Luuk 7:19 - EBƆRƐ BE KAWƆL

¹⁹ nɛ e tre bumo to be benyɔ n shuŋi bumo Enyɛnpe na kutɔ nɛ b ya bishi mo: “Fo e la emo nɛ e beeŋ ba na ŋko an baa kraa jo amodoŋwura a?”

Luuk 7:19 ပူးပေါင်းရင်းမြစ်များ

Jɛnesis 22:18

Fo kaman to ebi so nɛ durnya to ebi kikɛ beeŋ bɔla n nya nɛfa ŋkpal fo ka wora ma kasonu ere so.”

Jɛnesis 3:15

Ma alɛ beeŋ ta kedoŋ n wɔtɔ fo nɛ eche na be nferinto nseŋ naŋ ta kedoŋ n wɔtɔ fo pibi nɛ eche na be kebia to. Eche na be kebia na beeŋ baa bɛa fo kumu to nɛ fo alɛ e baa duŋ mbe kenaŋkuŋ.”

Jɛnesis 49:10

Juda e naaŋ ba kaa kɔ kuwurkpabi mbe enɔ to nɛ mbe kanaŋ to ebi malɛ e ba kaa ji kuwura basa so saŋkama. Efuli pɔtɛana so ebi beeŋ ba kaa bunyaŋ mo a gbir mo kumuli kasonuso.

Aizaaya 11:1

Kananɛ keyimu bee purge afantaŋ popɔr nɛ a bee daŋ a ki kedibi na, aloŋ nɛ esa ko beeŋ shi ewura Deevid be kanaŋ to m ba ki ewura kachako so.

Aizaaya 7:14

To, kumo ere Enyɛnpe Ebɔrɛ na gbagba e naaŋ sa anyi tɔɔnɛ. Kasuŋgurbia nɛ e maŋ nyi enyɛn ŋ ku so beeŋ di kedampo ŋ kurge ebinyɛn nseŋ nase mo ketre Immanuɛl. Kumo be kifito e la fanɛ Ebɔrɛ wɔ anyi kutɔ.

Maika 5:2

Ama Enyɛnpe Ebɔrɛ na yɛ: “Bɛtlɛhɛm Efrata, fo la Juda be efuli so be ndewurbiana na be kuko nna, ama fo to nɛ meeŋ lara esa nɛ e beeŋ ba ji Israɛl be efuli so be kuwura. Dra dra na kikɛ nɛ mbe kanaŋ jɔŋɛ.”

Heegai 2:7

Meeŋ baga efuliana na kikɛ to n shin nɛ b bar asɔ lela nɛ baa sha ga na nfe, nɛ ma kemaŋkura e bɔlɔ bɔrɛlambu ere kikɛ to.

Zakareya 9:9

Ekama nɛ e wɔ Jerusalɛm to e baa ji eyur nsaa wora awɔr kagbenefuliso! Ŋkpal manɛ so menyi be ewura kɔ m pɔɔ so nsaa ba menyi kutɔ; e du boeŋ nna nseŋ dii kurmafɔlbi a ba.

Malakai 4:2

Ama menyi bekama nɛ men yirda ma na bre, ma kumɔlga na beeŋ ba menyi so fanɛ kananɛ epeŋi bee nyaŋɛ a sa basa alenfia na. Menyeeŋ nya men be amu nɛ men be ŋgbene malɛ e fuli menyi fanɛ b ka fiŋi kuluu nɛ anabi lar a tɛto a yɔ keji to na.

Maak 6:7

Kachako nɛ e tre bebɛsopo kuduanyɔ na m ba shɛr n shuŋi bumo benyɔnyɔ nseŋ sa bumo eleŋ nɛ b baa tiŋ a ju mbuibi lubi basa to

Luuk 10:1

Ade be kaman nɛ Enyɛnpe lara basa adushunu nɛ anyɔ ko malɛ n shuŋi bumo benyɔnyɔ fanɛ b juŋkpar mo n yɔ kade kama nɛ kaplɛkama nɛ e daa shin nɛ e yɔ to.

Luuk 11:1

Jemanɛ ko Yesu yɔ kakpa ko n ya kule Ebɔrɛ n loge nɛ mbe ebɛsopo ko kaŋɛ mo: “Enyɛnpe, ŋini anyi kananɛ anyeeŋ baa kule Ebɔrɛ fanɛ kananɛ Jɔn ŋini mbe bebɛsopo na.”

Luuk 11:39

Nɛ Enyɛnpe kaŋɛ mo: “O Farisiebi, men baa du fanɛ kananɛ menyee fɔr mba nɛ nwiebi be mmanto a yige amo be epunana to na nna. Men baŋ duli basa lela nna, ama kejimuni nɛ alubi e baŋ bɔlɔ menyi to.

Luuk 12:42

Nɛ Enyɛnpe na bishi bumo: “Esa mo e la kenya nyiashempo nɛ e maŋ kɔ kebirkɔnshi, emo nɛ mo nyɛnpe na beeŋ shin nɛ e baa keni mbe anya kikɛ so nsaa sa bumo bumo be ajibi saŋɛ nɛ a daga na?

Luuk 13:15

Nɛ Enyɛnpe kaŋɛ mo: “Kebirkɔnshiwuraana e la menyi! Menyi be emo e maa saŋɛ mbe kena ŋko mbe kurma ashi kumo be kuluu to kewushiachɛ na a yɛr kumo nchu akpa nɛ k ya kaa nuu?

Luuk 17:5

Kachako Enyɛnpe Yesu be beshuŋipo na kaŋɛ mo le: “Ti anyi so yirda.”

Luuk 17:6

Nɛ Enyɛnpe na kaŋɛ bumo le: “Nɛ men be yirda baa du fimbi fanɛ kakilia be kebi gba, menyeeŋ tiŋ ŋ kaŋɛ sikamɔɔ be kedibigboŋ ere le: ‘Fo gbagba e tia n ta fo kumu n ya yuu teku to’, nɛ k nu n sa menyi.”

Luuk 18:6

Nɛ Yesu kaŋɛ basa na le: “Men nu kusɔ nɛ demujipo kebirkɔnshiwura na kaŋɛ nna na.

Luuk 19:8

Nɛ Zakiyes niŋi to n yili nseŋ kaŋɛ Enyɛnpe le: “Enyɛnpe, keni, meeŋ barga ma asɔ to ntuŋ anyɔ so n ta barga to ko ŋ kɛ betirpo, nɛ esa kama malɛ nɛ m puni, meeŋ leŋi amodoŋwura be kusɔ na ntuŋ nna n sa mo.”

Luuk 22:61

Ndoŋ nna nɛ Enyɛnpe kilgi ŋ keni Pita nɛ e nyiŋi Enyɛnpe be kamalga mo nɛ e daŋ kaŋɛ mo fanɛ: “Pɔɛŋ nɛ koshinyɛn e boŋ kabre, feeŋ chɛ ale asa ŋ kaŋɛ fanɛ fo maŋ nyi ma na.”

Luuk 24:34

Nɛ bebɛsopoana na kaŋɛ bumo benyɔ na le: “Enyɛnpe tiŋi kashenteŋto hale n lar Saimɔn so.”

Luuk 7:13

Enyɛnpe ka wu ekulpoche na nɛ mbe asheŋ pɛ mo kuwɔr ga nɛ e kaŋɛ mo: “Sa maa shu.”

Luuk 7:20

Mbɔ na ka ba Yesu kutɔ nɛ b ba kaŋɛ mo: “Jɔn kabɔrɛbɛrpo e shuŋi anyi fanɛ an ba bishi fo le: ‘Fo e la emo nɛ e beeŋ ba na ŋko an baa kraa jo amodoŋwura a?’ ”

Baru lela nɛ Jɔn kute na 11:2

Mɛɛri ere e la emo nɛ e daŋ chulgi tulale dufɛso ko n wurge Enyɛnpe be aya so nseŋ ta mbe emin m melti amo na, mo alɛ mo siponyɛn e daa la Lazɔrɔs mo nɛ e daa lɔ na.

Baru lela nɛ Jɔn kute na 4:1

Jemanɛ ko Efarisiana na nu fanɛ Yesu daa nya nseŋ daa bɛr bebɛsopo a chɔ Jɔn kabɔrɛbɛrpo.

Baru lela nɛ Jɔn kute na 4:25

Nɛ kache na kaŋɛ Yesu le: “Ma alɛ gba nyi fanɛ kachako Mesaya nɛ baa tre Kristo na beeŋ ba, mo alɛ kaŋ ba, e beeŋ bugi kusɔ kama to n sa anyi.”

Baru lela nɛ Jɔn kute na 6:23

Taibɛrias be ekuloŋ ko malɛ daŋ ba kaa yil kepagboŋ na be ekarso a mata kakpa nɛ Yesu daŋ di Ebɔrɛ epaŋ nseŋ sa basa na ajibi na.

Joshuwa 2:1

Saŋɛ nɛ Israɛlebi na be keeyi to daa wɔ Shitim na nɛ Nun pibi Joshuwa shuŋi basa anyɔ fanɛ b dii Jɔɔdan be lɔr na be kaba ndoŋ n ya ŋana n dara Keenan be kasawule na, fɔnfɔŋ Jɛriko. Basa na ka fo Jɛriko be kade to nɛ b ya luri sakaleche ko nɛ baa tre Reehab be laŋ to.

Kelaraŋŋini 11:3

Ma alɛ beeŋ sa ma shɛdajipoana anyɔ eleŋ nɛ b wu abɔrɛsheŋ ŋ kaŋɛ amo be nchɛ kagboŋ nɛ alfa anyɔ nɛ adeshe na kikɛ to, amo be saŋɛ malɛ kikɛ to baaŋ buu kagbenejija be asɔbuuso.”