Luuk 8:13 - EBƆRƐ BE KAWƆL

¹³ Asɔ duuso nɛ a tɔr kejasawule so na du fanɛ basa nɛ baa nu kamalga na nsaa sɔ kumo nɛ kagbenefuli na nna. Ama k maa luri bumo to nɛnɛ, amoso, b maa yirda a yɔ kufɔ. Kechɔŋkeni be jemanɛ baŋ ya fo nɛ b bɛ so ŋ gben.

Luuk 8:13 ပူးပေါင်းရင်းမြစ်များ

Job be kawɔl 19:28

N teriana, menyi ere bee fɛ ekpa nɛ menyeeŋ bɔla so n wu ma kulubi nseŋ mɛaŋ ma nna, a kaŋɛ fanɛ ma e ta ma kumu n wɔtɔ asheŋ to.

Aŋasa 12:12

Belubiworapo bee kɔ nna a fin alubi be kewora, ama basa cheembi bre mur achin nna n yili fanɛ ndibi, a maa gbuŋgbuŋ to kikɛ.

Aŋasa 12:3

Kumu kpakpaso be asheŋ woraso maa kuŋ esa, ama kecheembiya bre bee shin nɛ esa bee yili to kiŋkiŋ nna.

Aizaaya 58:2

Baa shuŋ ma karechɛ kikɛ nna a ŋini fanɛ b pere kenishi a sha kepin ma ekpa nseŋ wora ma mbraana kasonu fanɛ efuli nɛ k bee wora kusɔ nɛ k daga. B yɛ n sa bumo mbraana nɛ a maa kpɛa basa to nseŋ naa leŋ bumo to a kaŋɛ fanɛ bumo kebaashuŋ ma na bee wora bumo ebel nna.”

Ezikɛl 33:32

Kashenteŋto, bumo ere kutɔ fo la esa nɛ e kɔ ebɔl belbel so nna a laŋ jaŋjilaŋ nsaa boŋ kasha be nshɛ a deŋi bumo anishito. Baa nu asheŋ nɛ fee malga na kikɛ ama bumo alɛ maaŋ wora amo to be kukoŋwule gba.

Hoziya 6:4

Ama le nɛ Enyɛnpe Ebɔrɛ daŋ kaŋɛ: “Israɛlebi nɛ Judaebi, nuso bre nɛ men yɛ n naŋ wora menyi? Kasha nɛ men kɔ n sa ma na lar men to manaŋ manaŋ nna fanɛ kananɛ kachipurso be bunyaŋ ŋko kunyɔɔ nɛ k bee tɔr kachipurso nsaa kpata to manaŋ manaŋ na nna.

Maak 6:20

Hɛrɔd daa nyi Jɔn ka daa la esa lela nɛ esa cheembi, amoso, e daa de mo so nna nɛnɛ. E daa sha kebaanu mbe mmalga, ama saŋkama nɛ e nu amo, a bee jija mbe kagbene to nna.

Luuk 8:12

Amo nɛ a tɔr ekpa to na du fanɛ basa nɛ baa nu Ebɔrɛ be kamalga nɛ Setani e ba epul na to m ba lara kamalga na ashi bumo be ŋgbene to nɛ b sa maŋ kaŋ yirda n nya kumɔlga na nna.

Luuk 8:14

Asɔ duuso nɛ a tɔr ewi to na malɛ du fanɛ basa nɛ baa nu kamalga na nseŋ fara a bɛ so nna. Ama durnya ere to be kafɔŋ nɛ kumo be amansherbisheŋ nɛ kebaawɔtɔ be asɔ belbelso baŋ luri m bɔlɔ bumo to nɛ b bɛ so ŋ gben.

Baru lela nɛ Jɔn kute na 15:2

Keyabi kama nɛ k chɔɔ ma so ŋkaa maa sɔr shɛŋ, e bee ku kumo nna a lɛ nɛ keyabi kama malɛ nɛ k bee sɔr e bee lɔŋɛ kumo so nna nɛ k tiŋ n sɔr ga n ti so.

Baru lela nɛ Jɔn kute na 15:6

Esa kama nɛ e maŋ wɔ ma to du fanɛ kedibi be keyabi nɛ b ku ashi kedibi gbagba so nna n lɛ nɛ k bee wɔl na nna. Ayabi mo nɛ a du loŋ malɛ, baa muu amo nna n wɔtɔ edɛ to nɛ a chɔɔ.

Baru lela nɛ Jɔn kute na 5:35

Jɔn daa du fanɛ fitila nɛ k chɔɔ so nna a sa basa kefulto nɛ men daŋ shuli n wu kefulto na be ebel gbrɛbi.

1 Kɔrintebi 13:2

Hale nɛ m baa kɔ abɔrɛsheŋ be kewuŋkaŋɛ be kakɛ nsaa tiŋ a pin ewulosheŋ kikɛ nɛ kanyiasheŋ kikɛ to nsaa kɔ yirda kikɛ ma to a tiŋ a tia abee ŋkaa maa kɔ kasha bre, m maŋ la shɛŋ.

1 Kɔrintebi 15:2

Baru lela na so nɛ menyee nya kumɔlga, nɛ men baa kɔ kumo to kpakpa nna na, ama men daŋ yirda jiga nna.

Galeeshaebi 3:1

Ama menyi Galeeshaebi paŋ nfɛra pasaa! Wanɛ e wora menyi bre? To, men be anishito gbagba nɛ b bugi Yesu Kristo be kewu kedibi largato na so na be asheŋ n sa menyi. To nɛ mannɛ nna?

Galeeshaebi 3:4

Asheŋ nɛ men be kenishi wu na kikɛ ki jiga nna ere ŋko? Cha, mannɛ fanɛ k ka la kusɔ jiga nna bre.

Ɛfesesebi 3:17

nɛ Kristo e tiŋ m bɔla men be yirda so a wɔ men be ŋgbeneana to. Ma alɛ nseŋ naa kule mo fanɛ e shin nɛ men tɔl to m pɛ kasha to a yil kpakpa fanɛ nliŋi na.

Kɔlɔsiebi 1:23

Kananɛ Yesu Kristo beeŋ yɛr menyi Ebɔrɛ kutɔ nna na, nɛ men baŋ yirda baru lela na a maa chɛrga men be ŋgbene nsaa tama asɔ nɛ men nu baru lela na to nna na. Baru lela na nɛ baa malga a sa basa kama nɛ ma Pɔɔl gba ki kumo be emalgapo na.

Kɔlɔsiebi 2:7

a yil fanɛ kananɛ nliŋi bee pɛ ndibi to a yil na ŋ kraa pin mbe asheŋ a ti so m baa yirda kashenteŋ na kikɛ nyam, fanɛ kananɛ b ŋini menyi na nɛ men baa wɔtɔ a chɔrɔ Ebɔrɛ.

1 Tɛsalɔnikaebi 3:5

Amoso, nɛ m ba gben n shuŋi Timoti nɛ e ya keni ŋko men kraa kɔ men be yirda na to ŋko Setani chɔ menyi ŋ keni n shin nɛ an be kushuŋ ki kushuŋ fuloŋ a.

1 Timoti 1:19

Basa ko bre kplaŋ le be akɔsɔ ere so nseŋ foe yirda be ekpa na so cheche.

Hibruwebi 10:39

Ama anyi maŋ la basa nɛ baa bɛta kaman a mur na nna, an la basa nɛ baa yirda nna a nya kumɔlga.

Jeems 2:26

To, ade kikɛ e naa ŋini fanɛ yirda nɛ k maŋ kɔ ashuŋ shunso du jiga nna fanɛ esa be kiyoyu ka lar mo to nɛ e ki ebuni a dese na nna.

2 Pita 2:20

Bekama nɛ b daŋ pin an Nyɛnpe nɛ an be Emɔlgapo Yesu Kristo na pɔɛŋ ŋkeŋ nya n lar durnya ere to be kebaawɔtɔ bɛso ere be aworbi to, kumo be kaman nɛ loŋ be asheŋ na naŋ pɛ bumo m pɔɔ bumo so, loŋ be basa be kebaawɔtɔ naa lubi nna ga a chɔ bumo be faraŋko be kebaawɔtɔ na.

2 Pita 2:22

Bumo be loŋ be kebaawɔtɔ na e naa ŋini aŋasa mo nɛ a bee kaŋɛ le na ka la kashenteŋ, a yɛ: “Jɔnɔ ka naa bɛta a yɔ kumo be ekwiɛ to,” ŋko: “B ka bɛr preku nɛ k naa bɛta n ya kaa milti depɔ to.”

1 Jɔn 2:19

Le be basa ere daŋ shi anyi be katuŋ to nna, ama kashenteŋto, b daa maŋ la anyi to be basa, amoso nɛ b lar anyi to n yɔ na. Nɛ b daa la anyi to be basa nna b daa maaŋ lar. Ama bumo be kelar anyi to na e naa ŋini fanɛ mannɛ bumo be ekama e la anyi to be eko.

Juud 1:12

Nɛ le be basa ere baŋ tu menyi n chena kakpa nɛ asɔriebi bee shɛr a ji a ŋini abar kasha, k du fanɛ asɔ lubi ka do kusɔ fuful so nna. Baa paŋ anishinyɔr nna a tase a ji a nuu a keni bumo nawule be amu so. B du fanɛ bɔrɛ ka mɔl nna nɛ afu ta awɔlpa na n choŋ nɛ bɔrɛ na gboŋi na nna. K maŋ kɔ tɔnɔ kikɛ kuraa. B naa du fanɛ ndibi sɔrso mo nɛ a maŋ kɔ asɔrso amo be kesɔr be saŋɛ na nna, amoso, b du fanɛ ndibi mo nɛ a wu nɛ b tia amo nna nɛ k ki fanɛ a wu nna na kuraa.