Luuk 6:29 - EBƆRƐ BE KAWƆL

²⁹ Nɛ esa baŋ kpa fo etaŋ, fo naŋ kilgi ketaya nyɔsopo nɛ k ka na n sa mo, nɛ esa baŋ sɔ fo kale, fo shin nɛ e sɔ fo siŋgleti gba n ti so.

Luuk 6:29 ပူးပေါင်းရင်းမြစ်များ

2 Samuɛl 19:30

Nɛ Mifiboshɛf kaŋɛ le: “Shin nɛ Ziba e ta kapetɛ na kikɛ. Yiramu k wora ma ebel ga fo ka ba epe nɛ alenfia.”

2 Kronikɛls 18:23

Ndoŋ nna nɛ Anebi Zɛdikaya yɔ Mikaya kutɔ n ya kpa mo etaŋ anishito m bishi mo le: “Saŋɛ mo nɛ Enyɛnpe Ebɔrɛ be kiyoyu yige ma n ya malga fo kutɔ?”

Aizaaya 50:6

Ŋ kilgi ma kaman nna n sa basa, nɛ baa beri, nseŋ kilgi ma ketaya n sa bumo, nɛ baa tia ma katɔl be afuibi. Ma alɛ maŋ kaŋɛ basa nɛ baa tege ma nsaa tu echɔl a wɔtɔ ma anishi to na fanɛ b yige.

Nfabel 3:30

Hale nɛ b bri anyi nseŋ tege anyi gba, an sɔ kumo loŋ.

Maika 5:1

Jerusalɛmebi, men gama men be benapo abar so n wora shiriya, ŋkpal manɛ so, bedoŋ kulti anyi nna n wɔtɔ! Baa fin kekɔ Israɛlebi be ewura kena ŋ ŋe mbe ketaya kedibi nna.

Matiu 26:67

Ndoŋ nna nɛ b tuu echɔl n fea mbe anishito nsaa ŋmɛa a ŋmɛa mo

Luuk 22:64

nseŋ naŋ wora mo kebuumbuuanishi nseŋ ŋmɛa mo nsaa kaŋɛ mo: “Pin esa nɛ e ŋmɛa fo ere.”

Luuk 6:30

Esa kama nɛ e kule fo kusɔ kama, fo sa mo, nɛ esa ta fo asɔ, sa maŋ kaŋɛ mo fanɛ e bɛta amo m ba.

Baru lela nɛ Jɔn kute na 18:22

Yesu ka malga le ere n loge nɛ bekumpo nɛ b daa yil ndoŋ na be eko kpa mo etaŋ nseŋ bishi mo le: “Le nɛ baa malga bɔrɛmatapo nimuso kutɔ a?”

Ashuŋ Shunso 23:2

Ndoŋ nna nɛ bɔrɛmatapo nimuso Ananiyas shin nɛ basa nɛ b daŋ yili n taga to Pɔɔl na ŋmɛa Pɔɔl be kɔnɔ.

1 Kɔrintebi 4:11

Hale m ba fo kabre, anyi nɛ akoŋ nɛ achukoŋ e na, anyi nɛ asɔ farbi e na, baa bri anyi nɛ anyi maŋ kɔ epeana a wɔtɔ.

1 Kɔrintebi 6:7

Men ka baa kɔ asheŋ menyi to ere e naa ŋini fanɛ men tɔr kashenteŋto pasaa. Men daa maaŋ tiŋ n shuli kejija nna n sa abar ŋkaa maaŋ yɛr abar demujikpa a? Keshuli n shin nɛ b puni menyi maŋ bɔ keyɛr abar demujikpa a?

2 Kɔrintebi 11:20

Kashenteŋto, menyee tiŋ a nyiti ekama nɛ e bee ta menyi fanɛ anya ŋko ekama nɛ e bee ji menyi so ŋko emo nɛ e bee dese kasawule a nya menyi ŋko emo nɛ e bee keni menyi a bɔl ŋko emo nɛ e bee kpa menyi etaŋ.

Hibruwebi 10:34

Men daŋ tu basa nɛ b ti ebuana n ji awurfoŋ nɛ saŋɛ nɛ b daŋ ba suge menyi be asɔ na gba, men daŋ ta kagbenefuli n nyiti loŋ be kesheŋ na gba ŋkpal men ka daa nyi fanɛ men kɔ kusɔ nɛ k chɔ asɔ na ga nsaa maŋ kɔ ekar na so.