Luuk 7:40 - EBƆRƐ BE KAWƆL

⁴⁰ Ndoŋ nna nɛ Yesu kaŋɛ mo: “Saimɔn, mee sha nɛ ŋ kaŋɛ fo kusɔ ko.” Nɛ Saimɔn kaŋɛ: “To, kaŋɛ ma Enyɛnpe.”

Luuk 7:40 ပူးပေါင်းရင်းမြစ်များ

1 Bewura 2:14

M ba nna nɛ m ba fin fo kechɛto.” Nɛ Bɛshiba bishi mo: “Manɛ nɛ fee sha a?”

Ezikɛl 33:31

Amoso ma basa bee chala nna m ba nu kusɔ nɛ fo kɔ a kaŋɛ, ama bumo alɛ maaŋ wora kusɔ nɛ fo kaŋɛ fanɛ b wora na. Kashaso nɛ baa malga a sa abar, ama kejimuni nɛ kapuni e bɔlɔ bumo be ŋgbene to.

Malakai 1:6

Le nɛ Enyɛnpe Ebɔrɛ daŋ kaŋɛ bɔrɛmatapoana na: “Kebia bee bunyaŋ mo tuto nna nɛ kayɛrbi malɛ bee sa mo nyɛnpe bunyaŋ. N la men tuto nna, nɛ manɛ e ba nɛ menyi maa bunyaŋ ma? N la men nyɛnpe nna, nɛ manɛ e ba nɛ menyi maa sa ma bunyaŋ? Men keni ma jiga, ama menyi alɛ kraa bishi fanɛ nuso nɛ an keni fo jiga?

Matiu 26:49

B ka fo ndoŋ nɛ Judas yɔ Yesu kutɔ epul na to n ya kaŋɛ mo le: “Eŋinipo, mee chɔrɔ!” Nseŋ pipe Yesu be kegbuŋ kechɔrɔso.

Matiu 7:22

Kachɛ na kaŋ fo, basa damta beeŋ kaŋɛ ma le: ‘Enyɛnpe, Enyɛnpe, an daŋ bɔla fo ketre so nna n wu abɔrɛsheŋ ŋ kaŋɛ. An bɔla fo ketre so n ju mbuibi lubi basa to nseŋ wora emamachisheŋ damta!’

Luuk 18:18

Nɛ Juwebi be ebunyampo ko bishi Yesu le: “Eŋinipo lela, manɛ nɛ meeŋ wora n tiŋ n nya ŋkpa nɛ k maŋ kɔ ekar na?”

Luuk 5:22

Ndoŋ nna nɛ Yesu pin bumo be nfɛra na nseŋ bishi bumo: “Manɛ nna nɛ menyee fɛ le be nfɛra?

Luuk 5:31

Nɛ Yesu kaŋɛ bumo: “Basa nɛ b kɔ alenfia maa fin echɛpo she basa nɛ baa lɔ.

Luuk 6:8

Ama Yesu daa nyi bumo be nfɛra nseŋ kaŋɛ enɔwusowura na: “Koso m ba anishito nfe.” Nɛ kanyɛn na koso n yɔ ndoŋ.

Luuk 7:39

Farisinyɛn nɛ e daŋ tre Yesu fanɛ e ba ji ajibi na ka wu loŋ nɛ e kaŋɛ mbe kumu: “Nɛ kanyɛn ere baa la anebi gbagba nna, e beeŋ pin esa nɛ e la kache nɛ e bee beta mo ere, e beeŋ pin kebaawɔtɔ lubi nɛ e wɔ to.”

Luuk 7:41

Nɛ Yesu kaŋɛ: “Benyɛn anyɔ ko e daŋ ji amansherbipampo ko be kukɔ. Eko be kukɔ daa la pɔŋ alfa anu nɛ eko malɛ peya daa la pɔŋ adunu.

Baru lela nɛ Jɔn kute na 13:13

Menyee kaa tre ma Eŋinipo nɛ Enyɛnpe, kashenteŋ nɛ menyi alɛ bee ji, ŋkpal manɛ so, n la Eŋinipo nɛ Enyɛnpe nna.

Baru lela nɛ Jɔn kute na 16:19

Ndoŋ nna nɛ Yesu pin b ka bee sha kebishi kesheŋ na be kifito nseŋ fara m bishi bumo: “Menyee bishi abar nuso nɛ ŋ kaŋɛ fanɛ: ‘A ka gbrɛbi nɛ men maaŋ naŋ wu ma nɛ a naŋ wora gbrɛbi nɛ men naŋ wu ma’ na be kifito nna ŋko?

Baru lela nɛ Jɔn kute na 16:30

Naniere nɛ an pin fanɛ fo nyi kusɔ kikɛ. Amoso, nɛ esa maŋ bishi fo asheŋ nɛ a wɔ mbe kagbene to gba, fo nyi amo. Loŋ malɛ e shin nɛ an yirda fanɛ Ebɔrɛ na kutɔ nɛ fo shi.”

Baru lela nɛ Jɔn kute na 3:2

Kachako kiidiso nɛ e yɔ Yesu kutɔ n ya kaŋɛ mo le: “Rabai, mamachi be asheŋ nɛ fee wora ere e shin nɛ an pin fanɛ fo ka la eŋinipo nɛ e shi Ebɔrɛ kutɔ m ba, ŋkpal manɛ so, nɛ Ebɔrɛ maŋ wɔ esa to, e maaŋ tiŋ n wora asɔ nɛ fee wora ere.”