sela aya to a kpa enɔana nɛ apɔpɔ bee lar mbe kɔnɔ to. E maa sha keyige mo nseŋ baa wɔtɔ a doro mo.

Luuk 9:41

Nɛ Yesu bishi bebɛsopo na: “O menyi mbreebi, nuso be basa lubi e la menyi nɛ men maŋ kɔ yirda ere bre? Nuso be kechɛr nɛ menyee sha fanɛ n chɛr menyi kutɔ? Nɛ nuso be kanyiti nɛ menyee sha fanɛ n naŋ ta ŋ keta menyi?” Ndoŋ nna nɛ e kaŋɛ kanyɛn na: “Bar fo pibi na nfe.”

Luuk 9:43

Eleŋ nɛ Ebɔrɛ daŋ ŋini na daŋ chinchiŋ basa kikɛ ga.

Baru lela nɛ Jɔn kute na 6:19

B ka far ekuloŋ na loŋ fanɛ emayɛl asa ŋko ana n yɔ anishito nɛ b wu Yesu nɛ e na nchu na so a ba ekuloŋ na akpa nɛ kufu pɛ bumo ga.

Ashuŋ Shunso 9:41

Nɛ Pita pɛ mbe enɔ to n chɛ mo to nɛ e niŋi to nseŋ tre beyirdapo na nɛ bekulpocheana na m ba ta mo ŋkpa to m bɔɔ bumo enɔ.

Kelaraŋŋini 12:12

Amoso, ebɔrɛsoana nɛ menyi nɛ men wɔ amo to na kikɛ, men shin nɛ men be ŋgbene e fuli menyi. Ama asheŋ maaŋ nyalɛ n sa kasawule nɛ etekuana bre, ŋkpal manɛ so, alubipo na gbelge n yɔ menyi kutɔ nɛ agbo damta, ŋkpal manɛ so, e nyi mbe saŋɛ ka maŋ naa shi.”