Luuk 8:43 - EBƆRƐ BE KAWƆL

⁴³ Kache ko malɛ daa wɔ bumo to a shil ŋklaŋ nfɛ kuduanyɔ n tɔrɔ mbe kumu adurwuraana damtaana be enɔ to n jija mbe amansherbi kikɛ a fin kechɛ mbe kumu, ama bumo be ekama daa maŋ tiŋ n chɛ mo.

Luuk 8:43 ပူးပေါင်းရင်းမြစ်များ

2 Kronikɛls 16:12

Asa ka ji kuwura be kafɛ adesa nɛ akpanusopo to nɛ kulɔ lubi ko pɛ mbe aya nɛ e ki bobi; ŋkeshin nɛ amo nɛ amo kikɛ e daa maŋ fin kechɛto ashi Enyɛnpe Ebɔrɛ kutɔ. Edɔkta kutɔ nɛ e daŋ ya kaa fin kechɛto.

Job be kawɔl 13:4

Efɛ nawule nɛ menyi ere bee ku a deŋi ma. Men du fanɛ bechɛpo nɛ b maŋ nyi shɛŋ nna.

Nshɛ 108:12

Chɛ anyi to nɛ an kɔ m pɔɔ an doŋana so! Ŋkpal manɛ so, esa kikɛ maaŋ tiŋ ŋ kɔ m mɔlga anyi, nɛ mannɛ fo!

Aizaaya 2:22

Men yige kebaata yirda a wɔtɔ dimɛdi be eleŋ to. Dimɛdi kikɛ beeŋ wu. Amoso dimɛdi maaŋ tiŋ n chɛ menyi to?

Maak 12:44

Ŋkpal manɛ so, bekama nɛ b wɔtɔ na kikɛ lara bumo be kedama to be gbrɛgbrɛ nna m ba wɔtɔ, ama mo ere etirpo, ta kusɔ nɛ e kɔ kikɛ nna n wɔtɔ. E wɔtɔ mbe kusɔ jiso kikɛ.”

Maak 9:18

Saŋkama nɛ kiyoyu lubi na baŋ ya koso mo so, e bee lɛ mo kasawule nna, nɛ apɔpɔ e baa lar mbe kɔnɔ to, nɛ e baa we anyi to, nɛ mbe eyur kikɛ e ki keŋkreŋ. Ŋ kule fo bebɛsopo na fanɛ b ju kiyoyu lubi na mo to, ama b maŋ tiŋ.”

Luuk 13:11

Mbuibi lubi na daŋ nyɔŋ mo nna m murgi nfɛ kuduaburwa nɛ e maa tiŋ a niŋi to kikɛ.

Luuk 13:16

Nɛ keni kananɛ Setani nyɔŋ kache ere to, Eebraham mo nanabi, nfɛ kuduaburwa kikɛ! Le be esa maŋ daga b ka suge mo ashi Setani be enɔ to kewushiachɛ a?”

Luuk 8:27

Yesu ka baŋ lar ekuloŋ na to a dii kedeŋi so nɛ kade na to be kanyɛn ko nɛ mbuibi lubi daŋ tɔr mo so na ba tu mo. Amo be kanyɛn daŋ delge so nna a na, e daa maa chena laŋ to kikɛ. Abeelaŋ nɛ baa puli bubuni na akpa nɛ e daa wɔ saŋkama.

Luuk 8:42

ŋkpal mo pibichesobi koŋwule ka daa shin nɛ e wu so. Kebia na daa la nfɛ kuduanyɔ nna. Yesu ka daa yɔ kanyɛn na pe nɛ basa damta buu mo so.

Luuk 8:44

Ndoŋ nna nɛ e choŋ Yesu be kaman m beta mbe kusɔbuuso be kɔnɔ so nɛ ŋklaŋ na ku epul na to.

Baru lela nɛ Jɔn kute na 9:1

Yesu ka na a choŋ nɛ e wu kanyɛn ko b ka kurge mo tanpo.

Baru lela nɛ Jɔn kute na 9:21

ama kananɛ e wora a wu naniere ŋko esa nɛ e chɛ mo bre, an maŋ nyi. Men bishi mo gbagba nɛ e kaŋɛ menyi, ŋkpal manɛ so, mannɛ kebia e la mo.”

Ashuŋ Shunso 3:2

nɛ kanyɛn ko nɛ e daa la bobi mbe kakurgeachɛ kikɛ na wɔ bɔrɛlambu na be kabuna nɛ b daa tre Kabuna Lela na akpa. Kachɛ kama b daa sulɔ mo nna a ba kabuna na akpa nɛ e ba kaa kule basa nɛ b daa luri bɔrɛlambu na to na amansherbi.

Ashuŋ Shunso 4:22

Kanyɛn nɛ le be mamachisheŋ daŋ chɛ na daa chɔ nfɛ adena.