Luuk 8:32 - EBƆRƐ BE KAWƆL

³² Jemanɛ na so nɛ epreku damta ko daŋ taga to ndoŋ a ji kebeebi ko ase. Nɛ ayoyu lubi na kule Yesu fanɛ e shin nɛ b ya luri epreku na to, nɛ e sa bumo ekpa.

Luuk 8:32 ပူးပေါင်းရင်းမြစ်များ

1 Bewura 22:22

Nɛ Enyɛnpe Ebɔrɛ bishi mo le: ‘Ekpa mo so nɛ feeŋ bɔla n shin nɛ e yɔ?’ Nɛ kiyoyu na kaŋɛ: ‘Meeŋ ya shin nɛ Ahab be anebiana kikɛ e fule mo.’ ” Nɛ Enyɛnpe Ebɔrɛ na kaŋɛ: “Ya wora loŋ. Feeŋ pɔɔ so.”

Job be kawɔl 1:10

Jemanɛ kikɛ fee kuŋ mo nɛ mbe kanaŋ nɛ kusɔ kama nɛ e kɔ nna nseŋ naa shin nɛ kusɔ kama nɛ e bee wora bee nyalɛ a sa mo, hale nɛ mbe mbolpɔ nɛ ana salga to n sɔ kaplɛkama.

Job be kawɔl 1:12

Ndoŋ nna nɛ Enyɛnpe Ebɔrɛ na kaŋɛ Setani le: “Yoo, n ta kusɔ kama nɛ e kɔ m bɔɔ fo enɔ, ama sa maŋ kaŋ doro Job gbagba bre.” Nɛ Setani lar Enyɛnpe Ebɔrɛ kutɔ n choŋ.

Job be kawɔl 2:6

Ndoŋ nna nɛ Enyɛnpe Ebɔrɛ malɛ naŋ kaŋɛ le: “To, n nu! Feeŋ tiŋ n shin nɛ kayurnyaŋ e tɔr Job so nɛ e ji awurfoŋ kananɛ fee sha, ama sa maŋ kaŋ mɔ mo bre!”

Nshɛ 62:11

Kusɔ koŋwule nɛ Ebɔrɛ malga, ama asɔ anyɔ nɛ n nu. Amo e la fanɛ, fo Enyɛnpe Ebɔrɛ na kɔ eleŋ

Aizaaya 65:4

Kanyɛso malɛ baa yɔ nchaŋ ase nna n ya kaa bishi so a fin abuniyoyu be kechɛto. Bumo alɛ naa we epreku be eblaŋ nna nsaa fe asɔbɔya nɛ b ta n lara esarga n sa agbir be epochu.”

Aizaaya 66:3

Basa kikɛ bee wora bumo be aparsheŋ nna nsaa wɔtɔ a wora mbushusheŋ kananɛ baa sha. Ŋkpal loŋ so, esa kama nɛ e ta gbolu n lara sarga n sa ma nɛ esa nɛ e mɔ esa kikɛ la kukoŋwule nna; nɛ emo nɛ e ta kpakpafɔlbi n lara sarga malɛ nɛ esa nɛ e kii jɔnɔ be kubɔ to m mɔ gba la kukoŋwule nna. Bekama malɛ nɛ baa ta ayu a lara esarga a sa ma nɛ basa nɛ baa ta epreku be ŋklaŋ a lara esarga kikɛ la kukoŋwule nna ashi ma anishito. Esa nɛ e bee chɔɔ duwu a lara sarga a sa ma nɛ emo nɛ e bee shuŋ agbir kikɛ la kukoŋwule nna.

Levitikɔs 11:7

Men sa maŋ kaa ji epreku. A la asɔbɔya nɛ e maŋ walɛ nsaa maŋ daga keji nna, ŋkpal manɛ so, amo be alotobi barga to ama amo alɛ maa gbu apla.

Matiu 7:6

Men sa maa ta kusɔ cheembi a sa njɔnɔ. Menyi alɛ e sa maŋ naa ta menyi be eyawu kpakpaso be ashembi a lɛ a sa epreku, ŋkpal manɛ so, epreku na beeŋ chichi amo so nɛ njɔnɔ na malɛ e kilgi n diewu n wora menyi.”

Luuk 8:31

Nɛ ayoyu lubi na kule Yesu fanɛ e sa maŋ shin nɛ b yɔ kemaŋ nɛ k maŋ kɔ ekar na to.

Luuk 8:33

Nɛ b lar kanyɛn na to n ya luri epreku na to nɛ epreku na kikɛ shile m bɔla kebeebi na be kaseto n ya luri kepagboŋ na to m mur.

Baru lela nɛ Jɔn kute na 19:11

Nɛ Yesu kaŋɛ mo le: “Nɛ Ebɔrɛ daa maŋ sa fo eleŋ ma so nna, fo daa maaŋ baa kɔ eleŋ ma so. Esa nɛ e ta ma m bɔɔ fo enɔ ere malɛ be kulubi e shi a chɔ feya.”

1 Jɔn 4:4

Ama menyi ere, ma mbi shasoana, men la Ebɔrɛ be basa nna m pɔɔ loŋ be anebi fɛpoana so, ŋkpal manɛ so, esa nɛ e wɔ menyi to na e chɔ emo nɛ e wɔ durnya ere to na.

Kelaraŋŋini 20:7

Nfɛ kagboŋ na be kaman, baaŋ saŋɛ Setani ashi mbe kabuti to.