Luuk 9:1 - EBƆRƐ BE KAWƆL

¹ Nɛ Yesu tre mbe bebɛsopo kuduanyɔ na m ba shɛr n sa bumo eleŋ nɛ ekpa nɛ b baa tiŋ a ju mbuibi lubi be yiri kikɛ basa to nseŋ chɛ basa be alɔ.

Luuk 9:1 ပူးပေါင်းရင်းမြစ်များ

Matiu 16:19

Meeŋ sa fo ebɔrɛso be kuwura na be kebugi nɛ keti be eleŋ. Kusɔ kama nɛ fo maŋ sa ekpa fanɛ k wora kasawule ere so maaŋ wora ashi ebɔrɛso gba. Kusɔ kama malɛ nɛ fo shin nɛ k wora kasawule ere so beeŋ wora loŋ ashi ebɔrɛso gba.”

Matiu 4:24

Amoso mbe ketre daŋ sɔ Siriya kikɛ to nna nɛ basa bar mo belɔpo nɛ bumo be alɔ be nnaŋ to kikɛ, bumo nɛ b daa wɔ ebesa to nɛ bumo nɛ mbuibi lubiana daŋ tɔr so nɛ kegbuŋgbuŋwuraana nɛ eyurwusowuraana kikɛ nɛ e chɛ n chɛ bumo.

Matiu 8:9

Ma alɛ gba la benimu ko be kebia nna nseŋ naa la benapo ko malɛ be enimu a keni bumo so. Benapo nɛ mee keni so na be ekama nɛ m baŋ kaŋɛ: ‘Kuti, yɔ ndoŋ ere’, e bee yɔ nna. Ekama malɛ nɛ m baŋ kaŋɛ: ‘Ba’, e bee ba nna nɛ ma alɛ naŋ kaŋɛ ma kenya: ‘Wora le’, e bee wora kumo nna.”

Luuk 10:1

Ade be kaman nɛ Enyɛnpe lara basa adushunu nɛ anyɔ ko malɛ n shuŋi bumo benyɔnyɔ fanɛ b juŋkpar mo n yɔ kade kama nɛ kaplɛkama nɛ e daa shin nɛ e yɔ to.

Luuk 10:19

Men nu nfe, n sa menyi eleŋ nɛ k tiŋ n shin nɛ men chichi awɔ nɛ nna so nseŋ pɔɔ edompo na be eleŋana kikɛ so nɛ shɛŋ maaŋ wora menyi.

Baru lela nɛ Jɔn kute na 14:12

Ma e kaŋɛ menyi kashenteŋto na fanɛ esa kama nɛ e ta mbe yirda n deŋi ma so, beeŋ wora asɔ nɛ mee kaa wora ere. E beeŋ wora asɔ nɛ a chɔ ade gba, ŋkpal ŋ ka bee yɔ Etuto na kutɔ so.

Ashuŋ Shunso 1:8

Ama men baa nyi fanɛ Kiyoyu Cheeŋ na kaŋ gbelge menyi so, menyeeŋ baa kɔ eleŋ menyi to a malga ma asheŋ a sa basa ashi Jerusalɛm to nɛ Judiya kikɛ to nɛ Samɛria to nɛ durnya ere kikɛ nyam to.”

Ashuŋ Shunso 3:16

Mo, Yesu koŋwule na be eleŋ e chɛ bobinyɛn ere na. Kusɔ nɛ men wu nseŋ nu ere tiŋ n wora nna ŋkpal keyirda mbe ketre na so so. Keyirda Yesu na e tiŋ n chɛ mo menyi kikɛ be anishito le ere na.

Ashuŋ Shunso 4:30

Ŋini fo eleŋ n chɛ belɔpo nseŋ naŋ shin nɛ an tiŋ m bɔla Yesu Kristo, fo Kenya na be ketre so n wora kashenteŋ be etɔɔnɛsheŋ nɛ emamachisheŋ.”

Ashuŋ Shunso 9:34

Nɛ Pita kaŋɛ mo: “Eeneeyas, Yesu Kristo e naa chɛ fo na. Niŋi to m bɔɔ fo kusɔ deseso na to.” Epul na to nɛ Eeneeyas niŋi to.