Luuk 5:5 - EBƆRƐ BE KAWƆL

⁵ Nɛ Saimɔn kaŋɛ mo: “Enyɛnpe, ndre kanyɛso kikɛ nɛ an shuŋ ŋ klade kabre, a maŋ nya shɛŋ, ama nɛ fo ere ka kaŋɛ le ere, meeŋ lɛ ma ashewu na n wɔtɔ.”

Luuk 5:5 ပူးပေါင်းရင်းမြစ်များ

Ezikɛl 47:10

Yili achubu nɛ baa tre Ɛngɛdi na hale n ya fo achubu nɛ baa tre Ɛneglem na, basa beeŋ baa pɛ ekɔrɔtɔ teku na to nsaa fata bumo be ashewu kumo be ekarso. Teku Wuso na beeŋ nya ekɔrɔtɔ be yiri yiri fanɛ kananɛ Mɛditerenia be Teku kɔ amo na.

Luuk 17:13

nseŋ malga eleŋso ŋ kaŋɛ le: “Yesu, Enyɛnpe, wu anyi kuwɔr.”

Luuk 8:24

Ndoŋ nna nɛ b ya tiŋi Yesu ŋ kaŋɛ mo: “Enyɛnpe, Enyɛnpe, anyee shin nɛ an mur nna na!” Nɛ Yesu koso m ponte afu nɛ nchu nɛ atiliana nɛ a koso na so nɛ amo kikɛ yɔɔ nɛ kakpa na wora shruum.

Luuk 8:45

Nɛ Yesu bishi: “Esa mo e beta ma?” Nɛ ekama kaŋɛ fanɛ e maŋ beta mo nɛ Pita kaŋɛ: “Enyɛnpe, fo alɛ gba wu kananɛ basa buu fo so a ŋin abar gbergber le.”

Luuk 9:33

Basa na ka bee yɔ a ka Yesu, nɛ Pita kaŋɛ Yesu: “Enyɛnpe, anyi be kebaawɔ nfe ere nyalɛ ga, anyeeŋ yuu abuu asa nɛ kukoŋwule e baa la feya nɛ kukoŋwule e baa la Mosis peya nɛ kukoŋwule malɛ e baa la Elaija peya.” Kashenteŋto, e daa maŋ nyi kusɔ nɛ e daa malga.

Luuk 9:49

Kachako Jɔn kaŋɛ Yesu: “Enyɛnpe, an wu kanyɛn ko ka kɔ fo ketre a ju mbuibi lubi nɛ an kaŋɛ mo fanɛ e yige, ŋkpal manɛ so, e maŋ la anyi to be eko.”

Baru lela nɛ Jɔn kute na 15:14

Nɛ men baa wora asɔ nɛ mee kaŋɛ menyi, kumo ere n teriana e la menyi.

Baru lela nɛ Jɔn kute na 2:5

Ndoŋ nna nɛ Yesu mo nio kilgi ŋ kaŋɛ laŋ na to be nyɛrbi le: “Kusɔ kama nɛ e yɛ men wora, men wora.”

Baru lela nɛ Jɔn kute na 21:3

Nɛ Saimɔn Pita kaŋɛ bumo le: “Ma ere bee yɔ ekɔrɔtɔ be kepɛ to nna.” Nɛ bumo nɛ b ka na malɛ kaŋɛ mo: “Anyeeŋ tu fo n yɔ.” Ndoŋ nna nɛ bumo kikɛ lar n ya luri ekuloŋ to, ama kumo be kamɔnchɛ be kanyɛso na b daa maŋ nya shɛŋ m pɛ.