Luuk 6:47 - EBƆRƐ BE KAWƆL

⁴⁷ Meeŋ ŋini menyi kananɛ esa nɛ e bee ba ma kutɔ m ba kaa nu ma mmalga nsaa bɛ amo so du.

Luuk 6:47 ပူးပေါင်းရင်းမြစ်များ

Aizaaya 55:3

Ma basa, men nu n sa ma nseŋ ba ma kutɔ. Men ba ma kutɔ nseŋ nya ŋkpa! Ma nɛ menyi beeŋ kre kɔnɔkoŋwule be ŋkre nɛ k wɔtɔ mbaanaayɔ, saŋɛ na so meeŋ sa menyi enɛfa nɛ n nase amo be kɔnɔ n sa Ewura Deevid na.

Matiu 12:50

Ŋkpal manɛ so, ekama nɛ e bee wora n Tuto nɛ e wɔ ebɔrɛso na be aparsheŋ e la n sipo nɛ n sipoche nɛ n nio.”

Matiu 17:5

E kraa malga nna nɛ kuwɔlpa nyɛkpɛso ko lar nɛ kumo be kiyoyul ba buu bumo so nɛ ebɔl shi kuwɔlpa na to ŋ kaŋɛ: “M Pibinyɛn shaso nɛ ma kagbene fuli mo so ga nde. Men baa nu mbe kɔnɔ.”

Luuk 11:28

Nɛ Yesu kaŋɛ: “Ayai, bumo nɛ baaŋ nu ebel e la bumo nɛ baa nu abɔrɛsheŋ na nsaa wora amo.”

Luuk 14:26

“Esa kama nɛ e ba ma kutɔ nsaa maŋ kishi mo tuto gbagba nɛ mo nio nɛ mbe eche nɛ bibi nɛ besiponyɛnana nɛ besipocheana hale mo gbagba be kumu be aparsheŋ, e maaŋ tiŋ a la ma ebɛsopo.

Luuk 6:48

E du fanɛ esa ko ka ya pɔr mbe kowu nna. E ka bee shin nɛ e fara kapɔr na nɛ e kur kasawule n tɔl ebu na be kifi n yili kefalta so. Bɔrɛ ka baŋ to chuful kaplɛkama n ya ber ebu na, k maŋ gbuŋgbuŋ to ŋkpal e ka pɔr ebu na nɛnɛ so.

Luuk 8:13

Asɔ duuso nɛ a tɔr kejasawule so na du fanɛ basa nɛ baa nu kamalga na nsaa sɔ kumo nɛ kagbenefuli na nna. Ama k maa luri bumo to nɛnɛ, amoso, b maa yirda a yɔ kufɔ. Kechɔŋkeni be jemanɛ baŋ ya fo nɛ b bɛ so ŋ gben.

Luuk 8:8

Asɔ duuso na be ako malɛ tɔr eshishɛr lela to ŋ kɔr n daŋ n wora, kekama wora bibi kalfa kalfa.” Keŋasa ere be kaman nɛ Yesu kaŋɛ: “To, fo nɛ fo kɔ asoe, fo nu!”

Baru lela nɛ Jɔn kute na 10:27

Ma mbolpɔ bee nu ma ebɔl nɛ n nyi bumo nɛ baa bɛ ma so.

Baru lela nɛ Jɔn kute na 13:17

Men baŋ pin asheŋ ere nsaa wora amo, nɛfa beeŋ baa la menyeya.”

Baru lela nɛ Jɔn kute na 14:15

Nɛ men baa sha ma, menyeeŋ baa bɛ ma mmalga naseso so.

Baru lela nɛ Jɔn kute na 5:40

Ama menyi alɛ maa sha keba ŋ kutɔ m ba nya ŋkpa na.

Baru lela nɛ Jɔn kute na 6:35

Nɛ Yesu kaŋɛ bumo: “Ma e la loŋ be bodobodo nɛ k bee sa ŋkpa na. Ekama nɛ e ba ŋ kutɔ, akoŋ maaŋ pɛ mo kikɛ nɛ ekama nɛ e yirda ma, achukoŋ malɛ maaŋ pɛ mo.

Baru lela nɛ Jɔn kute na 6:37

Esa kama nɛ n Tuto na ta m bɔɔ ma enɔ beeŋ ba ŋ kutɔ nɛ ekama malɛ nɛ e ba ŋ kutɔ, m maaŋ ju mo n lɛ kikɛ.

Baru lela nɛ Jɔn kute na 8:52

Ndoŋ nna nɛ Juwebi na kaŋɛ: “To, naniere nɛ an pin fanɛ kiyoyu lubi e wɔ fo to kashenteŋto, ŋkpal manɛ so, Eebraham nɛ anebiana na kikɛ wu n wu, ama kumo nɛ fee kaŋɛ fanɛ nɛ esa baŋ ta fo kamalga na n wɔtɔ mbe kagbene to, e maaŋ wu na.

Hibruwebi 5:9

Ebɔrɛ malɛ ka baŋ shin nɛ e ki cheembi n loge so, mo so nɛ ekama nɛ e bee nu a sa mo beeŋ bɔla n nya kumɔlga nɛ k maŋ kɔ ekar na.

Jeems 4:17

Fo kama malɛ nɛ fo nyi kusɔ nɛ k daga nsaa maŋ wora kumo, fo wora kulubi nna na.

1 Pita 2:4

Men baa ba Enyɛnpe nɛ e bee sa ŋkpa na kutɔ. Mo e du fanɛ kejembu nɛ k kɔ ŋkpa nɛ basa keni jiga ŋ kini mo na, ama Ebɔrɛ bre kutɔ, e la mbe esa laraso nɛ mbe kenishi nna.

2 Pita 1:10

Amoso, ŋ kurgepoana, men baa wora ania ga kebaawɔtɔ ere to a ti so n shin nɛ men be ketre nɛ kelara nɛ Ebɔrɛ lara menyi na e baa dii efuli men be kebaawɔtɔ to. Nɛ menyi alɛ baa wora loŋ be asheŋ na men maaŋ tɔr kikɛ.

1 Jɔn 2:29

Menyi alɛ gba baa nyi Kristo na ka niŋi kusɔ kikɛ to. Kumo ere a daga fanɛ men baa nyi fanɛ esa kama nɛ e bee wora asɔ nɛ a niŋi la Ebɔrɛ pibi nna na.

1 Jɔn 3:7

Ma mbi shasoana, men sa maŋ shin nɛ esa kikɛ e shin nɛ men foe ekpa. Ekama nɛ e bee wora asheŋ nɛ a niŋi la esa niŋiso nna ashi Ebɔrɛ be anishito fanɛ kananɛ Kristo niŋi na.

Kelaraŋŋini 22:14

Kagbenefuli la bekama nɛ b fɔr bumo be epiŋi nɛ a lar so nseŋ nya ekpa nɛ b ji ŋkpa be kedibi na be asɔrso nseŋ naŋ nya m bɔla mbuna to na n luri kadegboŋ na to na peya nna.