Luuk 8:44 - EBƆRƐ BE KAWƆL

⁴⁴ Ndoŋ nna nɛ e choŋ Yesu be kaman m beta mbe kusɔbuuso be kɔnɔ so nɛ ŋklaŋ na ku epul na to.

Luuk 8:44 ပူးပေါင်းရင်းမြစ်များ

Ɛksodɔs 15:26

nseŋ ŋini bumo ŋ kaŋɛ le: “Men baŋ bugi asoe nɛnɛ n nu ma, men Nyɛnpe Ebɔrɛ na be ebɔl nseŋ wora kusɔ nɛ k niŋi ashi ma anishito, nseŋ bɛ ma mbraana so bre, menyeeŋ baa kɔ eleŋ. Ma alɛ maaŋ ta alɔ wurbi be aleblawu nɛ n daŋ ta n lɛ ljiptebi so na n lɛ menyi so.”

Malakai 4:2

Ama menyi bekama nɛ men yirda ma na bre, ma kumɔlga na beeŋ ba menyi so fanɛ kananɛ epeŋi bee nyaŋɛ a sa basa alenfia na. Menyeeŋ nya men be amu nɛ men be ŋgbene malɛ e fuli menyi fanɛ b ka fiŋi kuluu nɛ anabi lar a tɛto a yɔ keji to na.

Matiu 20:34

Ndoŋ nna nɛ Yesu wu bumo kuwɔr nseŋ beta m beta bumo be anishi. Epul na to nɛ b nya bumo be anishi a wu nseŋ fara a bɛ mo so.

Matiu 8:3

Ndoŋ nna nɛ Yesu teŋi mbe enɔ to m beta mo nseŋ kaŋɛ mo: “Mm, k par ma. Keboti lar mo to!” Epul na to nɛ keboti na lar mo to nɛ e nyalɛ so.

Matiu 9:20

Kache ko malɛ daa wɔtɔ a shil ŋklaŋ kenishipereso nfɛ kuduanyɔ. E ka wu Yesu nɛ e choŋ mbe kamanto m beta mbe kusɔbuuso be kɔnɔ so.

Maak 6:56

Kaplɛkama malɛ nɛ Yesu daŋ yɔ, ndewurbi to ŋko ndegboŋ to ŋko ndɔana to, basa daa ta bumo be belɔpo nna a lar kowu a kule mo fanɛ e baŋ wora ania n shin nɛ belɔpo na e nya mbe kusɔbuuso be kɔnɔ so gba m beta. Bekama malɛ kikɛ nɛ b beta kumo nya alenfia.

Luuk 13:13

Ndoŋ nna nɛ e ta mbe enɔana n deŋi mo so nɛ e niŋi to epul na to nseŋ di Ebɔrɛ epaŋ.

Luuk 7:38

m ba kaa yil Yesu be aya ase a shu anishichubi a wurge Yesu be aya so. Kumo be kaman nɛ e gbir n ta mbe emin m melti anishichubi na nseŋ pipe Yesu be aya na bunyanso nseŋ chulgi tulale lelabi na n wurge mbe aya na so.

Luuk 8:43

Kache ko malɛ daa wɔ bumo to a shil ŋklaŋ nfɛ kuduanyɔ n tɔrɔ mbe kumu adurwuraana damtaana be enɔ to n jija mbe amansherbi kikɛ a fin kechɛ mbe kumu, ama bumo be ekama daa maŋ tiŋ n chɛ mo.

Luuk 8:45

Nɛ Yesu bishi: “Esa mo e beta ma?” Nɛ ekama kaŋɛ fanɛ e maŋ beta mo nɛ Pita kaŋɛ: “Enyɛnpe, fo alɛ gba wu kananɛ basa buu fo so a ŋin abar gbergber le.”

Baru lela nɛ Jɔn kute na 5:13

Kanyɛn nɛ e daŋ nya alenfia na daa maŋ nyi amodoŋwura, ŋkpal manɛ so, jimaŋ damta ko e daa wɔ ndoŋ nɛ Yesu daŋ lar bumo to n choŋ.

Ashuŋ Shunso 19:12

B daa ta Pɔɔl be antikiana nɛ mbe kushuŋ to be asɔbuuso gba nna n ya kaa sa belɔpo nɛ a bee shin nɛ basa na be alɔ nɛ ayoyu lubiana malɛ gba bee lar bumo to.

Ashuŋ Shunso 5:15

Ŋkpal kusɔ nɛ beshuŋipo na daa wora na so, basa daa sulɔ belɔpo nna a lar abɔrbiana so n ya kaa nase egedo nɛ ekelaŋ so nɛ Pita e ba kaa choŋ nɛ mbe kiyoyul nawule gba e baŋ tɔr bumo be beko so.

Ditɛronɔmi 22:12

Men baa ba ajolobi a chuge menyi be asɔbuuso be nnɔkar ana na kikɛ so.