Luuk 6:42 - EBƆRƐ BE KAWƆL

⁴² Nuso nɛ feeŋ wora n nya kagbene ŋ kaŋɛ fo niopibi: ‘N niopibi, shin nɛ n lara kaduubi nɛ k wɔ fo kenishi to ere n sa fo’, nsaa maa de kedishaŋ nɛ k wɔ fo gbagba be kenishi to so? Kebirkɔnshiwura ere! A daga fanɛ fo lara kedishaŋ nɛ k wɔ fo gbagba be kenishi to na pɔɛŋ nseŋ tiŋ n wu nɛnɛ n lara kaduubi nɛ k wɔ fo barkasa be kenishi to na.

Luuk 6:42 ပူးပေါင်းရင်းမြစ်များ

Aŋasa 18:17

Esa baŋ juŋkpar m malga ashi demujikpa, fee fɛ nna fanɛ mo e kɔ kashenteŋ ama mo barkasa gba baŋ malga nna.

Matiu 26:75

Epul na to nɛ koshinyɛn boŋ nɛ Pita nyiŋi kusɔ nɛ Yesu daŋ kaŋɛ mo fanɛ: “Pɔɛŋ nɛ koshinyɛn e boŋ, feeŋ chɛ ale asa ŋ kaŋɛ fanɛ fo maŋ nyi ma.” Ndoŋ nna nɛ e lar kowu n ya shu ga.

Matiu 7:3

Manɛ e ba nɛ fee wu kaduubi nɛ k wɔ fo niopibi be kenishi to nsaa kplaŋ kedishaŋ nɛ k wɔ fo gbagba be kenishi to so

Matiu 7:4

Nuso nɛ feeŋ wora n nya kagbene ŋ kaŋɛ fo niopibi: ‘Shin nɛ n lara kaduubi fo kenishi to n sa fo’, nɛ kedishaŋ wɔ fo gbagba be kenishi to?

Luuk 13:15

Nɛ Enyɛnpe kaŋɛ mo: “Kebirkɔnshiwuraana e la menyi! Menyi be emo e maa saŋɛ mbe kena ŋko mbe kurma ashi kumo be kuluu to kewushiachɛ na a yɛr kumo nchu akpa nɛ k ya kaa nuu?

Luuk 22:32

ama ŋ kule Ebɔrɛ n sa fo fanɛ fo yirda e tiŋ a kɔ fo to kpakpa a yil. Nɛ fo alɛ ka baŋ lar loŋ be kebaawɔtɔ na to, fo leŋ fo kurgepoana na to.”

Luuk 6:41

Manɛ e ba nɛ fee wu kaduubi nɛ k wɔ fo niopibi be kenishi to nsaa kplaŋ kedishaŋ nɛ k wɔ fo gbagba be kenishi to so?

Luuk 6:43

Kedibi lempo maa sɔr asɔrso lubi, kedibi pɔso malɛ maa sɔr asɔrso lela.

Ashuŋ Shunso 13:10

“Setani pibi ere. Fo la kelela be yiri kikɛ be edompo nna. Kafule be kulubi be yiri kikɛ e baŋ bɔlɔ fo to nɛ saŋkama fee kɔ a fin keta Enyɛnpe be nshenteŋ ŋ ki efɛ.

Ashuŋ Shunso 2:38

Nɛ Pita kaŋɛ bumo: “Men be ekama e lar mbe alubi to, kumo be kaman nɛ e shin nɛ b bɛr mo kabɔrɛbɛr Yesu Kristo be ketre to nɛ Ebɔrɛ e ta mbe alubi m paŋ mo nseŋ sa mo Kiyoyu Cheeŋ na.

Ashuŋ Shunso 8:21

Fo maŋ kɔ shɛŋ anyi be kushuŋ ere to, ŋkpal manɛ so, fo kagbene maŋ bɔla ekpa ashi Ebɔrɛ kutɔ.

Romebi 2:1

Amoso, manɛ be ekpa nɛ fo dimɛdi kɔ nsaa tiŋ a wu fo barkasa kulubi? Ŋkpal manɛ so, kanaŋkama nɛ fo du nseŋ wu fo barkasa kulubi, fee ji nna a bri fo gbagba be kumu nna na, ŋkpal manɛ so, asɔ koŋwule na nɛ fee wora.

2 Kɔrintebi 5:18

Le be asheŋ ere malɛ kikɛ shi Ebɔrɛ nɛ e bɔla Kristo so n shin nɛ anyi nɛ mo ere Ebɔrɛ naŋ nyalɛ nseŋ ta mo nɛ basa be kenyalɛ be kushuŋ m bɔɔ anyi enɔ na kutɔ nna.

2 Timoti 2:21

To, esa kama malɛ nɛ e lara mbe kumu ashi asheŋ jiga to, kumo ere e beeŋ baa la esa nɛ Enyɛnpe na bee lara nna nɛ e shuŋ kenishipereso be ashuŋ. Amodoŋwura mo Nyɛnpe beeŋ baa fute a yige mo so nseŋ ta kushuŋ lela kikɛ m bɔɔ mo enɔ.

2 Pita 1:9

Esa kama nɛ e maŋ kɔ loŋ be asɔ na tan nna na, mo alɛ maa wu a yɔ kufɔ, mo alɛ nseŋ naŋ teŋ so fanɛ Ebɔrɛ kpra mbe alubi nɛ a daa wɔ mo so na kikɛ ashi mo so.