Luuk 6:49 - EBƆRƐ BE KAWƆL

⁴⁹ Ama esa nɛ e bee nu ma mmalga a maa bɛ amo so du fanɛ esa nɛ e maŋ tɔl mbe ebu be kifi nseŋ pɔr kumo n yili nna. Nchu ka bɔlɔ kakpa m ba ber ebu na nɛ k tɔr epul to. Kumo be ketɔr na daŋ lubi ga.”

Luuk 6:49 ပူးပေါင်းရင်းမြစ်များ

Aŋasa 28:18

Kashenteŋji bee kuŋ esa nna, ama esa nɛ e maŋ niŋi bre bee tɔr manaŋ manaŋ nna.

Ezikɛl 33:31

Amoso ma basa bee chala nna m ba nu kusɔ nɛ fo kɔ a kaŋɛ, ama bumo alɛ maaŋ wora kusɔ nɛ fo kaŋɛ fanɛ b wora na. Kashaso nɛ baa malga a sa abar, ama kejimuni nɛ kapuni e bɔlɔ bumo be ŋgbene to.

Hoziya 4:14

Ama m maaŋ kpal loŋ so ŋ gberge bumo kusoe, ŋkpal manɛ so men gbagba bee ya ka sha agbirlambu to be esakaleche nna nɛ menyi nɛ bumo bee lara esarga a sa agbirana na. Ama le nɛ keŋasa ko bee kaŋɛ: ‘Esa nɛ e maŋ nyi asheŋ kikɛ la esa mur so nna.’ ”

Matiu 23:3

Amoso, men baa nu a sa bumo a wora kusɔ kama nɛ baa kaŋɛ menyi. Ama men sa maa wora asheŋ nɛ baa wora, ŋkpal manɛ so, b maa bɛ asɔ nɛ baa kaŋɛ menyi na so.

Matiu 24:10

Amo be jemanɛ na basa damta beeŋ lar yirda na to nsaa kishi abar a debɔr abar.

Maak 4:17

Ama k maa luri bumo to nɛnɛ, amoso, b maa yirda a yɔ kufɔ. Awurfoŋ nɛ tɔrɔ baŋ tu bumo ŋkpal kamalga na so, epul na to nɛ b bɛ so ŋ gben.

Luuk 12:47

Kenya kama nɛ e nyi kusɔ nɛ mo nyɛnpe bee sha fanɛ e wora nseŋ maŋ bela ase ŋ koso n wora kumo, baaŋ kuya mo so ga.

Luuk 19:14

Mbe efuli so ebi malɛ daŋ kishi mo ga, amoso, e ka yɔ nɛ b shuŋi mbɔ fanɛ b bɛ mo so n ya kaŋɛ bumo nɛ baaŋ buu mo kuwura na le: ‘Anyi ere maa sha kanyɛn ere ka ki anyi be ewura.’

Luuk 19:27

Ade kikɛ be kaman nɛ enyɛnpe na kaŋɛ le: ‘To, naniere men ya pɛ ma doŋana nɛ b daŋ kaŋɛ fanɛ m maaŋ ki bumo be ewura na m ba teŋ bumo ma anishito.’ ”

Luuk 6:46

Manɛ e ba nɛ menyee tre ma Enyɛnpe, Enyɛnpe, nsaa maa wora kusɔ nɛ mee kaŋɛ menyi?

Luuk 6:48

E du fanɛ esa ko ka ya pɔr mbe kowu nna. E ka bee shin nɛ e fara kapɔr na nɛ e kur kasawule n tɔl ebu na be kifi n yili kefalta so. Bɔrɛ ka baŋ to chuful kaplɛkama n ya ber ebu na, k maŋ gbuŋgbuŋ to ŋkpal e ka pɔr ebu na nɛnɛ so.

Luuk 7:1

Yesu ka kaŋɛ basa asheŋ ere kikɛ n loge nɛ e luri Kapɛɛniam be kade to.

Baru lela nɛ Jɔn kute na 15:2

Keyabi kama nɛ k chɔɔ ma so ŋkaa maa sɔr shɛŋ, e bee ku kumo nna a lɛ nɛ keyabi kama malɛ nɛ k bee sɔr e bee lɔŋɛ kumo so nna nɛ k tiŋ n sɔr ga n ti so.

Ashuŋ Shunso 20:29

Ŋkpal manɛ so, n nyi fanɛ ŋ kaŋ yɔ, befɛpo damta beeŋ ba menyi to m ba fin kemur asɔriebi na fanɛ kananɛ kuntuŋ bee luri mbolpɔ to a mur amo na.

Ashuŋ Shunso 26:11

N daa wɔtɔ nna a shin nɛ baa gberge bumo kusoe ashi nshɛrbuana na to nseŋ daa kɔ a fin kananɛ meeŋ wora nɛ b kaŋɛ fanɛ b maaŋ naŋ yirda Yesu na. Agbo daŋ pɛ ma ga ŋkpal bumo so nɛ n yɔ hale nde pɔtɛana to gba nɛ n ya tɔrɔ bumo.”

1 Tɛsalɔnikaebi 3:5

Amoso, nɛ m ba gben n shuŋi Timoti nɛ e ya keni ŋko men kraa kɔ men be yirda na to ŋko Setani chɔ menyi ŋ keni n shin nɛ an be kushuŋ ki kushuŋ fuloŋ a.

2 Pita 2:20

Bekama nɛ b daŋ pin an Nyɛnpe nɛ an be Emɔlgapo Yesu Kristo na pɔɛŋ ŋkeŋ nya n lar durnya ere to be kebaawɔtɔ bɛso ere be aworbi to, kumo be kaman nɛ loŋ be asheŋ na naŋ pɛ bumo m pɔɔ bumo so, loŋ be basa be kebaawɔtɔ naa lubi nna ga a chɔ bumo be faraŋko be kebaawɔtɔ na.

1 Jɔn 2:19

Le be basa ere daŋ shi anyi be katuŋ to nna, ama kashenteŋto, b daa maŋ la anyi to be basa, amoso nɛ b lar anyi to n yɔ na. Nɛ b daa la anyi to be basa nna b daa maaŋ lar. Ama bumo be kelar anyi to na e naa ŋini fanɛ mannɛ bumo be ekama e la anyi to be eko.