Luuk 7:13 - EBƆRƐ BE KAWƆL

¹³ Enyɛnpe ka wu ekulpoche na nɛ mbe asheŋ pɛ mo kuwɔr ga nɛ e kaŋɛ mo: “Sa maa shu.”

Luuk 7:13 ပူးပေါင်းရင်းမြစ်များ

Nshɛ 103:13

Kananɛ bekurgepo bee sha bumo be mbia ga na, aloŋ nɛ Enyɛnpe Ebɔrɛ gba bee sha bekama nɛ baa bunyaŋ mo na ga.

Nshɛ 86:15

Ama fo, Enyɛnpe Ebɔrɛ na, la ewɔrwupo nɛ kasha be Ebɔrɛ nna. Fo la esa nna nsaa kɔ kanyiti, a wu kuwɔr jemanɛ kikɛ.

Nshɛ 86:5

O Enyɛnpe Ebɔrɛ, fo la esa lela nɛ fee ta alubi a paŋ nna. Fo alɛ kɔ kasha damta n sa bumo nɛ baa shu a tre fo na nna.

Aizaaya 63:9

Enyɛnpe Ebɔrɛ na ka wu mbe basa ka wɔ etɔrɔ to nɛ k tɔrɔ mo ga nɛ e shuŋi mbe malaika nɛ e ba mɔlga bumo ashi awurfoŋ na to. Kashenteŋto Enyɛnpe Ebɔrɛ na bee wu kuwɔr pasaa, amoso nɛ e kɔ n suge mbe basa na. Mbe enɔ to nɛ e keta bumo nfɛ damta nɛ a choŋ ere kikɛ na.

Jɛremaya 31:20

Israɛl be basa, menyi e la ma mbia nɛ mee sha ga. Kashenteŋ nna fanɛ mee kaa malga a gbiti menyi kenishipereso, ama ma alɛ kraa nyiŋi menyi be asheŋ. Amoso ma kagbene kraa wɔ menyi so. Ŋ kraa beeŋ wu menyi kuwɔr. Ma Enyɛnpe Ebɔrɛ e kaŋɛ na.

Maak 8:2

“Basa ere be asheŋ bee keta ma kuwɔr, ŋkpal manɛ so, bumo be nchɛ asa nde b ka wɔ ŋ kutɔ nfe ŋkaa maa nya shɛŋ a ji.

Luuk 10:1

Ade be kaman nɛ Enyɛnpe lara basa adushunu nɛ anyɔ ko malɛ n shuŋi bumo benyɔnyɔ fanɛ b juŋkpar mo n yɔ kade kama nɛ kaplɛkama nɛ e daa shin nɛ e yɔ to.

Luuk 11:1

Jemanɛ ko Yesu yɔ kakpa ko n ya kule Ebɔrɛ n loge nɛ mbe ebɛsopo ko kaŋɛ mo: “Enyɛnpe, ŋini anyi kananɛ anyeeŋ baa kule Ebɔrɛ fanɛ kananɛ Jɔn ŋini mbe bebɛsopo na.”

Luuk 11:39

Nɛ Enyɛnpe kaŋɛ mo: “O Farisiebi, men baa du fanɛ kananɛ menyee fɔr mba nɛ nwiebi be mmanto a yige amo be epunana to na nna. Men baŋ duli basa lela nna, ama kejimuni nɛ alubi e baŋ bɔlɔ menyi to.

Luuk 12:42

Nɛ Enyɛnpe na bishi bumo: “Esa mo e la kenya nyiashempo nɛ e maŋ kɔ kebirkɔnshi, emo nɛ mo nyɛnpe na beeŋ shin nɛ e baa keni mbe anya kikɛ so nsaa sa bumo bumo be ajibi saŋɛ nɛ a daga na?

Luuk 13:15

Nɛ Enyɛnpe kaŋɛ mo: “Kebirkɔnshiwuraana e la menyi! Menyi be emo e maa saŋɛ mbe kena ŋko mbe kurma ashi kumo be kuluu to kewushiachɛ na a yɛr kumo nchu akpa nɛ k ya kaa nuu?

Luuk 17:5

Kachako Enyɛnpe Yesu be beshuŋipo na kaŋɛ mo le: “Ti anyi so yirda.”

Luuk 17:6

Nɛ Enyɛnpe na kaŋɛ bumo le: “Nɛ men be yirda baa du fimbi fanɛ kakilia be kebi gba, menyeeŋ tiŋ ŋ kaŋɛ sikamɔɔ be kedibigboŋ ere le: ‘Fo gbagba e tia n ta fo kumu n ya yuu teku to’, nɛ k nu n sa menyi.”

Luuk 18:6

Nɛ Yesu kaŋɛ basa na le: “Men nu kusɔ nɛ demujipo kebirkɔnshiwura na kaŋɛ nna na.

Luuk 19:8

Nɛ Zakiyes niŋi to n yili nseŋ kaŋɛ Enyɛnpe le: “Enyɛnpe, keni, meeŋ barga ma asɔ to ntuŋ anyɔ so n ta barga to ko ŋ kɛ betirpo, nɛ esa kama malɛ nɛ m puni, meeŋ leŋi amodoŋwura be kusɔ na ntuŋ nna n sa mo.”

Luuk 22:61

Ndoŋ nna nɛ Enyɛnpe kilgi ŋ keni Pita nɛ e nyiŋi Enyɛnpe be kamalga mo nɛ e daŋ kaŋɛ mo fanɛ: “Pɔɛŋ nɛ koshinyɛn e boŋ kabre, feeŋ chɛ ale asa ŋ kaŋɛ fanɛ fo maŋ nyi ma na.”

Luuk 24:3

Ama b ka luri nchaŋ na to, b keni kumo to n fin Yesu be kebuni na ŋ gben.

Luuk 24:34

Nɛ bebɛsopoana na kaŋɛ bumo benyɔ na le: “Enyɛnpe tiŋi kashenteŋto hale n lar Saimɔn so.”

Luuk 7:12

E ka baŋ ba kaa fo kade na be kabuna nɛ b sulɔ ebuni a yɔ nɛ b ya puli. Ebuni na daa la ekulpoche ko be ebi koŋwule nna nseŋ wu nɛ kade na to be basa damta ko bɛ ekulpoche na so a lar a yɔ nchaŋ na ase.

Luuk 7:14

Kumo be kaman nɛ e yɔ n ya beta deka nɛ ebuni na daa wɔ to na nɛ basa nɛ b daŋ sulɔ ebuni na yili. Nɛ Yesu kaŋɛ: “Kabrantiɛbia, ma e kaŋɛ fo na: Niŋi to.”

Luuk 7:19

nɛ e tre bumo to be benyɔ n shuŋi bumo Enyɛnpe na kutɔ nɛ b ya bishi mo: “Fo e la emo nɛ e beeŋ ba na ŋko an baa kraa jo amodoŋwura a?”

Luuk 8:52

Saŋɛ na so nɛ ekama wɔ ndoŋ a shu kebia na be keeli a boŋ to. Nɛ Yesu kaŋɛ bumo: “Men sa maa shu, kebia na maŋ wu nna, e bee di nna.”

Baru lela nɛ Jɔn kute na 11:2

Mɛɛri ere e la emo nɛ e daŋ chulgi tulale dufɛso ko n wurge Enyɛnpe be aya so nseŋ ta mbe emin m melti amo na, mo alɛ mo siponyɛn e daa la Lazɔrɔs mo nɛ e daa lɔ na.

Baru lela nɛ Jɔn kute na 11:3

Lazɔrɔs ka bee lɔ na nɛ mo sipocheana na shuŋi fanɛ b ya kaŋɛ Yesu. B yɛ: “Enyɛnpe, fo teri kpakpaso na bee lɔ.”

Baru lela nɛ Jɔn kute na 20:13

Ndoŋ nna nɛ b bishi Mɛɛri le: “Kache manɛ, manɛ e ba nɛ fee shu?” Nɛ e kaŋɛ bumo: “B ta n Nyɛnpe nna, ma alɛ maŋ nyi kakpa nɛ b ta mo n wɔtɔ.”

Baru lela nɛ Jɔn kute na 20:15

Nɛ Yesu bishi mo: “Kache manɛ, manɛ e ba nɛ fee shu, wanɛ nɛ fee fin?” Mɛɛri daa nyi fanɛ kudɔbi na be ekenipo nna nɛ e kaŋɛ: “Ebunyampo, jande, nɛ fo ta mo nna, fo ŋini ma kakpa nɛ fo ta mo n nase.”

Baru lela nɛ Jɔn kute na 4:1

Jemanɛ ko Efarisiana na nu fanɛ Yesu daa nya nseŋ daa bɛr bebɛsopo a chɔ Jɔn kabɔrɛbɛrpo.

Baru lela nɛ Jɔn kute na 6:23

Taibɛrias be ekuloŋ ko malɛ daŋ ba kaa yil kepagboŋ na be ekarso a mata kakpa nɛ Yesu daŋ di Ebɔrɛ epaŋ nseŋ sa basa na ajibi na.

1 Kɔrintebi 7:30

Bumo nɛ baa shu e baa wɔtɔ fanɛ b maa shu, nɛ basa nɛ bumo be ŋgbene fuli bumo na e baa wɔtɔ fanɛ bumo be ŋgbene maŋ fuli bumo. Bumo nɛ baa tɔ asɔ malɛ gba e baa wora fanɛ mannɛ bumo e wɔ asɔ nɛ b tɔ na.

1 Tɛsalɔnikaebi 4:13

Bekurgepoana, anyee sha men ka pin beyirdapo nɛ b wu na be asheŋ nɛ men be ŋgbene e sa maŋ kaŋ jija menyi fanɛ basa nɛ b maŋ kɔ tama na.

Hibruwebi 2:17

Ŋkpal le malɛ so, a daga fanɛ mo gbagba e ki fanɛ mo niopibiana ashi ekpa kama so, saŋɛ na so, e beeŋ baa la bumo be kuwɔrwupo be bɔrɛmatapo nɛ basa beeŋ tiŋ n yirda ashi Ebɔrɛ be anishito. Nɛ mo alɛ wora loŋ, basa beeŋ nya bumo be alubi be ketampaŋ bumo.

Hibruwebi 4:15

Ŋkpal manɛ so, mannɛ fanɛ anyi be bɔrɛmatapo nimuso na la esa nɛ e maa wu anyi be asheŋ gbenso kuwɔr nna, ama e la esa nɛ e luri kechɔŋkeni kama to nna n lar fanɛ kananɛ anyi alɛ gba bee luri amo to na. Ama mo ere maŋ wora kulubi kikɛ.

Demujipoana 10:16

Kumo be kaman nɛ b kini efuli pɔtɛ be agbir na kikɛ nseŋ fara a shuŋ Enyɛnpe Ebɔrɛ na. Nɛ Israɛlebi be awurfoŋ nɛ b daa ji na be asheŋ naŋ ba ka tɔrɔ Enyɛnpe Ebɔrɛ na.