Luuk 8:8 - EBƆRƐ BE KAWƆL

⁸ Asɔ duuso na be ako malɛ tɔr eshishɛr lela to ŋ kɔr n daŋ n wora, kekama wora bibi kalfa kalfa.” Keŋasa ere be kaman nɛ Yesu kaŋɛ: “To, fo nɛ fo kɔ asoe, fo nu!”

Luuk 8:8 ပူးပေါင်းရင်းမြစ်များ

Jɛnesis 26:12

Aizek ka dɔ n duu asɔ kasawule na so nɛ e nya adɔjibi ga loŋ be kafɛ na ŋkpal Enyɛnpe Ebɔrɛ na ka nɛfa mo so so.

Aŋasa 20:12

Enyɛnpe Ebɔrɛ e sa anyi asoe nɛ anyee ta a nu asheŋ, nɛ anishi nɛ anyee ta a wu.

Aŋasa 8:1

Nu nfe, kanyiasheŋ e naa tre na. Lakal e naa kaŋɛ awɔrso fanɛ fo nu n sa mo na.

Jɛremaya 13:15

Juda be basa, Enyɛnpe Ebɔrɛ na e naa malga na! E yɛ men bar menyi be amu kaseto nseŋ nu n sa mo.

Jɛremaya 25:4

Enyɛnpe Ebɔrɛ na shuŋi anebi damta nɛ b la mbe mbɔ menyi kutɔ, ama menyi maŋ nu n sa bumo.

Matiu 11:15

Amoso fo nɛ fo kɔ asoe, fo nu!

Matiu 13:23

Asɔ duuso nɛ a tɔr eshishɛr lela to na du fanɛ esa nɛ e bee nu kamalga na nsaa pin kumo to na nna. Le be esa e naa bar tɔnɔ kashenteŋto na fanɛ kananɛ asɔ duuso bee wora bibi na, saŋko a bee wora bibi kalfa, saŋko bibi adeshe, nɛ saŋko malɛ bibi adesa.”

Maak 4:20

Basa ko malɛ du fanɛ asɔ duuso nɛ a tɔr eshishɛr lela to na nna. Bumo e naa nu kamalga na nsaa sɔ kumo a bar tɔnɔ fanɛ kananɛ asɔ duuso bee wora bibi na, saŋko a bee wora bibi adesa, saŋko bibi adeshe nɛ saŋko malɛ bibi kalfa.”

Maak 4:23

Amoso, fo nɛ fo kɔ asoe, fo nu.”

Maak 4:8

Asɔ duuso na be ako malɛ tɔr eshishɛr lela to ŋ kɔr n daŋ n wora. Amo be ako wora bibi adesasa, ako adesheshe, ako malɛ kalfa kalfa.”

Maak 7:16

Menyi nɛ men kɔ asoe, men nu.”

Luuk 14:35

Fo ta amo n lɛ kasawule ŋko n sa asɔbɔya gba, a maŋ kɔ tɔnɔ kama. Loŋ be nfɔl na, basa bee ta amo nna a lɛ jiga. Fo nɛ fo kɔ asoe, fo nu.”

Luuk 8:15

Asɔ duuso nɛ a tɔr eshishɛr lela to na du fanɛ basa nɛ baa nu kamalga na nsaa bugi kagbene to a sɔ kumo a bɛ kumo so nɛnɛ a kɔ kumo to kpakpa kanyitiso hale n ya bar tɔnɔ fanɛ kananɛ asɔ duuso bee wora bibi na nna.”

Luuk 8:7

Asɔ duuso na be ako malɛ tɔr ewi to nɛ amo nɛ ewi na daŋ nɛ ewi na pɛ amo.

Ɛfesesebi 2:10

Ŋkpal manɛ so, an la mbe apɔrso nna nɛ e sa anyi kebaawɔtɔ popɔr ashi Kristo Yesu to nseŋ ta anyi n wɔtɔ kelela be asheŋ nɛ mo ere Ebɔrɛ na yili kumo dra dra na kikɛ to fanɛ an ba kaa shuŋ na.

Kɔlɔsiebi 1:10

Loŋ nɛ menyeeŋ baa kɔ kebaawɔtɔ nɛ k daga Enyɛnpe na be basa ka kɔ nɛ men be asheŋ e baa par mo nɛnɛ nɛ men baa wora kelela be yiri kikɛ m baa pin Ebɔrɛ nɛnɛ a ti so.

Kelaraŋŋini 13:9

Ekama nɛ e kɔ asoe e nu.

Kelaraŋŋini 2:11

Ekama nɛ e kɔ asoe e baa nu asɔ nɛ Kiyoyu na bee kaŋɛ asɔriana na. Ekama nɛ e kɔ m pɔɔ so, luwu nyɔsopo na maaŋ doro mo kikɛ.’ ”

Kelaraŋŋini 2:7

Ekama nɛ e kɔ asoe, e baa nu asɔ nɛ Kiyoyu na bee kaŋɛ asɔriana na. Ekama nɛ e kɔ m pɔɔ so, meeŋ sa mo ekpa nɛ e ji ŋkpa be kedibi nɛ k wɔ Ebɔrɛ be kakpa lela nɛ baa tre ndoŋ Paradisi to na be kusɔrso na.’ ”

Kelaraŋŋini 3:13

Ekama nɛ e kɔ asoe, e baa nu asɔ nɛ Kiyoyu na bee kaŋɛ asɔriana na.’ ”

Kelaraŋŋini 3:6

Ekama nɛ e kɔ asoe e baa nu asɔ nɛ Kiyoyu na bee kaŋɛ asɔriana na.’ ”