Luuk 7:22 - EBƆRƐ BE KAWƆL

²² Amoso, le nɛ e daŋ kaŋɛ Jɔn be mbɔ na: “Men bɛta n ya kaŋɛ Jɔn asɔ nɛ men wu nɛ amo nɛ men nu ere be asheŋ fanɛ: Mee shin nɛ betanpo bee wu nɛ ebobi bee nite nɛ bebotipo bee nyalɛ so nɛ ekpawu bee nu nɛ bubuni bee tiŋi luwu to nɛ bebɔlpo malɛ bee nya a nu baru lela na be asheŋ.

Luuk 7:22 ပူးပေါင်းရင်းမြစ်များ

Job be kawɔl 29:15

N daa wora etanpo nɛ ebobi kelela nna.

Nshɛ 146:8

Mo koŋwule na e naa bugi etanpo be anishi. Mo e naa pɛ bumo nɛ b tɔr to a niŋi to a yili nsaa sha basa nɛ bumo be kebaawɔtɔ niŋi.

Aizaaya 42:16

Meeŋ juŋkpar etanpo m bɔla ekpaana nɛ b maŋ naŋ bɔla so ŋ ku so so. Meeŋ shin nɛ bumo be tentembiri e ki kefulto nseŋ shin nɛ ekpa lubi nɛ baa nite so e nyalɛ n sa bumo. Ma nnɔ naseso nna na, ma alɛ beeŋ wora m bɔlɔ amo kikɛ so nyam.

Aizaaya 43:8

Nɛ Ebɔrɛ naŋ kaŋɛ le: “Shin nɛ ma basa e gama abar so. B kɔ anishi, ama bumo alɛ maa wu; b kɔ asoe, bumo alɛ maa nu!

Jɛremaya 31:8

Ma, Enyɛnpe Ebɔrɛ na beeŋ bɛta ma basa nɛ b wɔ Babilɔn be efuli nɛ k wɔ kelargato be esoso na, nɛ bumo nɛ b wɔ durnya be kaplɛkama na m ba. Etanpo nɛ ebobi beeŋ ti bumo so, nɛ bedampoche nɛ beche nɛ kakurge ta bumo kikɛ beeŋ ti bumo so m ba. Baaŋ baa la efuligboŋ be basa nna m bɛta m ba.

Zefanaiya 3:12

Bekama nɛ b du boeŋ nsaa bar bumo be amu ase kashenteŋto na bre, m maaŋ ju bumo, ŋkpal b ka ta bumo be yirda n deŋi ma so so.

Matiu 11:5

Mee shin nɛ betanpo bee wu nɛ ebobi bee nite nɛ bebotipo bee nyalɛ so nɛ ekpawu bee nu nɛ bubuni bee tiŋi luwu to nɛ bebɔlpo malɛ bee nya a nu baru lela na be asheŋ.

Matiu 21:14

Ade be kaman nɛ betanpo nɛ ebobi ba mo kutɔ bɔrɛlambu na to nɛ e chɛ bumo kikɛ.

Luuk 4:18

“Enyɛnpe be Kiyoyu nɛ e kɔ a sa basa kikɛ na wɔ ma so. E lara ma nna n nɛfa ma nɛ m bɔ baru lela na n sa betirpo, mo e shuŋi ma nɛ n ya bɔ kesɔnyige be baru n sa bumo nɛ b ki beko be anya nseŋ bɔ anishi be kebugi be baru n sa betanpo. E yɛ n sɔ bumo nɛ baa mɛaŋ na n yige.

Luuk 7:21

Kumo be jemanɛ na malɛ gbagba so nɛ Yesu chɛ belɔpo damta be alɔ be nnaŋ to kikɛ nseŋ ju mbuibi lubi basa to nseŋ bugi betanpo damta be anishi.

Luuk 7:23

Kagbenefuli la ekama nɛ e maa wora ma shikashika peya nna.”

Baru lela nɛ Jɔn kute na 1:46

Ndoŋ nna nɛ Nataniɛl bishi mo: “Fo kaŋɛ Nazarɛt? Kusɔ lela mo malɛ e naaŋ shi Nazarɛt be kade to?” Ndoŋ nna nɛ Filip kaŋɛ: “Ba keni.”

Ashuŋ Shunso 26:18

Ya bugi bumo be anishi n shin nɛ b lar bumo be tentembiri na to m ba kefulto to. Shin nɛ b lar Setani be eleŋ to m ba Ebɔrɛ peya to n shin nɛ b yirda ma nɛ n ta bumo be alubi m paŋ bumo nɛ b nya bumo be kakpa ashi Ebɔrɛ be basa laraso na to.’

Ashuŋ Shunso 8:7

B daŋ wu mbuibi lubiana ka boŋ to awɔrso n lar basa damta to nseŋ naŋ wu eyurwusowuraana nɛ ebobi damta gba ka nya alenfia.

Jeems 2:5

Ŋ kurgepo shasoana, men baa nyi fanɛ basa nɛ b maŋ kɔ shɛŋ basa be anishito na nɛ Ebɔrɛ lara fanɛ b yirda Yesu Kristo nseŋ ki damawuraana ashi Ebɔrɛ be anishito nseŋ nya n luri mbe kuwura mo nɛ e nase kɔnɔ fanɛ e beeŋ sa basa nɛ baa sha mo na to.