Luuk 6:12 - EBƆRƐ BE KAWƆL

¹² Saŋko Yesu dii kebeebi ko so n yɔ kabɔrɛkule to n ya kule Ebɔrɛ kumo be kamɔnchɛ be kanyɛso loŋ hale nɛ kare ya chɛ.

Luuk 6:12 ပူးပေါင်းရင်းမြစ်များ

Nshɛ 22:2

Ma Ebɔrɛ, mee shu a tre fo kapa nɛ kanyɛ nna, fo alɛ maa nu. Amoso ma kagbene maŋ dese ma.

Aizaaya 26:9

Kanyɛso kikɛ ma kagbene bee kɔ a fin fo nna. Fo baŋ ji durnya nɛ kumo be basa demu, bumo kikɛ beeŋ koya kebaawɔtɔ ŋini so.

Danɛl 6:10

Danɛl ka nu mbra na be asheŋ nɛ e yɔ epe. Mbe laŋ to be kuchoŋi be esoso be ebu be etokuro malɛ daŋ shoŋi Jerusalɛm be kaba so nna. Ndoŋ nna nɛ e gbir etokuro na ase a kule Ebɔrɛ fanɛ kananɛ e chɛr a wora na. E bee kaa gbir ndoŋ nna a kule Ebɔrɛ ale asa karechɛ kikɛ.

Matiu 5:1

Yesu ka wu jimaŋ ana na nɛ e dii n yɔ kebee ko so n ya chena nɛ mbe bebɛsopo ba mo kutɔ ndoŋ.

Matiu 6:6

Ama fo kama nɛ fee sha kekule Ebɔrɛ, fo luri fo ebu to n ti kabuna nseŋ kule fo Tuto nɛ basa maa wu na. Nɛ fo Tuto nɛ e bee wu kusɔ nɛ basa bee wora wulo to na e chɔrɔ fo.

Maak 1:35

Ŋklade kachipurdidi pɔɛŋ nɛ kaboŋ bugi to nɛ Yesu koso n lar kowu n yɔ ketamanto mo nawule n ya kule Ebɔrɛ.

Maak 3:13

Nɛ Yesu dii kebeebi ko so n tre basa nɛ e daa sha nɛ b ba mo kutɔ.

Maak 6:46

E ka kela bumo n loge nɛ e yɔ kebeebi ko so nɛ e ya kule Ebɔrɛ.

Luuk 5:16

Ama e daa tiŋ a yɔ kupuŋ to mo nawule nna n ya kaa kule Ebɔrɛ.

Luuk 6:11

Ndoŋ nna nɛ basa na diewu n fara a bishi abar kusɔ nɛ baaŋ wora Yesu.

Luuk 6:17

Bumo nɛ Yesu ka gbelge n shi kebeebi na so a ba nɛ bumo kikɛ nɛ bebɛsopo damta ko ba yili kakpa peŋgeleŋ ko. Jimaŋ damta ko gba daa wɔ ndoŋ. B daŋ shi Judiya be efuli na so kikɛ nɛ Jerusalɛm nɛ Tayɛ nɛ Saidɔn be teku ase be nde to nna m ba nɛ b ba nu mbe kubɔya na nɛ e chɛ bumo be alɔ be yiri kikɛ.

Luuk 9:18

Kachako Yesu nawule ka bee kule Ebɔrɛ nɛ mbe bebɛsopo wɔ mo kutɔ nɛ e kilgi m bishi bumo le: “Esa mo nɛ basa bee tre ma?”

Luuk 9:28

Asheŋ nɛ Yesu malga na be bɔkwe be kaman nɛ e keta Pita nɛ Jɔn nɛ Jeems n ya dii kebee ko so nɛ e ya kule Ebɔrɛ.

Luuk 9:29

E ka bee kule Ebɔrɛ na nɛ mbe anishiakpa kilgi kanaŋ ko nɛ mbe asɔbuuso fuli to parr a kpa edɛ.

Baru lela nɛ Jɔn kute na 6:3

Ndoŋ nna nɛ Yesu dii kebee ko n yɔ nɛ mo nɛ mbe bebɛsopo ya chena.

Kɔlɔsiebi 4:2

Men baa wɔ kabɔrɛkule kpakpaso to a de so nsaa chɔrɔ Ebɔrɛ men be kabɔrɛkule na to. Men baa kule a sa anyi alɛ gba nɛ Ebɔrɛ e sa anyi ekpa nɛ an kaŋɛ Yesu Kristo be asheŋ, kede e la wulo nɛ Ebɔrɛ daa maŋ naŋ bugi to ŋ ŋini basa na.

Hibruwebi 5:7

Yesu ka daa wɔ ŋkpa to durnya ere to na e daa ta kushu nɛ anishichubi nna a wɔ kabɔrɛkule to nseŋ daa kaŋɛ Ebɔrɛ nɛ e daa beeŋ tiŋ m mɔlga mo ashi luwu to na mbe asheŋ tirso. Ebɔrɛ malɛ daŋ nu mbe kekule na ŋkpal mbe kabɔrɛŋana so.

1 Samuɛl 15:11

“K wora ma kagbenejija ga fanɛ ŋ ka ta Sɔɔl ŋ ki ewura; ŋkpal manɛ so e pal kaman n sa ma nseŋ kini ma mbra be keb so.” Kumo be loŋ daŋ pɛ Samuɛl agbo ga nɛ e kule Ebɔrɛ awɔrso hale nɛ kare ba chɛ.