Luuk 8:18 - EBƆRƐ BE KAWƆL

¹⁸ Amoso, men baa da so kananɛ menyeeŋ nu asheŋ so, ŋkpal manɛ so, ekama nɛ e kɔ beeŋ nya n ti so, ama ekama nɛ e maŋ kɔ shɛŋ na gba, baaŋ sɔ gbrɛ nɛ e bee tama fanɛ e kɔ na gba mo kutɔ.”

Luuk 8:18 ပူးပေါင်းရင်းမြစ်များ

Aŋasa 14:12

Kebaawɔtɔ ko bee kaa duli kebaawɔtɔ lela nna, ama kumo be lalaloge bee yɛr esa luwu to nna.

Matiu 13:12

Ŋkpal manɛ so, ekama nɛ e kɔ beeŋ naŋ nya ga n ti so, ama ekama nɛ e maŋ kɔ, gbrɛ nɛ e kɔ na gba, baaŋ sɔ amo mo kutɔ.

Matiu 25:29

Ŋkpal manɛ so, ekama nɛ e kɔ beeŋ naŋ nya ga n ti so, ama ekama nɛ e maŋ kɔ, gbrɛ nɛ e kɔ na gba baaŋ sɔ mo kutɔ.

Maak 13:14

Men baŋ ya wu edɔsopogboŋ nɛ e bee shin nɛ kemur bee ba na ka yil kakpa nɛ k maŋ daga na, fo nɛ fee kraŋ fo pin kesheŋ ere be kifito! Men baŋ ya wu loŋ be asheŋ, men shin nɛ bumo nɛ b wɔ Judiya be efuli so na e shile n yɔ abee ase.

Luuk 19:26

Nɛ enyɛnpe na kaŋɛ: ‘Ma e kaŋɛ menyi na fanɛ ekama nɛ e kɔ beeŋ naŋ nya n ti so nɛ ekama nɛ e maŋ kɔ, gbrɛ nɛ e kɔ na gba, baaŋ sɔ kumo mo kutɔ.’

Luuk 9:44

Asheŋ nɛ Yesu daŋ wora na kikɛ daŋ kraa chinchiŋ basa na nna nɛ Yesu kaŋɛ mbe bebɛsopo: “Men sa maŋ kaŋ teŋ kusɔ nɛ mee shin nɛ ŋ kaŋɛ menyi ere so. Baaŋ ta ma, Nyiŋgbasa Pibinyɛn m bɔɔ basa enɔ.”

Baru lela nɛ Jɔn kute na 15:2

Keyabi kama nɛ k chɔɔ ma so ŋkaa maa sɔr shɛŋ, e bee ku kumo nna a lɛ nɛ keyabi kama malɛ nɛ k bee sɔr e bee lɔŋɛ kumo so nna nɛ k tiŋ n sɔr ga n ti so.

Ashuŋ Shunso 10:33

Kumo so nɛ n shuŋi epul na to fanɛ b ya tre fo nɛ fo alɛ shuli m ba na. Ebɔrɛ malɛ be anishito nɛ anyi kikɛ tase nfe a jo kusɔ kama nɛ Enyɛnpe na kɔ a sha nɛ fo kaŋɛ anyi na.”

Ashuŋ Shunso 17:11

Ndoŋebi bre daŋ bugi bumo be asoe a sha kenu kubɔya na ga nsaa koya abɔrɛsibɛ na kachɛ kama a keni ŋko Pɔɔl be mmalga na bɔla ekpa a.

Romebi 12:3

Ŋkpal Ebɔrɛ be kuwɔr be kakɛ nɛ e sa ma so, mee kaŋɛ menyi be ekama nna fanɛ e sa maa maŋ mbe kumu so a chɔ kananɛ e baa du. Ama men baa fɛ bebɔlpo be nfɛra a sa menyi be amu a kɔ loŋ be nfɛra na a yuu kananɛ yirda nɛ Ebɔrɛ sa ekama na sa so.

1 Kɔrintebi 14:37

Ekama nɛ e bee fɛ fanɛ abɔrɛsheŋ be ewuŋkaŋɛpo e la mo ŋko fanɛ e la kiyoyu to be esa nna e baa nyi fanɛ kusɔ nɛ mee sibɛ a sa menyi ere la kamalga naseso mo nɛ k shi Enyɛnpe kutɔ nna.

1 Kɔrintebi 3:18

Ekama e sa maŋ kaa fule mbe kumu, menyi to be ekama nɛ e bee fɛ mbe kumu to fanɛ e la enyiashempo nna durnya ere be kaplɛa so, e ki ewulpo, saŋɛ na so e beeŋ ki enyiashempo.

1 Kɔrintebi 8:2

Esa baa fɛ fanɛ e nyi kusɔ ko, kumo ere e maŋ naŋ pin kusɔ na to fanɛ kananɛ k daga fanɛ e baa nyi kumo.

Filipaiebi 3:4

Kashenteŋto, ma ere gbagba kɔ ekpa nɛ n tiŋ n ta ma yirda n wɔtɔ eyur ere be asheŋ to. Ŋkpal manɛ so, nɛ esa kama nɛ e bee fɛ fanɛ e kɔ ekpa nɛ e tiŋ ŋkpal kumo so n ta mbe yirda n wɔtɔ eyur ere be asheŋ to, meya chɔ amodoŋwura peya.

Hibruwebi 2:1

Amoso, a daga fanɛ an ka bugi asoe to nɛnɛ n nu asɔ, nɛ an nu na, saŋɛ na so, an maaŋ firgi n foe ekpa n choŋ.