Luuk 6:48 - EBƆRƐ BE KAWƆL

⁴⁸ E du fanɛ esa ko ka ya pɔr mbe kowu nna. E ka bee shin nɛ e fara kapɔr na nɛ e kur kasawule n tɔl ebu na be kifi n yili kefalta so. Bɔrɛ ka baŋ to chuful kaplɛkama n ya ber ebu na, k maŋ gbuŋgbuŋ to ŋkpal e ka pɔr ebu na nɛnɛ so.

Luuk 6:48 ပူးပေါင်းရင်းမြစ်များ

2 Samuɛl 22:2

Enyɛnpe Ebɔrɛ na e la ma kefalta nɛ n yil so. Mo e la ma ekumpo gboŋ nɛ emɔlgapo.

2 Samuɛl 22:32

Wanɛ malɛ e naa la Ebɔrɛ nɛ manɛ Enyɛnpe Ebɔrɛ nɛ e la ma kefalta ere.

2 Samuɛl 22:47

Enyɛnpe Ebɔrɛ fo wɔtɔ! Meeŋ di fo epaŋ! Fo la kejembu nna nɛ mee ŋana fo to! Meeŋ maŋkura fo ŋkpal fo ka mɔlga ma so.

2 Samuɛl 22:5

Luwu kulti ma n wɔtɔ fanɛ nchu ka kpa esa ekwi na nna a shin nɛ k mur ma.

2 Samuɛl 23:3

Le nɛ Israɛl be Ebɔrɛ nɛ e la ma ekumpo na daŋ malga ŋ kaŋɛ: “Ewura nɛ e kɔ kasonu n sa Ebɔrɛ nseŋ ta kashenteŋji a ji mbe kuwura na

Nshɛ 32:6

Amoso fo kama nɛ fee ŋana Ebɔrɛ, nsaa wɔ tɔrɔ to, fo kule mo. Saŋɛ na so, tɔrɔ be awɔrfoŋ nɛ k du fanɛ nchu ka to chufulgboŋ a ba eleŋso na maaŋ sulɔ fo n yɔ.

Nshɛ 62:2

Mo e la kefaltagboŋ nɛ emɔlgapo. Mo e la ma ekuŋkpa lempo a kuŋ ma.

Nshɛ 95:1

Men ba nɛ an boŋ kagbenefuli be nshɛ n sa Enyɛnpe Ebɔrɛ nɛ e bee kuŋ anyi na.

Aŋasa 10:25

Afugboŋ bee ba nna m ba kaa ber alubiworapoana a lɛ, ama beshenteŋjipo bre bee nya kumɔlga nna saŋkama.

Aizaaya 26:4

Amoso an baa yirda Enyɛnpe Ebɔrɛ na saŋkama, nɛ e baa la fanɛ kefalta a kuŋ anyi saŋkikɛ.

Aizaaya 28:16

To, kusɔ nɛ Enyɛnpetale Ebɔrɛ na bee kaŋɛ nde: “Mee tɔl gbaltɔlase nɛ k kɔ eleŋ a yil a maa gbuŋgbuŋ nna ashi Zayɔn to. Ma alɛ beeŋ ta kejembu nɛ bepɔrpo keni to n lara fanɛ kebonfu to be kejembu nɛ k kɔ eleŋ ga na nna n nase gbaltɔlase na, nɛ b sibɛ le n deŋi kumo so, ‘Yirda nɛ k yil to kpakpa kɔ kanyiti nna.’

Aizaaya 59:19

Yili epeŋilarkpa m ba choŋ epeŋitɔrkpa, ekama beeŋ baa ŋana Enyɛnpe Ebɔrɛ na nɛ mbe eleŋgboŋ nseŋ bunyaŋ mo. E beeŋ ba fanɛ lɔr to be nchu nɛ a bee shile eleŋso ŋko afugboŋ nɛ a bee ber eleŋso na.

Nahum 1:8

Ama e bee mur mo doŋana bre nna fanɛ nchugboŋ ka jija asɔ na. Mo alɛ naa yɛr bumo nɛ baa ji mo emɔrɔ na luwu to nna.

Luuk 6:47

Meeŋ ŋini menyi kananɛ esa nɛ e bee ba ma kutɔ m ba kaa nu ma mmalga nsaa bɛ amo so du.

Luuk 6:49

Ama esa nɛ e bee nu ma mmalga a maa bɛ amo so du fanɛ esa nɛ e maŋ tɔl mbe ebu be kifi nseŋ pɔr kumo n yili nna. Nchu ka bɔlɔ kakpa m ba ber ebu na nɛ k tɔr epul to. Kumo be ketɔr na daŋ lubi ga.”

Baru lela nɛ Jɔn kute na 16:33

Ŋ kaŋɛ menyi asheŋ ere nna, saŋɛ na so, menyeeŋ bɔla ma so n nya kagbenewushi. Menyeeŋ nya tɔrɔ durnya ere to, ama men baa kɔ kagbene, ma e pɔɔ durnya ere so.”

Ashuŋ Shunso 14:22

Kumo be kaman nɛ b bɛta n yɔ Listra nɛ Ikoniam nɛ Pisidia be Antiɔk a wushi beyirdapoana na be ŋgbene nseŋ naa leŋ bumo to fanɛ b baa kɔ yirda nɛ kashenteŋto kpakpa. Le nɛ b daŋ naa kaŋɛ bumo: “An kikɛ beeŋ luri etɔrɔ damta to pɔɛŋ nseŋ luri Ebɔrɛ be kuwura na to.”

Ɛfesesebi 2:20

Men du fanɛ egbal be kaba nna nɛ kumo be kifi la beshuŋipo nɛ anebiana na, nɛ Kristo Yesu malɛ gbagba la kumo be gbaltɔlase.

Ditɛronɔmi 32:15

Enyɛnpe Ebɔrɛ na be basa daŋ dii dama, ama bumo alɛ daŋ diewu nna n wɔtɔ Ebɔrɛ ŋ kini mo. B daŋ ji nna n daŋ n daŋ n wora egbɛ nɛnɛ n ti so nseŋ shile Ebɔrɛ nɛ e to bumo na. B daŋ kini bumo be emɔlgapo lempo na nna.

Ditɛronɔmi 32:18

B daŋ teŋ bumo be Ebɔrɛ, bumo be Emɔlgapo lempo nɛ e sa bumo ŋkpa na so nna.

Ditɛronɔmi 32:31

Bumo doŋana na baa nyi fanɛ bumo be agbirana maŋ kɔ eleŋ; agbirana na be eleŋ maŋ fo Israɛl be Ebɔrɛ peya so.

2 Timoti 2:19

Ama kusɔ nɛ Ebɔrɛ tɔl n yili maŋ kɔ kegbuŋgbuŋ kikɛ. Kasibɛ nɛ a deŋ kumo so malɛ nde: “Enyɛnpe na nyi basa nɛ b la mo peya.” Kusɔ nɛ k naŋ ti so e la: “Esa kama nɛ e kaŋɛ fanɛ e la Enyɛnpe peya, e lar alubi be kewora to.”

2 Pita 1:10

Amoso, ŋ kurgepoana, men baa wora ania ga kebaawɔtɔ ere to a ti so n shin nɛ men be ketre nɛ kelara nɛ Ebɔrɛ lara menyi na e baa dii efuli men be kebaawɔtɔ to. Nɛ menyi alɛ baa wora loŋ be asheŋ na men maaŋ tɔr kikɛ.

1 Jɔn 2:28

To, naniere ma mbi shasoana, men baa kraa wɔ mo to, saŋɛ na so, e kaŋ ba, anyi maaŋ baa shika to kikɛ, anyi alɛ maaŋ naŋ ji anishinyɔr mbe anishito ŋkpal menyi so.

Juud 1:24

Men shin nɛ an baa di Ebɔrɛ mo nɛ e beeŋ tiŋ ŋ keni menyi so nɛ men sa maŋ tɔr na epaŋ. Mo e naaŋ tiŋ n chɛ menyi to nɛ men yige alubi be kebaawora nseŋ tiŋ n yili mbe anishito cheembi n wu mbe kemaŋkura kagbenefuliso

1 Samuɛl 2:2

Ebɔrɛ kikɛ maŋ wɔtɔ a du cheembi fanɛ fo Enyɛnpe na; Esa kama maŋ du fanɛ fo. Fo an be Ebɔrɛ du fanɛ kebee nna a kuŋ anyi.