Luuk 6:45 - EBƆRƐ BE KAWƆL

⁴⁵ Esa lela bee kaa shin nɛ asɔ lela damta nɛ a wɔ mo to na bee shi mo to a lar nna na nɛ esa lubi malɛ bee kaa shin nɛ asɔ lubi damta nɛ a wɔ mo to na bee shi mo to a lar. Men maŋ nyi fanɛ asɔ nɛ a bɔlɔ nyiŋgbasa be kagbene to e naa lar mbe kɔnɔ to a?

Luuk 6:45 ပူးပေါင်းရင်းမြစ်များ

Nshɛ 140:5

Kamoowuwuraana ŋana nna n sho ajigbelɛ nɛ ashewu ma ekpa to a fin ma nɛ b pɛ.

Nshɛ 59:12

Bedoŋ na la befɛpo nna, amoso shin nɛ bumo be njɔŋ fuloŋ nɛ baa ji na e kilgi m pɛ bumo.

Nshɛ 59:7

Nu mmalga nɛ a bee lar bumo be nnɔ to. Asɔ nɛ baa kaŋɛ bee besa nna fanɛ b ka da esa kasaŋɛ na. Baa kaŋɛ bumo be amu nna fanɛ esa kama maa nu kusɔ nɛ baa kaŋɛ na.

Aŋasa 12:18

Esa nɛ e maa fɛ nfɛra pɔɛŋ nsaa malga be mmalga bee besa nna fanɛ b ka ŋe esa kasaŋɛ nna, ama enyiashempo be mmalga bre bee wushi ebesa nna.

Aŋasa 15:23

Keshuli n wora kesheŋ saŋɛ nɛ k daga nɛ kananɛ k daga e naa bar kagbenefuli.

Aŋasa 4:23

Baa da fo nfɛra fɛso so, ŋkpal manɛ so amo e naa ŋini fo kebaawɔtɔ.

Baru lela nɛ Jɔn kute na 7:38

Esa kama nɛ e yirda ma, nchu nɛ a bee sa ŋkpa na e naaŋ ba lar mo to fanɛ kananɛ abɔrɛsibɛ na bee kaŋɛ na.”

Ashuŋ Shunso 5:3

Nɛ Pita bishi mo: “Ananiyas, manɛ e ba nɛ fo shin nɛ Setani ba fo kagbene to m ba shin nɛ fo lara fo kudɔ na be amansherbi nɛ fo nya na so nseŋ ta ade m ba nɛ fo ba fule Kiyoyu Cheeŋ na?

Ɛfesesebi 3:8

Kashenteŋto nna fanɛ m maŋ fo Ebɔrɛ be basa to be ekekarso gba kuraa, ama Ebɔrɛ ta le be kuwɔr be kakɛ ere nna n sa ma nɛ m bɔ Kristo be enɛfa damta be baru lela na n sa nnyamase

Ɛfesesebi 4:29

Men sa maa shin nɛ mmalga lubi kikɛ e baa lar men be nnɔ to. Men baa malga kechɛto nawule be mmalga, mmalga nɛ a bee yɛr basa anishito a chɛ bumo to ashi bumo be asheŋ tirsoana to, saŋɛ na so a beeŋ baa kɔ tɔnɔ a sa bekama nɛ baa nu amo na.

Ɛfesesebi 5:19

Men baa ta Ebɔrɛ be kawɔl to be nshɛ nɛ Ebɔrɛ be basa be kedi epaŋ be nshɛ nɛ abɔrɛsheŋ be nshɛ a boŋ a kute asheŋ a sa abar nsaa ta men be ŋgbene kikɛ a boŋ nshɛ a di Ebɔrɛ Enyɛnpe na epaŋ.

Kɔlɔsiebi 3:16

Men bɛ kubɔya nɛ Yesu Kristo sa anyi na so saŋkama, men baa kɔ kanyiasheŋ a ŋini abar a leŋ abar to a boŋ Ebɔrɛ be kawɔl to be nshɛ nɛ Ebɔrɛ be basa be kapandi be nshɛ nɛ Kiyoyu Cheeŋ na bee ŋini na a di Ebɔrɛ epaŋ men be ŋgbene to.

Kɔlɔsiebi 4:6

Men shin nɛ men be kelejima e baa wɔ ebel saŋkama a kɔ kanyiasheŋ kumo to nɛ men pin kananɛ a daga men ka bee tuge basa be mmalga.

Hibruwebi 8:10

Ma, Enyɛnpe na naŋ kaŋɛ: Amo be saŋɛ na be kaman le be kɔnɔ naseso ere nɛ meeŋ nase n sa Israɛlebi fanɛ: Meeŋ ta ma mbraana n wɔtɔ bumo be nfɛraana to nseŋ sibɛ amo n deŋi bumo be ŋgbeneana so. Meeŋ baa la bumo be Ebɔrɛ nɛ bumo alɛ e baa la ma basa.

Juud 1:15

nɛ e ba ji basa kikɛ demu. E beeŋ ji m bri bɔrɛkinipoana kikɛ ŋkpal alubi mo nɛ b wora ŋ gbiti Ebɔrɛ ashi le be kabɔrɛkini be ekpa so kikɛ so nɛ mmalga lubiana nɛ bɔrɛkinipo lubipo ere malga ŋ gbiti mo Ebɔrɛ na kikɛ so so.”