Luuk 7:25 - EBƆRƐ BE KAWƆL

²⁵ Manɛ nɛ men daŋ lar n yɔ nɛ men ya keni? Men daŋ yɔ nna nɛ men ya keni kanyɛn ko ka buu damaso be asɔbuuso ŋko? Kashenteŋto basa nɛ baa kaa buu loŋ be asɔbuuso a wɔ dama to na bee kaa wɔ ewurkpaana nna.

Luuk 7:25 ပူးပေါင်းရင်းမြစ်များ

2 Samuɛl 19:35

Yiramu! Ma nfɛ aduburwa nna na. Shɛŋ shɛŋ malɛ maŋ naa yɛlga ma. Ajibi ŋko asɔnuuso kikɛ maŋ naa wora ma ebel. Ma alɛ maŋ naa nu nshɛ gba be ebel, amoso maa sha keki esulɔ n sa fo.

1 Bewura 10:5

E ka wu ajibi nɛ b chige n yili ewura Sɔlɔmɔn be teebɔl so na, nɛ ebuana nɛ mbe benimuana wɔtɔ na, nɛ kananɛ ewura be laŋ na to be beshumpo be asheŋ bee bɛ abar so nɛnɛ na, nɛ epiŋi nɛ nyɛrbi nɛ baa chige ajibi bee buu na, nɛ k chinchiŋ mo alegaiso.

2 Bewura 1:8

Nɛ b yɛ: “E daŋ buu piŋi nɛ b ta asɔbɔya be kawɔl n lɔŋɛ nna nseŋ ta kawɔl be kreso ŋ kreto.” Ndoŋ nna nɛ ewura na kaŋɛ le: “Kumo ere Elaija nna na!”

Ɛsta 1:11

E daŋ shuŋi bumo fanɛ b ya shin nɛ ewurche Vashti e buu mbe kuwurwuro m ba mo kutɔ. Ewura na daa sha keta ewurche na nna n ji njɔŋ n ŋini ekrachiana na nɛ mbe befɔ nɛ b ba ndoŋ na kikɛ ŋkpal mbe kebita so.

Ɛsta 1:3

E ka ji kuwura be kafɛ sasopo to nɛ e wora kejigboŋ n sa mbe benimuana nɛ ekrachiana. Pɛshiya be efuli so nɛ Midia be efuli so be esoji be benimu, n ta bewura nɛ b wɔ efuli na so nɛ bejuŋkparpoana kikɛ e daŋ ba kejigboŋ na to.

Ɛsta 4:2

hale m ba fo ewura na be lambu be kabuna ase. Mo alɛ daa maŋ nya ekpa n luri lambu na to ŋkpal manɛ so esa kama nɛ e buu kagbenejijaso be kusɔbuuso maŋ kɔ ekpa nɛ e luri ndoŋ.

Ɛsta 5:1

Ekishi na be kachɛ sasopo nɛ Ɛsta ta mbe kuwurche be kale m buu nseŋ ya yili ewura na be lambubi na be kabuna to. Ewura na malɛ daa tase mbe kuwurputi so nna lambu na to a keni kabuna to.

Ɛsta 8:15

Kumo be kaman nɛ Mɔdikaya ta kuwurpiŋi lela ko nɛ k la buru nɛ kefuful be weato m buu nseŋ ta ago be piŋi peper kunɔkunɔ m buu n deŋi kumo so, n ta shuwa be kuwurwuro nyɛkpɛso m buu nseŋ lar ewurkpa n yɔ. Nɛ Susa be kade to ebi be ŋgbene fuli bumo nɛ baa cha awɔr nsaa ponte to kagbenefuliso

Aizaaya 59:17

E beeŋ ta keji asheŋ nɛ amo be ekpa so m buu fanɛ enapo be kebɛlso be kekpaŋkale nɛ kumɔlga malɛ gba m buu fanɛ enapo be kebɛlso be kekpaŋwuro. Mo alɛ beeŋ naŋ ta kewora asheŋ ekpa nɛ k daga so kenishipereso fanɛ kusɔbuuso m buu nseŋ sɔ basa nɛ baa ji awurfoŋ be kɔnɔ so ŋ ka kulubi kukɔ.

Matiu 11:8

Manɛ nɛ men daŋ lar n yɔ nɛ men ya keni? Men daŋ yɔ nna nɛ men ya keni kanyɛn ko ka buu damaso be asɔbuuso ŋko? Basa nɛ baa kaa buu damaso be asɔbuuso na bee kaa wɔ ewurkpaana nna.

Matiu 3:4

Nyɔma be afuibi be kusɔbuuso nɛ Jɔn daŋ buu ŋ kre kawɔl be kreso kashɛr to. Elotɔr nɛ mushoŋ nɛ e daa ji.

Matiu 6:29

ŋkeshin nɛ men baa nyi fanɛ Ewura Sɔlɔmɔn gba e daa kɔ kemaŋkura nɛ asɔ ga ere daa maa kɔ asɔbuuso nɛ a walɛ n fo atoto ere so.

Luuk 16:19

Kamalga ere be kaman nɛ e naŋ bɔ keŋasa ere ŋ kaŋɛ: “Damawura ko e daa wɔtɔ a buu yawu kpakpaso be asɔbuuso lela peper mɔlmɔlbi ko a wɔtɔ a ji ajibi belbelso damta kachɛ kama.

Luuk 7:24

Jɔn be mbɔ na ka bɛta n yɔ nɛ Yesu fara a malga Jɔn be asheŋ a kaŋɛ jimaŋ na: “Men ka daŋ yɔ Jɔn kutɔ kiyi to na, manɛ nɛ men daŋ tama keyawu? Men daŋ yɔ nna nɛ men ya wu kefitiri be keyɛlbi nɛ afu wɔtɔ a ber a dɛlɛ to na nna ŋko?

Luuk 7:26

Men kaŋɛ ma, manɛ nɛ men daa tama keyawu? Men daa tama keyawu anebi nna ŋko? Kashenteŋ nɛ mee kaŋɛ menyi na fanɛ men ya wu emo nɛ e chɔ anebi gba,