Luuk 7:42 - EBƆRƐ BE KAWƆL

⁴² Bumo be ekama daa maŋ tiŋ ŋ ka nɛ e yige amo m paŋ bumo. To, basa anyɔ ere to be emo e naaŋ baa sha amansherbipampo na ga?”

Luuk 7:42 ပူးပေါင်းရင်းမြစ်များ

2 Samuɛl 14:13

Nɛ kache na kaŋɛ mo le: “Manɛ nna nɛ fo wora kulubi ŋ gbiti Ebɔrɛ be basa? Fo ju fo pibinyɛn gbagba ashi efuli ere so, ama ŋkpal fo ka ji n chɛ ma to ere so, fo alɛ gba e wora kusɔ ko a laŋɛ fo kebia na be kaplɛa so.

Nshɛ 103:3

Enyɛnpe Ebɔrɛ na e naa ta anyi be alubi a paŋ anyi. Mo alɛ e naa chɛ anyi be alɔana kikɛ,

Aizaaya 43:25

Ma, e naa ta menyi be alubi a paŋ menyi, ŋkpal esa nɛ e la ma so. Ma alɛ maŋ naa nyiŋi alubi nɛ men wora ŋ gbiti ma na.

Aizaaya 44:22

Ma e fuge menyi be alubi fanɛ afu ka ber kuwɔlpa n ya lɛ na nna. Men bɛta m ba ma kutɔ. Ma e la esa nɛ e bee mɔlga menyi.”

Matiu 18:27

Nɛ kayɛrbi na wura wu mo kuwɔr nseŋ ta kukɔ na kikɛ m paŋ mo nseŋ shin nɛ e yɔ.

Matiu 18:34

Ndoŋ nna nɛ agbo pɛ enyɛnpe na ga nɛ e ta mo m bɔɔ kabutipoana na enɔ nɛ e baa wɔ ndoŋ n ya fo saŋɛ nɛ e beeŋ tiŋ ŋ ka kukɔ na kikɛ nyam.”

Matiu 6:12

nseŋ ta anyi be alubi m paŋ anyi fanɛ kananɛ anyi alɛ gba ta m paŋ bumo nɛ b wora n da anyi so na.

Luuk 7:43

Nɛ Saimɔn kaŋɛ: “Mee tama fanɛ emo nɛ e beeŋ baa sha mo ga e la emo nɛ mbe kukɔ daa shi ga na.”

Romebi 3:24

Ama ŋkpal Ebɔrɛ be kuwɔr be kakɛ nɛ esa maa wora shɛŋ nsaa nya na so, asheŋ naŋ nyalɛ n sa basa, ŋkpal kesɔnyige be ekpa nɛ b bɔla Yesu Kristo so m bugi na so.

Romebi 5:6

Ŋkpal manɛ so, saŋɛ nɛ an daa maŋ kɔ eleŋ na nɛ Ebɔrɛ be jemanɛ fo nɛ Kristo wu n sa bumo nɛ b maŋ kɔ kabɔrɛŋana na.

Galeeshaebi 3:10

Bumo nɛ b ta bumo be nfɛra n wɔtɔ mbra na be kebɛso na to na wɔ kɔnɔso to nna na, ŋkpal manɛ so, le nɛ abɔrɛsibɛ na bee kaŋɛ: “Ebɔrɛ be kɔnɔso wɔ ekama nɛ e maa bɛ mbra na be kawɔl na so nɛnɛ saŋkikɛ na so nna.”

Ɛfesesebi 1:7

Ŋkpal manɛ so, Kristo be luwu na so e shin nɛ an nya an be amu na. Ebɔrɛ ta anyi be alubi m paŋ anyi. Kashenteŋto malɛ Ebɔrɛ be kuwɔr be kakɛ nɛ e bugi kagbene kikɛ n sa anyi na shi pasaa.

Ɛfesesebi 4:32

Kebaawɔtɔ nɛ k daga fanɛ men baa kɔ e la fanɛ men baa la basa a wu abar kuwɔr nsaa ta abar be alubi a paŋ abar fanɛ kananɛ Ebɔrɛ bɔla Kristo so n ta men be alubi m paŋ menyi na.

Kɔlɔsiebi 3:13

Men baa kɔ kanyiti a kɔ abar to a ta abar be asheŋ a paŋ abar. Kananɛ Enyɛnpe na ta m paŋ menyi na, menyi alɛ gba e baa ta a paŋ abar.