Luuk 5:30 - EBƆRƐ BE KAWƆL

³⁰ Ndoŋ nna nɛ Efarisiana na nɛ bumo to be mbraŋinipoana na bile asheŋ nseŋ bishi Yesu be bebɛsopo na: “Manɛ e ba nɛ menyi nɛ lamposɔpoana nɛ alubiworapoana bee ji nsaa nuu?”

Luuk 5:30 ပူးပေါင်းရင်းမြစ်များ

Aizaaya 65:5

Ade be kaman nɛ b kaŋɛ basa pɔtɛ le: “Men sa maa mata anyi, an du cheembi ga nɛ men baa bɛta anyi!” Le be basa du fanɛ edishi nna a luri ma kamuna to a kpar ma. Ma agbo a laŋɛ bumo be kaplɛa so, du fanɛ edɛ nɛ k maa duŋ kikɛ na nna.

Matiu 5:46

Nɛ men baa wɔtɔ a sha basa nɛ baa sha menyi na nawule, manɛ be tɔnɔ nɛ menyeeŋ nya? Men maŋ nyi fanɛ loŋ nɛ lamposɔpowuraana gba bee wora a?

Matiu 9:11

Efarisiana na ka wu loŋ nɛ b bishi mbe bebɛsopo na: “Manɛ e ba nɛ men be Eŋinipo nɛ elamposɔpoana nɛ alubiworapoana bee ji?”

Maak 2:16

Efarisiana to be mbraŋinipoana na ka wu Yesu nɛ alubiworapoana nɛ lamposɔpoana ka tu abar a ji nɛ b bishi mbe bebɛsopo na: “Manɛ e ba nɛ mo nɛ lamposɔpoana nɛ alubiworapoana bee ji?”

Maak 7:3

Ŋkpal manɛ so, Efarisiana nɛ Juwebi na daa bɛ bumo nanaana be kesheŋ ŋiniso so nna fanɛ b maa ji ama b baŋ fɔr bumo be enɔana nna fanɛ kananɛ bumo be edaŋkaresheŋ bee ŋini na.

Maak 9:16

Nɛ Yesu bishi mbe bebɛsopo: “Manɛ be emɔrɔ nɛ menyi nɛ bumo bee ji?”

Luuk 18:11

Ndoŋ nna nɛ Farisinyɛn na ya yili ŋ kule Ebɔrɛ ŋ kaŋɛ: ‘Ebɔrɛ, mee chɔrɔ fo ga fanɛ ma ere maŋ du fanɛ m braana a suge basa ŋko a la esa lubi ŋko a la esa nɛ e wɔtɔ a kɔ eche nsaa di beche jijiga ŋko a du fanɛ lamposɔpo nɛ e yil ere gba.

Luuk 19:7

Basa na kikɛ ka wu loŋ nɛ b bile asheŋ ŋ kaŋɛ: “Men keni, e ka yɔ alubiworapo pe n ya ki mbe efɔ.”

Luuk 5:17

Kachako Yesu ka bee ŋini basa abɔrɛsheŋ nɛ Efarisiana nɛ mbraŋinipoana ko tase ndoŋ. Bumo kikɛ daŋ shi Galili nɛ Judiya be ndeana kikɛ nɛ Jerusalɛm be kade to nna m ba. Jemanɛ na gbagba nɛ Kiyoyu na wɔ Yesu to a sha nɛ e chɛ belɔpo.

Luuk 5:21

Ndoŋ nna nɛ Efarisiana na nɛ mbraŋinipoana na fara a bishi abar: “Manɛ be ekpa nɛ kanyɛn ere kɔ a malga a gbiti Ebɔrɛ le? Nyiŋgbasa kikɛ maaŋ tiŋ n ta alubi m paŋ ama Ebɔrɛ nawule.”

Luuk 7:34

Nɛ ma, Nyiŋgbasa Pibinyɛn ba kaa ji nsaa nuu nɛ men naa kaŋɛ le: ‘Men keni kanyɛn ere, ajibishapo nɛ nsanuupo nɛ lamposɔpoana nɛ alubiworapoana bumo teri e la mo.’

Luuk 7:39

Farisinyɛn nɛ e daŋ tre Yesu fanɛ e ba ji ajibi na ka wu loŋ nɛ e kaŋɛ mbe kumu: “Nɛ kanyɛn ere baa la anebi gbagba nna, e beeŋ pin esa nɛ e la kache nɛ e bee beta mo ere, e beeŋ pin kebaawɔtɔ lubi nɛ e wɔ to.”

Ashuŋ Shunso 23:9

Ndoŋ nna nɛ bumo be kaponte na naŋ dii ga nɛ mbraŋinipoana nɛ b la Efarisiana na be beko niŋi to n yili m ponte eleŋso ŋ kaŋɛ fanɛ b maŋ shuli ŋ kaŋɛ: “Anyi ere maŋ wu kulubi kikɛ kanyɛn ere so. Ashere kiyoyu ko ŋko malaika e malga mo kutɔ kashenteŋto na.”