Luuk 8:48 - EBƆRƐ BE KAWƆL

⁴⁸ Nɛ Yesu kaŋɛ mo: “M pibiche, fo yirda e chɛ fo. Baa yɔ nɛ kagbenewushi.”

Luuk 8:48 ပူးပေါင်းရင်းမြစ်များ

2 Bewura 5:19

Ndoŋ nna nɛ anebi Elaisha kaŋɛ mo le: “Ebɔrɛ e yɛr fo nɛ alenfia.” Nɛ Neeman lar n choŋ. Neeman ka baŋ yɔ anishito gbrɛbɛ,

Ɛksodɔs 4:18

Ndoŋ nna nɛ Mosis bɛta n yɔ mo shanyɛn Jetro kutɔ n ya kaŋɛ mo le: “Jande, sa ma ekpa nɛ m bɛta n yɔ ma basa kutɔ ashi Ijipt n ya keni b kraa wɔ ŋkpa to a.” Nɛ Jetro kaŋɛ Mosis le: “Ebɔrɛ e yɛr fo nɛ alenfia.”

Matiu 12:20

E maaŋ bu kejolobi kɔnto gba to ŋko n duŋ fitila nɛ k maa wu nɛnɛ. Kede e naa ŋini fanɛ e maaŋ pɔ aba kikɛ, hale nɛ kashenteŋ be keji e ya sɔ kejuŋkpar.

Matiu 8:13

Ade kikɛ be kaman nɛ Yesu kaŋɛ Romebi be benapo be enimu na le: “Baa yɔ epe, kusɔ nɛ fo yirda ere beeŋ wora loŋ n sa fo.” Epul na malɛ to nɛ kenya na nya alenfia.

Matiu 9:2

Ndoŋ nna nɛ basa ko sulɔ eyurwusowura ko mbe kekpata so m ba nɛ b ba sa mo. Yesu ka wu yirda nɛ basa nɛ b bar mo na kɔ nɛ e kaŋɛ eyurwusowura na: “Baa kɔ kagbene, m pibinyɛn. N ta fo alubi m paŋ fo.”

Matiu 9:22

Ndoŋ nna nɛ Yesu kilgi n wu mo nseŋ kaŋɛ mo le: “M pibiche, baa kɔ kagbene, fo yirda e chɛ fo na.” Epul na malɛ to nɛ kache na nya alenfia.

Maak 5:34

Nɛ Yesu kaŋɛ mo: “M pibiche, fo yirda e chɛ fo. Baa yɔ nɛ kagbenewushi. Fo nya alenfia.”

Luuk 17:19

Nɛ Yesu kaŋɛ emo nɛ e bɛta m ba na le: “Niŋi to ŋ koso m pɛ fo ekpa a yɔ. Fo yirda e chɛ fo.”

Luuk 18:42

Kumo be kaman nɛ Yesu kaŋɛ mo le: “Naŋ nya fo anishi a wu. Fo yirda e chɛ fo.”

Luuk 7:50

Nɛ Yesu kaŋɛ kache na: “Baa yɔ nɛ kagbenewushi, fo yirda e mɔlga fo.”

Luuk 8:47

Kache na ka wu fanɛ e maaŋ naŋ tiŋ ŋ ŋana nɛ e chicha m ba lar ŋ gbir Yesu be anishito ŋ kaŋɛ mo basa na kikɛ be anishito kusɔ nɛ k ba nɛ e beta mo nɛ kananɛ e nya alenfia epul na to.

Ashuŋ Shunso 14:9

Pɔɔl ka bee bɔ kubɔya na nɛ e wu kananɛ kanyɛn na kaŋ kusoe a nu kamalga na nɛ kananɛ e kɔ yirda a beeŋ tiŋ n nya kechɛ. Nɛ Pɔɔl keni mo diimbi nseŋ malga awɔrso ŋ kaŋɛ: “Niŋi to n teŋ to n yili fo aya so.”

2 Kɔrintebi 6:18

Ma, Enyɛnpetale e naa yɛ menyi na fanɛ meeŋ baa la men tuto nɛ menyi alɛ e baa la ma mbinyɛnsoana nɛ mbichesoana.”

Hibruwebi 4:2

Ŋkpal manɛ so, kananɛ baru lela na daŋ ba anyi to nɛ an nu kumo na gbagba na nɛ bumo alɛ gba daŋ nya kumo. Ama kumo alɛ daa maŋ wora bumo shɛŋ, ŋkpal manɛ so, b ka daŋ nu kumo na, b daa maŋ ta yirda n sɔ kumo.

1 Samuɛl 1:17

Nɛ Eli kaŋɛ le: “Israɛl be Ebɔrɛ na e wora kusɔ kama nɛ fo kule mo ere n sa fo. Ebɔrɛ e yɛr fo nɛ alenfia.”