Luuk 8:47 - EBƆRƐ BE KAWƆL

⁴⁷ Kache na ka wu fanɛ e maaŋ naŋ tiŋ ŋ ŋana nɛ e chicha m ba lar ŋ gbir Yesu be anishito ŋ kaŋɛ mo basa na kikɛ be anishito kusɔ nɛ k ba nɛ e beta mo nɛ kananɛ e nya alenfia epul na to.

Luuk 8:47 ပူးပေါင်းရင်းမြစ်များ

Nshɛ 2:11

Men ta kufu nɛ kechicha chicha a shuŋ Ebɔrɛ, nseŋ shin nɛ men be ŋgbene e fuli.

Nshɛ 38:9

Enyɛnpe Ebɔrɛ, fo nyi ma asheŋ tirso nɛ ma kushuto nɛ mee shuto kikɛ.

Nshɛ 66:16

Menyi nɛ menyee bunyaŋ Enyɛnpe Ebɔrɛ na kikɛ e ba, nɛ ŋ kaŋɛ menyi kusɔ kama nɛ Ebɔrɛ wora n sa ma.

Aizaaya 66:2

Ma e to durnya kikɛ nseŋ shin nɛ kusɔ kikɛ wɔtɔ. Basa nɛ bumo be asheŋ bee par ma nɛ mee keni bumo a bɔlɔ kenishi, e la basa nɛ baa bar bumo be amu kaseto nsaa tuba ashi bumo be alubi to ŋko bumo nɛ baa ŋana ma nsaa wora ma kasonu na.

Hoziya 13:1

Jemanɛ ko Efreim be yiri to ebi na daŋ baŋ malga, Israɛl be eyiri nɛ e ka na daa chicha nna, ŋkpal manɛ so b daa sa bumo bunyaŋ nna. Ama Efreim be yiri to ebi na wora alubi ŋkpal b ka shuŋ Baal be kegbir so nɛ luwu ba bumo so.

Hoziya 5:3

N nyi kananɛ Israɛlebi du nɛnɛ, b maaŋ tiŋ ŋ ŋana ma so kikɛ. B maa ji kashenteŋ a sa ma. Ŋkpal loŋ so b maŋ daga fanɛ b bunyaŋ ma.”

Habakuk 3:16

Ŋ ka nu ade kikɛ be asheŋ nɛ kufu pɛ ma; hale nɛ ma kɔnɔ bee chicha. Ma eyur daŋ yuri ma nna nɛ awo dii ma nɛ n fara a fiti a fiti jijiga. Ama meeŋ ji kanyiti n jo kachɛ nɛ Ebɔrɛ beeŋ gberge efuli nɛ k bee kɔ anyi kena na kusoe.

Matiu 28:8

Ndoŋ nna nɛ beche na nya manaŋ n shi nchaŋ na akpa kufu nɛ kagbenefuliso n shile n yɔ nɛ b ya kaŋɛ bebɛsopo na.

Maak 5:33

Kache na ka pin fanɛ e nya alenfia nɛ e lar a chicha kufuso m ba gbir Yesu be anishito ŋ kaŋɛ mo kusɔ nɛ k wora na kikɛ.

Luuk 8:46

Nɛ Yesu kaŋɛ: “Esa ko beta ma, ŋkpal manɛ so, m pin eleŋ ka lar ma to kumo be jemanɛ na.”

Luuk 8:48

Nɛ Yesu kaŋɛ mo: “M pibiche, fo yirda e chɛ fo. Baa yɔ nɛ kagbenewushi.”

Ashuŋ Shunso 16:29

Nɛ kabutikenipo na shin nɛ b sa mo fitila nɛ e jɔ to n luri ŋ gbir Pɔɔl nɛ Sailas be anishito a chicha.

1 Kɔrintebi 2:3

Ma alɛ ka daŋ ba menyi kutɔ na, ma nɛ kapɔshi nɛ kufu nɛ kechicha damta e daŋ ba.

2 Kɔrintebi 7:15

Mo gbagba malɛ be kasha nɛ e kɔ a sa menyi baa ti so nna ŋkpal kananɛ e bee nyiŋi menyi kikɛ be kasonu so nɛ kananɛ men daŋ ta kufu nɛ kechicha chicha n sɔ mo na so.

Filipaiebi 2:12

Amoso, n teri shasoana, men baa kraa nu a sa ma fanɛ kananɛ men chɛr a wora na, mannɛ fanɛ saŋɛ nɛ n wɔ menyi kutɔ nawule, ama saŋɛ nɛ m maŋ wɔ menyi kutɔ gba a chɔ ŋ ka wɔ men kutɔ. Men baa ta kagbene ŋana asheŋ ŋ kraa kɔ a fin men be kumɔlga kikɛ be kenya.

Hibruwebi 12:28

Amoso, men shin nɛ an baa chɔrɔ Ebɔrɛ ŋkpal an ka beeŋ nya kuwura mo nɛ k maaŋ tiŋ ŋ gbuŋgbuŋ to na n luri to so. Men shin nɛ an baa bɔla ekpa mo nɛ k bee par Ebɔrɛ so a ta kabɔrɛŋana nɛ kufu a bunyaŋ mo.

1 Samuɛl 16:4

Ndoŋ nna nɛ Samuɛl wora kusɔ nɛ Enyɛnpe Ebɔrɛ kaŋɛ fanɛ e wora na nseŋ yɔ Bɛtlɛhɛm, nɛ ndoŋ be benimuana na ba mo kutɔ m ba kaa chicha kufuso, nseŋ bishi le: “Kagbenewushi so nɛ fo ba ere a?”