Luuk 6:30 - EBƆRƐ BE KAWƆL

³⁰ Esa kama nɛ e kule fo kusɔ kama, fo sa mo, nɛ esa ta fo asɔ, sa maŋ kaŋɛ mo fanɛ e bɛta amo m ba.

Luuk 6:30 ပူးပေါင်းရင်းမြစ်များ

Nshɛ 112:9

Baa bugi ŋgbene nna a kɛ betentaŋasepo asɔ nɛ bumo be kelela be kewora malɛ maŋ kɔ ekar. Amoso basa bee nyiŋi bumo jemanɛ kikɛ nna.

Nshɛ 41:1

Enyɛnpe Ebɔrɛ, fee nɛfa bekama nɛ baa chɛ betirpo to nna, nsaa mɔlga loŋ be basa tɔrɔ be saŋɛ so.

Aŋasa 19:17

Kekɛ etirpo kusɔ du fanɛ fo ka ta kumo m paŋ Enyɛnpe Ebɔrɛ nna; Ebɔrɛ beeŋ ka fo kumo be kukɔ.

Aŋasa 21:26

ŋkpal manɛ so saŋkikɛ e bee fin kenya kusɔ ko nna. Ama esa nɛ e bee wora asheŋ niŋiso bre bee kaa kɔ asɔ nna a kɛ saŋkama.

Aŋasa 22:9

Esa kama nɛ e bee bugi kagbene a kɛ beeŋ nya nɛfa, ŋkpal mo nɛ betirpo ka bee barga mbe kusɔ jiso to so.

Kaŋinichiŋgeliŋ 11:2

Baa chige fo asɔ to a sa basa be yiri yiri damta, ŋkpal manɛ so, fo maaŋ tiŋ m pin jemanɛ nɛ kumu lubi beeŋ tu fo.

Kaŋinichiŋgeliŋ 8:16

Kapa nɛ kanyɛ mee gal edi nna a wora ania nɛ m pin kusɔ nɛ k bee wora durnya ere to.

Matiu 18:35

Nɛ Yesu kaŋɛ: “To, kananɛ n Tuto nɛ e wɔ ebɔrɛso na beeŋ wora menyi be ekama nna na ama amodoŋwura baa ta asheŋ nɛ mo braana bee wora mo nna a paŋ bumo kashenteŋto.”

Matiu 5:39

Ama ma e kaŋɛ menyi na fanɛ, nɛ esa lubi ko wora menyi kulubi, men sa maŋ wora mo kulubi n tal to. Nɛ esa baŋ kpa fo jisoso be ketaya etaŋ, fo naŋ kilgi fo bena so be ketaya gba n sa mo.

Matiu 6:12

nseŋ ta anyi be alubi m paŋ anyi fanɛ kananɛ anyi alɛ gba ta m paŋ bumo nɛ b wora n da anyi so na.

Luuk 11:41

Kusɔ nɛ k daga kewora e la men ka bee ta asɔ ashi menyi be ekpanjawu to a kɛ betirpo nɛ kusɔ kama e nyalɛ n sa menyi.

Luuk 12:33

Men fa menyi be ekpanjawu to be asɔ nseŋ ta amo be amansherbi n sa betirpo. Loŋ e naaŋ shin nɛ men baa kɔ ekpanjawu nɛ a bɔlɔ menyi be ekɔlgu a yil ebɔrɛso a maa jija, amo alɛ maa duga so. Eyu kikɛ maaŋ tiŋ n yuri amo ndoŋ, elala malɛ gba maaŋ tiŋ n ji amo.

Luuk 18:22

Yesu ka nu loŋ nɛ e kaŋɛ kanyɛn na le: “Kusɔ koŋwule e kraŋ ka nɛ fo wora. Kumo alɛ nde: Ya fa fo asɔ kikɛ nyam n ta amo be amansherbi n chige betirpo. Loŋ nɛ feeŋ nya ekpanjawu ashi ebɔrɛso. Ade be kaman nɛ fo ba bɛ ma so.”

Luuk 6:29

Nɛ esa baŋ kpa fo etaŋ, fo naŋ kilgi ketaya nyɔsopo nɛ k ka na n sa mo, nɛ esa baŋ sɔ fo kale, fo shin nɛ e sɔ fo siŋgleti gba n ti so.

Luuk 6:31

Kusɔ kama nɛ menyee sha fanɛ basa e baa wora a sa menyi, menyi alɛ gba e baa wora loŋ a sa bumo.

Luuk 6:38

Men baa sa basa asɔ nɛ Ebɔrɛ malɛ e sa menyi. Loŋ na Ebɔrɛ beeŋ kɛ menyi asɔ m bɔlɔ men be enɔana a wurge fanɛ kananɛ ayufapoana bee karga ayu a bɔlɔ egarwa a wurge a fa na. Kanaŋkamaso nɛ menyee ber asɔ a sa men braana na gbagba chap nɛ Ebɔrɛ beeŋ ber amo n sa menyi alɛ gba.”

Ashuŋ Shunso 20:35

M bɔla kusɔ kama to ŋ ŋini menyi fanɛ kebaashuŋ le ere nɛ anyee chɛ bepɔshipo to nsaa nyiŋi Enyɛnpe Yesu gbagba be mmalga nɛ e kaŋɛ na: ‘Kakɛ kɔ kagbenefuli a chɔ kesɔ.’ ”

2 Kɔrintebi 8:9

Ŋkpal manɛ so, men nyi Kristo, Enyɛnpe Yesu be kuwɔr be kakɛ na be asheŋ, fanɛ e ka la damawura, ama menyi so nɛ e ki etirpo, saŋɛ na so menyeeŋ bɔla mbe ketir so ŋ ki damawuraana.

Ɛfesesebi 4:28

Ekama nɛ e daa yuri e yige kayu na naniere nseŋ fara a ta mbe enɔana a wora asheŋ lela a shuŋ, saŋɛ na so e beeŋ nya kusɔ nɛ k daga n tiŋ n chɛ bumo nɛ b maŋ kɔ to.