Luuk 6:21 - EBƆRƐ BE KAWƆL

²¹ Kagbenefuli la menyi nɛ akoŋ kɔ naniere peya nna, ŋkpal manɛ so, menyeeŋ ba moɛ. Kagbenefuli la menyi nɛ menyee shu naniere peya nna, ŋkpal manɛ so, menyeeŋ ba mushe.

Luuk 6:21 ပူးပေါင်းရင်းမြစ်များ

Jɛnesis 17:17

Ndoŋ nna nɛ Eebraham gbir ŋ kurgi kumu n yuu nseŋ fara a mushe a fɛ le: “Enyɛn beeŋ tiŋ n fo nfɛ kalfa nseŋ naŋ tiŋ n nya mbia a? Sɛɛra malɛ beeŋ naŋ tiŋ ŋ kurge kebia saŋɛ nɛ e fo nfɛ adekpanu ere a?”

Jɛnesis 21:6

Sɛɛra ka kurge kebia na nɛ e kaŋɛ le: “Ebɔrɛ sa ma kagbenefuli nɛ emushe. Ekama malɛ nɛ e nu ma kakurge be asheŋ be kagbene beeŋ fuli nɛ e tu ma m mushe.”

Nshɛ 107:9

E bee sa ekama nɛ achukoŋ kɔ kusɔnuuso nna nɛ e bee nuu. Ekama malɛ nɛ akoŋ kɔ, e bee sa mo kusɔ jiso lela nna.

Nshɛ 119:136

Mee kaa shu anishichubi nna, ŋkpal basa ka maa wora fo mbraana kasonu so.

Nshɛ 143:6

M maŋ ma enɔana so ashi kabɔrɛkule to a shoŋi fo nna, Kananɛ kasawule wɔlso bee sha nchu na nɛ ma kiyoyu gba bee shu a fin fo.

Nshɛ 17:15

Meeŋ ba fo anishito, ŋkpal manɛ so, m maŋ wora kulubi kikɛ. M baŋ tiŋi nseŋ wu fanɛ fo wɔ ma kutɔ, ma kagbene beeŋ fuli nna.

Nshɛ 28:7

Enyɛnpe Ebɔrɛ na e naa sa ma eleŋ nsaa kuŋ ma. N yirda mo kashenteŋto. E chɛ ma to n shin nɛ ma kagbene fuli ma. Amoso meeŋ ji eyur nseŋ boŋ nshɛ n di mo epaŋ.

Nshɛ 65:4

Fo nɛfa bekama nɛ fo lara na nna, n shin nɛ b chena n sha fo ashi fo bɔrɛlambu to. Anyeeŋ ji anyi be amu ashi fo laŋ to nɛ fo bɔrɛlambu cheembi na to.

Aizaaya 25:6

Enyɛnpetale Ebɔrɛ na beeŋ bela ajibi lela nɛ asɔ nuuso belbelso be kejigboŋ ase n sa durnya to be efuliana kikɛ so ebi ashi kebee nɛ baa tre Zayɔn na so ashi Jerusalɛm.

Aizaaya 30:19

Men basa nɛ men wɔ Jerusalɛm to maaŋ naŋ shu kikɛ. Enyɛnpe Ebɔrɛ na la ewɔrwupo nna nɛ men shu n tre mo fanɛ e chɛ menyi to, e beeŋ nu n sa menyi.

Aizaaya 66:10

Menyi kikɛ nɛ menyee sha Jerusalɛm be kadegboŋ be asheŋ, men tu kumo n ji eyur! Menyi nɛ menyi be ŋgbene jija ŋkpal kumo so na e tu kumo n ji eyur naniere!

Jɛremaya 13:17

Ama nɛ men kini kenu n sa ma bre, meeŋ kpal menyi be kamoowuso n shu ashiri to. Meeŋ shu kenishipereso nɛ anishichubi a lar ma anishi to ŋkpal b ka beeŋ pɛ menyi nɛ men la Enyɛnpe Ebɔrɛ be basa n yɔ efuli pɔtɛana so fanɛ anya so.

Jɛremaya 31:25

Meeŋ sa basa nɛ b gbeŋ a chul to na eleŋ popɔr nseŋ sa bumo nɛ akoŋ bɛlɛ na ajibi nɛ b ji m moɛ.

Jɛremaya 31:9

Ma basa beeŋ ta kushu kabɔrɛkule nna a ba, saŋɛ nɛ n juŋkpar bumo m bɛta a ba epe na. Meeŋ juŋkpar bumo m bɔla ekpa nɛ k walɛ nɛ b maaŋ fiti kumo so n yɔ mbombi be nchu ase. Ŋkpal manɛ so, ma e la Israɛl mo tuto nɛ Efrayim malɛ la m pibinyɛn wurkoŋ.”

Jɛremaya 9:1

N daa yɛlga fanɛ ma kumu beeŋ baa la ketirbu nɛ ma anishi malɛ e baa la kubuye a bul anishichubi, saŋɛ na so meeŋ baa shu kapa nɛ kanyɛ a sa ma basa nɛ b mɔ na.

Ezikɛl 7:16

Bekama nɛ baaŋ ji efute na malɛ beeŋ shile n yɔ abee so fanɛ kufu ka pɛ elepɔ nɛ a firgi n shi ketaŋɛ to n yɔ kebee so na. Ndoŋ nɛ baaŋ ya shu ŋkpal bumo be alubi so.

Ezikɛl 9:4

ŋ kaŋɛ mo le: “Yɔ Jerusalɛm be kadegboŋ na to n ya dulgi bekama nɛ asheŋ bee besa nɛ bumo be ŋgbene jija bumo ŋkpal ekishisheŋ nɛ a bee wora kade na to so na be nsɔto.” Nɛ kanyɛn na lar n yɔ nɛ e ya dulgi bumo.

Matiu 5:4

Kagbenefuli la bekama nɛ baa shu nli na peya nna, ŋkpal manɛ so, baaŋ ba nya kagbenewushi.

Matiu 5:6

Kagbenefuli la bekama nɛ alelasheŋ be kebaawɔtɔ bee yɛlga bumo nsaa pere bumo kenishi na peya nna, ŋkpal manɛ so, baaŋ ba nya kumo kanaŋkamaso nɛ baa sha.

Luuk 1:53

E sa bumo nɛ akoŋ bee mɔ na asɔ lela ga nseŋ shin nɛ damawuraana bɛta n yɔ nɛ enɔfuloŋ.

Luuk 6:20

Nɛ Yesu keni mbe bebɛsopo nseŋ kaŋɛ: “Kagbenefuli la menyi betirpo peya nna, ŋkpal manɛ so, Ebɔrɛ be kuwura na to la menyeya nna.

Luuk 6:22

Nɛ basa kishi menyi a kini menyi nsaa tege menyi a tre menyi basa lubi ŋkpal ma, Nyiŋgbasa Pibinyɛn na so, kagbenefuli beeŋ ba kaa la menyeya.

Luuk 6:25

Menyi nɛ menyee moɛ naniere, asheŋ maaŋ ba nyalɛ n sa menyi, ŋkpal manɛ so, akoŋ e naaŋ ba kaa mɔ menyi. Asheŋ maaŋ ba nyalɛ n sa menyi nɛ menyee mushe naniere, ŋkpal manɛ so, men be ŋgbene beeŋ ba jija menyi ga nɛ men shu anishichubi.

Baru lela nɛ Jɔn kute na 11:35

Yesu shu.

Baru lela nɛ Jɔn kute na 4:10

Nɛ Yesu kaŋɛ mo: “Keni alako fo daa nyi Ebɔrɛ be kakɛ nna nseŋ daa nyi esa nɛ e bee kule fo nchu nuuso ere, fo daa beeŋ kule mo nɛ e sa fo nchu nɛ a bee sa ŋkpa.”

Baru lela nɛ Jɔn kute na 6:35

Nɛ Yesu kaŋɛ bumo: “Ma e la loŋ be bodobodo nɛ k bee sa ŋkpa na. Ekama nɛ e ba ŋ kutɔ, akoŋ maaŋ pɛ mo kikɛ nɛ ekama nɛ e yirda ma, achukoŋ malɛ maaŋ pɛ mo.

1 Kɔrintebi 4:11

Hale m ba fo kabre, anyi nɛ akoŋ nɛ achukoŋ e na, anyi nɛ asɔ farbi e na, baa bri anyi nɛ anyi maŋ kɔ epeana a wɔtɔ.

2 Kɔrintebi 11:27

Saŋkikɛ ma nɛ kegben nɛ kebaawɔtɔ kpakpaso e wɔtɔ. Saŋɛ damta ma nɛ kadigal nna, akoŋ mɔ ma nɛ achukoŋ pɛ ma. Saŋɛ damta m maŋ kɔ ajibi nɛ n ji saŋko nɛ n dese awo to saŋko m maaŋ ba kɔ asɔbuuso.

2 Kɔrintebi 12:10

Amoso, ŋkpal Kristo so ma kagbene bee fuli ma kapɔshi to nna nɛ kategeana to nɛ kebaawɔtɔ kpakpasoana to nɛ etɔrɔana to nɛ ŋgbenejijaana to. Ŋkpal manɛ so, kapɔshi baa wɔ ma to, kumo ere ŋ kɔ eleŋ nna na.

2 Kɔrintebi 6:10

An wɔ kagbenejija to, ama an be ŋgbene malɛ baa fuli anyi nna saŋkikɛ. Betirpo e la anyi, ama saŋkikɛ anyi alɛ bee wɔtɔ basa dama to nna. Anyi maŋ kɔ shɛŋ, anyi alɛ nsaa kɔ asɔ kikɛ.

Jeems 1:12

Ekama nɛ e pɔɔ kechɔŋkeni so, kagbenefuli beeŋ baa wɔ mo to, ŋkpal manɛ so, Setani baŋ chɔ mo ŋ keni ŋ gben. Ebɔrɛ beeŋ sa mo mbe ŋkpa nɛ e nase kɔnɔ fanɛ e beeŋ sa bekama nɛ baa sha mo na.

Kelaraŋŋini 21:3

Kumo be kaman nɛ n nu ebɔl ko awɔrso ka shi kuwurputi na akpa ŋ kaŋɛ: “Naniere bre, basa to e ki kakpa nɛ Ebɔrɛ ba nɛ e ba kaa wɔ. Mo nɛ basa beeŋ ba kaa wɔtɔ nɛ b baa la mbe basa. Ebɔrɛ gbagba e naaŋ ba kaa wɔ bumo to a la bumo be Ebɔrɛ.

Kelaraŋŋini 7:16

Akoŋ maaŋ naŋ pɛ bumo, achukoŋ malɛ gba maaŋ pɛ bumo. Epeŋi maaŋ mɔ bumo, ebeldɛ malɛ gba maaŋ mɔ bumo.