Luuk 7:7 - EBƆRƐ BE KAWƆL

⁷ ma alɛ maa ta ma kumu fanɛ esagboŋ nɛ e beeŋ tiŋ m ba fo kutɔ. Amoso, baŋ malga kamalga koŋwule fanɛ fo chɛ ma kenya na, nɛ e nya eleŋ.

Luuk 7:7 ပူးပေါင်းရင်းမြစ်များ

Nshɛ 107:20

Mo gbagba be kamalga be eleŋ to nɛ e daŋ bɔla so n chɛ menyi to, m mɔlga menyi ashi kemur to.

Nshɛ 33:9

Mo e malga nɛ durnya fara. Mo e kaŋɛ nɛ kusɔ kama ba.

Ɛksodɔs 15:26

nseŋ ŋini bumo ŋ kaŋɛ le: “Men baŋ bugi asoe nɛnɛ n nu ma, men Nyɛnpe Ebɔrɛ na be ebɔl nseŋ wora kusɔ nɛ k niŋi ashi ma anishito, nseŋ bɛ ma mbraana so bre, menyeeŋ baa kɔ eleŋ. Ma alɛ maaŋ ta alɔ wurbi be aleblawu nɛ n daŋ ta n lɛ ljiptebi so na n lɛ menyi so.”

Maak 1:27

K daŋ chinchiŋ basa na kikɛ ga nɛ b fara a bishi abar: “Manɛ malɛ nde? Keŋini pɔtɛ ko nna a? Kanyɛn ere bre kɔ eleŋ hale a tiŋ a ponte ayoyu lubi so fanɛ b lar esa to nɛ baa nu mbe kɔnɔ.”

Luuk 4:36

K daŋ chinchiŋ basa na kikɛ ga nɛ b fara a bishi abar: “Nuso malɛ be keŋini nde? Ŋkpal manɛ so, kanyɛn ere bre kɔ ekpa nɛ eleŋ a ponte ayoyu lubi so fanɛ b lar esa to nɛ baa lar.”

Luuk 5:13

Nɛ Yesu teŋi enɔ to m beta mo nseŋ kaŋɛ: “Mm, k par ma. Keboti lar mo to.” Epul na to nɛ keboti na lar kanyɛn na to.

Luuk 7:6

Ndoŋ nna nɛ Yesu tu bumo n yɔ. E ka ya kaa taga to benapo be enimu na be kowu nɛ benapo be enimu na shuŋi mo teriana fanɛ b ya kaŋɛ Yesu le: “Enyɛnpe, sa maŋ tɔrɔ fo kumu m ba ma pe, ŋkpal manɛ so, m maŋ fo keshin nɛ fo ba ma pe,

Luuk 7:8

Ma alɛ gba la benimu ko be kebia nna nseŋ naa la benapo ko malɛ be enimu a keni bumo so. Benapo nɛ mee keni so na be ekama nɛ m baŋ kaŋɛ: ‘Kuti, yɔ ndoŋ ere’, e bee yɔ nna. Ekama malɛ nɛ m baŋ kaŋɛ: ‘Ba’, e bee ba nna nɛ ma alɛ naŋ kaŋɛ ma kenya: ‘Wora le’, e bee wora kumo nna.”

Ditɛronɔmi 32:39

N nawule kpeŋ e la Ebɔrɛ. Ebɔrɛ kikɛ maŋ naa wɔtɔ n ti ma so. Ma e naa shin nɛ luwu bee ba, ma koŋwule na e naa sa ŋkpa. Ma e naa bar doro, ma alɛ e naa chɛ edoro. Esa maaŋ tiŋ ŋ kuŋ kusɔ kama nɛ mee wora akpa.

1 Samuɛl 2:6

Fo Enyɛnpe Ebɔrɛ na e naa sa basa ŋkpa, nseŋ naa tiŋ a sɔ kumo; fo e naa shin nɛ basa bee yɔ nchaŋ to nseŋ naa tiŋ a bɛta bumo a ba ŋkpa to.